LeTAO 尖沙咀

LeTAO 評價 相片

呢間係我最愛嘅甜品鋪🥰日本過江龍「LeTAO」🤩相信有去過北海道小樽嘅朋友仔，一定聽過佢個大名😎佢絕對係北海道小樽甜品文化界嘅代表‼️而香港店賣嘅甜品，都係由北海道空運直送到港👍🏻保證原汁原味😆🔹雙層芝士蛋糕$220 ：呢個芝士蛋糕絕對係佢嘅招牌菜😎必食推薦‼️蛋糕入面有兩層，底層係經過烘焙嘅超濃厚芝士蛋糕🤤而上層就係超軟滑嘅半熟芝士蛋糕😍芝士同奶味都晒濃郁，仲好Creamy🤤芝士迷絕對唔好錯過呀‼️另外佢嘅蛋糕係需要用冰箱存放，食之前拎出解凍，半溶狀態之下，仲正🤤好似食緊芝士雪糕蛋糕咁😍評分味道：5/5性價比：4/5回頭率：5/5

而家有唔少蛋糕店都有呢款雙重芝士蛋糕賣 但係我自己就最鍾意呢間💓上層係半熟芝士蛋糕 下層就係烘焗過嘅芝士蛋糕😋有雙重口感 好過癮‼️食落好輕盈 雖然芝士味好濃郁 但係因為唔似硬芝士蛋糕咁實在 所以一啲都唔會滯🤤原味fromage double $220上層嘅半熟蛋糕偏奶味🍼有少少似半溶嘅雲呢拿雪糕🍦下層嘅烘焗芝士蛋糕 芝士味就相對濃郁啲🧀最底仲有一層薄薄嘅海綿蛋糕🍰好有蛋味又唔會太甜搶左個味🤤口感好豐富‼️成個蛋糕奶味濃啲 不過食到淡淡嘅芝士香味😋成個蛋糕唔會太濕或者太乾🥰食落好creamy好軟滑✨入口即溶嘅感覺 真係好幸福😚

[🇭🇰香港 尖沙咀].LeTAO Signature雙層芝士蛋糕係軟身半熟芝士蛋糕加焗咗嘅芝士蛋糕,奶味比芝士味濃,質感好creamy又滑,係日本買真係平咗香港好多啊😭.🔻🍽 LeTAO📌 地址: 尖沙咀彌敦道118130號美麗華廣場二期地下G65號舖.#tummysready #tummysreadytoeat #tummysreadyinhongkong#tummysreadyattsimshatsui #tummysreadyforjapanese #tummysreadyfordessert #tummysreadyforcake

喺尖沙咀食完晚飯經過見到係嚟自日本好出名既芝士蛋糕品牌LeTao之前食過佢哋嘅芝士蛋糕 真係好出色原來佢哋都有賣雪糕 忍唔住要試吓叫左個牛乳加芝士味既mix芝士味比想像中淡相對芝士蛋糕 係有點失色不過單論雪糕味道都算ok同埋畢竟芝士味嘅雪糕不常見如果食慣咗朱古力雲呢拿試吓芝士味都未嘗唔係一個好選擇

依間cake 好評如潮，同埋佢個size 細細個岩囇少人一次過食囇，一於試試佢同傳統既蛋糕好唔同，完全無忌廉，岩曬唔鍾意食忌廉但又鍾意食蛋糕既人🙊本身諗住食招牌Double 芝士蛋糕，點知男友買左個朱古力味😌朱古力芝士蛋糕比我想像更有驚喜，味道勁濃郁，朱古力同芝士又幾夾，甜道岩岩好👍🏻因為雪櫃拎出黎無解凍，上層好硬身有啲似雪糕質感，下層口感較滑身，真係似蛋糕比較creamy同輕身，友人都話好食👍🏻小編就建議攞出黎解凍一下，整體依間蛋糕值得一試，甜品控一定鍾意👍🏻

LeTAO餐單提供日本菜, 西式糕點等推介美食位於尖沙咀區，餐廳座位數未知人均消費約$51-100，結賬可以用現金，Booking訂位可以電話致電 23875632 查詢。

您對於尖沙咀餐廳「LeTAO」有何 comment？

LeTAO餐廳詳細資料：

• LeTAO地址:
  尖沙咀彌敦道118-130號美麗華廣場二期地下G65號舖
  LeTAO, Shop G65, G/ F, Mira Place Two,118-130 Nathan Road, Tsim Sha Tsui
• LeTAO電話: 23875632
• LeTAO價錢: $51-100
• 分類: 日本菜, 西式糕點
• 座位: 未知
• 付款: 現金
• FB專頁: LeTAO Facebook

更多LeTAO相關資料:

• LeTAO分店
• Youtube
• Facebook
• Twitter
• Google