Lady Nara 尖沙咀

Lady Nara 評價 相片

今日同朋友黎左呢間靚靚打卡cafe, 食左個lunch set + 小食估唔到平日下午都咁多人, 坐唔到窗口位朋友話窗口位要打電話book唯有下次再黎南瓜湯飲落去多左份香茅味, 有dd似落左冬蔭公既南瓜湯兩樣野放埋一齊都幾夾比平時像開既餐湯更開胃冬蔭公卡邦尼意粉呢個比我想像中好食食到有卡邦尼既感覺, 食入口真係有陣陣冬蔭公味可能因為唔係正宗既卡邦尼意粉食落相對冇咁膩但個人覺得醬汁杰身感覺比較重如果可以做得輕盈少少就更好泰式炸雞拼盤黎到先知有個好恐怖既死亡醬汁但食落唔怪 (但連我本身中意粉紅色既人對佢呢個醬都有點卻步)黑松露雞翼, BBQ醬雞槌 & 鹹蛋黃炸雞呢個係我中意既排序1. 鹹蛋黃炸雞2. BBQ醬雞槌 3. 黑松露雞翼鹹蛋黃炸雞係最香口最惹味, 鹹蛋黃味真係好重味, 勁邪惡BBQ醬雞槌酸味較重,  兩款食落都好JUICY唔會好乾, 認真唔錯黑松露雞翼, 唔講真係唔知係黑松露雞翼. 食落真係冇味..唔知係冇落到黑松露醬定係點呢? 同朋友都完全食唔到黑松露香, 只係覺得自己食緊炸雞翼而個粉紅色死亡醬汁都唔似係黑松露醬所以唔知係咪今日廚師唔記得左放定係點飲品: 玫瑰泰式奶茶, 呢個又係充滿少女心既粉紅色泰式奶茶, 好甜既飲品之一甜品: 呢個泰式奶茶意大利芝士餅如果你一心諗住黎食佢好唔好食既我就建議你唔好叫啦! 因為食落真係好甜, 好甜, 同好甜!打卡厄LIKE還好, 但食lunch set 冇得補錢要用正價order, $88貴得黎但麻麻地, 回頭率低

#fridayla_tst⠀⠀⠀⠀⠀⠀⠀⠀⠀⠀⠀⠀⠀⠀⠀💘💘💘快人快語💘💘💘 ⠀⠀⠀⠀⠀⠀⠀⠀⠀⠀⠀⠀⠀⠀⠀⠀沙田既Nara同金鐘既Apinara我地都有試過不過味道都係普普通通試完唔會回頭😂但最近見到係尖沙咀開左間Lady Nara主打泰式fusion西餐而openrice d相又好精緻😳似fine dining而且又話有打卡位所以就book左同屋企人食啦可惜係而家暫時得lunch menu🥺可能要開放返dinner先會食到店內招牌菜⠀⠀⠀⠀⠀⠀⠀⠀⠀⠀⠀⠀⠀⠀⠀💘💘💘慢慢品，快快評💘💘💘⠀⠀⠀⠀⠀⠀⠀⠀⠀⠀⠀⠀⠀⠀1⃣冬蔭公卡邦尼意粉set lunch💲138(推介👍)💭配餐送既冬蔭公蕃茄湯都幾好飲💭唔會太酸，但都已經達到開胃目的💭個卡邦尼意粉硬度都適中，蛋香味好充足😍💭煙肉都能夠好好咁補充鹹味💭不過最大既敗筆，係無乜冬蔭公味😳💭但作為一個卡邦尼意粉係好味既⠀⠀⠀⠀⠀⠀⠀⠀⠀⠀⠀⠀⠀⠀⠀2⃣招牌泰式烤爐魚💲168💭我地以為單叫呢個價錢應該都會有一條魚💭一打開真係驚訝😂😂💭得三小舊魚塊🐟💭其他全部都係大大舊既薯仔🥔💭同有d紅蘿蔔🥕💭真係超級唔抵😤💭而且魚仲有d腥tim⠀⠀⠀⠀⠀⠀⠀⠀⠀⠀⠀⠀⠀⠀⠀3⃣泰式炸雞拼盤💲128💭分別有bbq醬雞槌，鹹蛋黃炸雞💭同炸黑松露雞翼☀️💭炸雞全部都外脆內嫩💭調味都好味💭個醬係好少女風既死亡芭比粉色🤣💭點唔點都差唔多⠀⠀⠀⠀⠀⠀⠀⠀⠀⠀⠀⠀⠀⠀⠀4⃣冬蔭公海鮮意大利飯💲168💭有一隻大頭蝦同魷魚青口等💭海鮮都幾新鮮😌💭個意大利飯係普通奶油味💭好味係好味但係咪落漏左冬蔭功醬😂😂⠀⠀⠀⠀⠀⠀⠀⠀⠀⠀⠀⠀⠀⠀⠀5⃣泰茶Tiramisu💲48（跟餐)(推介👍）💭好有層次感，唔會太甜🇹🇭💭Thai Tea味都好香濃💭重點梗係賣相靚仔😍💭打卡必嗌👍⠀⠀⠀⠀⠀⠀⠀⠀⠀⠀⠀⠀⠀⠀⠀🔘記得要提前book位⚠️🔘因為walkin係好難等到位既🔘總結係可以一試，但要等位就要唸唸值唔值啦🤪⠀⠀⠀⠀⠀◤ Lady Nara◥ ⠀ ⠀🔹🔹🔹🔹🔹🔹🔹🔹🔹🔹🔹🔹🔹🔹🔹🗺∶尖沙咀廣東道327號海港城港威商場3樓3303號舖🍟Food：🔥🔥🔥🎆Mood：🔥🔥🔥💰痛快度：🔥🔥🔥🤡趣味度：🔥🔥🔥🔥🔹🔹🔹🔹🔹🔹🔹🔹🔹🔹🔹🔹🔹🔹🔹

