Monster Sushi 尖沙咀

Monster Sushi 評價 相片

一直都有留意這店從最初在這 I Square開店至今, 由最初人流都幾旺下至現在轉為只是一般而己, 裝修亦是一直沿用至而家, 一坐落最令我吃驚的是放下一個完全係被暴力對待至壺身三尖八角嘅茶壺?!到底係無心之失定係什麼原因重會放出廳面用來招呼客人呢? 即使唔想浪費一般都會放喺員工休息室用架啦! 好少用來招呼客人啩, 以上絕非猜測而係常理都會咁做 ! 壽司的三文魚籽卷捲得唔太實淨, 腐皮壽司$14則越做越細件,要叫兩碟先滿足到自己對它的慾望, 忌廉芝士三文魚軍艦$39料足但價錢都收足啦, 碎蔥吞拿魚腩軍艦$36則普通啦, 現在子薑要問先有, 挾一碟俾你如果你唔係一味夾薑食的話這碟係夠用的了,玉子燒$22隻碟就幾靚但蛋卷實在做得麻麻地, 睇相都見到只係一塊蛋皮捲起中間有相當多空間, 學師未成的例子之一, 大蝦炸天婦羅壽司$24係太座至愛的一品不過又是一般但隻炸蝦size真的大連下面舊飯都見唔到喎, 串燒的兩款反而唔錯, 和風紫蘇黑豚肉串燒$36個名好鬼長其實咪就係燒五花腩囉, 算夠厚身亦有點焦香配埋紫蘇嘅香氣四溢,肉質本身亦有點豬肉嘅騷香, 肥牛蘆筍卷$32都捲得實實淨淨, 配嘅汁漿甜中有酸唔錯啦! 最後叫嘅係火炙三文魚腩四件$55全晚最好味可能係呢個, 的確係非常之肥美, 四件的確係夠晒, 不過整體表現正在退步中, 下次再來呢個場希望佢重喺度啦!

很久以前就聽說過 Monster Sushi 是藝人吳先生有份開的，一直都想試試。

趁着今天是農曆新年，決定要食頓美食。

原來現在有special promotion，大部分壽司，卷物及飲品半價！我們倆也毫不猶豫叫了一大枱食物。

火焰美乃滋蟹棒壽司鮮紅的蟹棒上面有適量的沙律醬，曰本珍珠米壽司飯是微焦的，香氣四溢！咸甜適中！腐皮壽司 腐皮新鮮又滑，壽司飯微酸，是我最愛的壽司！玉子壽司 金黃蛋厚身有咸香，加上脆脆紫菜很好的味道！呑拿魚腩壽司是我們選擇中最貴的一款 原厚的吞拿魚加上適量的油脂分怖，新鮮絶頂，令人一再回味！黑松露鯛魚壽司 松露份量雖少但是靚貨色，濃郁松露香，鯛魚油在口中是非常震撼！三文魚刺身 24/4塊夫復何求！新鮮，厚身，大件，便利店的價錢，但日本新鮮三文魚！絕不欺埸！難得一讚的是從下單到上菜不用五分鐘，日本的效率及質素，便宜的價錢在I square中找到！為我的新年作一個完美的開始！😌P.S 店員溫馨提示登記做會員，還可享用一客免費的黑松露三文魚壽司！🤓

夜晚約左朋友撐枱腳開心下，原先想去既餐廳又full左唔再派籌 咁四圍行下望下，見到咁多人排隊 原來半價優惠 又唔算多人就去排下等位 又唔算等左好耐 半個鐘左右 (平日 7點去)因為太肚餓既關係，所以食到一半先記得影相嗌左好多野食 推介下我食過好味既海膽軍艦 海膽好鮮鰻魚玉子 好味丫我麻麻地鰻魚既都覺得好食，但鰻魚小左啲芝士三文魚唔知乜卷 唔記得名⋯好味丫其他都不過不失餃子雞翼咸左啲叫左2杯野食荔枝草莓蘆薈沙冰草莓味就無乜 但飲得出荔枝味 唔太甜既飲品藍莓乳酸沙冰 好似紫色吱吱冰咁既甜味個人不太喜歡叫左15款食物（無記錯既話） 2個人加埋400鬆就走得