我一月十八日致電餐廳想預約窗口位置，當時服務員聲稱二月某些日子有空位，我直接book了2月14號的窗口位置，完成預訂後，好期待情人節來臨，2月9號收到電話確認是否會到來和通知有最低消費，然後最後我問服務員是否窗口位置，得到的答覆居然是現在改了政策沒有指定位置留座。

那請問我一月時提早預訂為何可以承諾？而在情人節早幾天前通知不能預留？令我對貴餐廳好失望

今日試吓長期滿座的Lady Nara. 由於今曰一人到訪，不用等位，已經可以入座了。

餐廳的裝修充滿粉色，設計現代又帶休閑泰式，加上藤織座位、梳化座，和望海景窗戶，很是寫意。

午餐有六款選擇，以泰式fusion為主，價錢由$128$198。

前菜選擇了粟米湯。

粟米湯十分滑溜，粟米味極為濃郁，口感creamy, 加埋脆口麵包粒，味道不錯。

凱撒沙律配燒虎蝦$148這凱撒沙律份量十足！燒虎蝦沒有預期的大隻，味道是ok的，肉質爽身。

沙律菜以生菜為主，還有少少煙肉、碎旦和車厘茄，加上很多很多的芝士碎，芝味十足。

這一天的午餐幾ok, 最喜歡靜靜的品嚐，沒有太逼太嘈，為下午的工作給力。

嬲到第一次係OpenRice 寫劣評。

食前打去book位，順便問可否book指定枱，餐廳回覆不可。

餐廳11:30開門前10分鐘，我已提早排隊。

近窗藤藍座位位置還有一張，店員不容許坐，並沒解釋原因。

之後，我亦配合，打算轉坐餐廳中間位置藤椅座位，但店員竟又不容許，說整排空枱都不準坐！不明為何不能book指定枱，但餐廳剛開門，大部分空藤椅位置卻不容許客人坐，店員及經理亦解釋不到原因，服務態度差，感受到不公平待遇。

食物方面，泰菜餐係夠體面，但味道一般，連飯質都差。

Lady Nara餐單提供西式等推介美食位於尖沙咀區，餐廳座位數68人均消費約$101-200，結賬可以用Visa,Master,現金，Booking訂位可以電話致電 21533730 查詢。

您對於尖沙咀餐廳「Lady Nara」有何 comment？

Lady Nara餐廳詳細資料：

• Lady Nara地址:
  尖沙咀廣東道3-27號海港城港威商場3樓3303號舖
  Lady Nara, Shop3303,3/ F, Gateway Arcade, Harbour City,3-27 Canton Road, Tsim Sha Tsui
• Lady Nara電話: 21533730
• Lady Nara價錢: $101-200
• 分類: 西式
• 座位: 68
• 付款: Visa,Master,現金
• FB專頁: Lady Nara Facebook

更多Lady Nara相關資料:

• Lady Nara分店
• Youtube
• Facebook
• Twitter
• Google