見佢半價好似好抵,之前食過都可以，所以今日去食，但今次用餐經驗極度失望和不愉快！第一張單等左一個鐘先上齊，催左幾次先黎！仲要每一碟壽司都隔左成十幾分鐘先黎一碟！入面已經唔係full,但上菜好慢好慢！有d 2碟黎左一碟叫待應跟又懶懶閒！仲要話已經黎左！可唔可以睇清左先，跟清楚張單先呢！限你個半鐘用餐時間，但係你上菜甘慢點夠時間食！真係食爭鮮都無甘嬲！起碼人地快靚正。

同埋食物的質素比以前差左好多！無下次！

提起黑夜壽司，上次介紹了我的飯堂一壽司，這次就來介紹一下我沒有那麼常去的Monster Sushi，不是因為Monster Sushi的食物質素比一壽司差，只是Monster Sushi地方不夠就腳，但食物而言，我倒覺得Monster sushi略勝一籌。

去到哪間也必點的芒果花之戀，芒果香甜，取締了尋常花之戀壽司必配的沙律醬，非常清新，芒果與三文魚搭配適宜，芒果中和了三文魚的魚油感。

海膽軍艦，小小壽司上放了份量不算少的海膽，鹹甜甘香，海膽於白飯在口內混合，飯粒也添了海水味。

柚子帆立貝壽司，壽司飯上舖了一片厚薄適中的貝肉，貝肉上放有柚子肉，壽司底沾上一點兒柚子醋，非常清新一道壽司。

這次和我一齊食飯的朋友不好生食，故此我們點了為數不少的熟食壽司，辣汁軟殼蟹壽司，軟殼蟹非常大一塊，但也許炸了一段時間，已有少許軟身，辣汁倒是惹味。

專門叫給朋友的大蝦天婦羅壽司，天婦羅被炸得金黃，看著就覺得可口。

後為芝士玉子壽司，前為火炙芝士皇帝蟹棒壽司，兩者面上都鋪著烤過的芝士和沙律醬，玉子蛋香味足，蟹棒也非常大條，頗為抵食。

鵝肝芝士軟殼蟹卷，味道不錯，可惜我是完全看不到鵝肝啊😂壽司標配，鰻魚壽司，鰻魚肉質嫩,烤得剛剛好。

這次難得叫了沒有半價的小食，咖哩鹽燒雞軟骨和芝士燒免治雞肉棒。

我自己非常好軟骨類食物，咬起來卡滋卡滋，口感非常好，加上只是用了一點點咖喱鹽調味，好吃。

而雞肉棒燒時塗了厚厚燒汁，燒汁味比芝士味重，但不影響它的味道，挺好吃。

同樣是以黑夜壽司為賣點，兩家店的價格倒不會差異太大，Monster壽司感覺平實，但味道略勝一壽司。

一壽司款式特別，能嚐到很多平時吃壽司吃不到的組合，兩者各有優點，都很值得推介呢！

Monster Sushi餐單提供日本菜, 壽司, 刺身等推介美食位於尖沙咀區，餐廳座位數未知人均消費約$101-200，結賬可以用Visa,Master,現金,AE,銀聯。

您對於尖沙咀餐廳「Monster Sushi」有何 comment？

Monster Sushi餐廳詳細資料：

• Monster Sushi地址:
  尖沙咀彌敦道63號iSQUARE國際廣場3樓302號舖
  Monster Sushi, Shop302,3/ F,i Square,63 Nathan Road, Tsim Sha Tsui
• Monster Sushi電話:  
• Monster Sushi價錢: $101-200
• 分類: 日本菜, 壽司, 刺身
• 座位: 未知
• 付款: Visa,Master,現金,AE,銀聯
• FB專頁: Monster Sushi Facebook

更多Monster Sushi相關資料:

• Monster Sushi分店
• Youtube
• Facebook
• Twitter
• Google