Iberians 尖沙咀

Iberians 評價 相片

和拍擋慶祝生日，去了尖東一家新餐廳。

Iberians 是泛指生活在伊比利亞半島上的民族，現今主要是西班牙人和葡萄牙人。

餐廳主打西班牙菜，因而餐廳以Iberians 命名，聽說 Chef 是法國巴黎藍帶師傳，充滿期待!裝修走西歐風，花牆、拼花磚地板，設有室外座位，餐桌和椅子都有花磚圖案，是一流的打卡位。

一向喜歡吃西班牙菜，除了因鍾情Flamenco ，還因西班牙菜有自成一家的特色，選擇多多的Tapas小食，水果酒Sangria，七彩繽紛，氣氛歡欣! 不過，這晚我們選了另一些美食。

西班牙馬鈴薯沙律 $88~蔬菜鮮爽，腍滑的西班牙馬鈴薯，加溏心蛋，還有吞拿魚，鋪上香草和紅花粉，美味又賣相吸引。

西班牙番茄醬煮藍青口 $55~藍青口以小煎鍋上，飽滿肉厚，西班牙番茄醬和鮮茄肉，充滿濃郁的色香味。

西班牙橡果黑豚豬鞍 $238~豬鞍烤至金黃色，橡果黑豚嫩滑美味，肉汁充沛，與蜜糖芥苿汁是美妙組合。

配新鮮的椰菜花、車厘茄，綴以迷迭香，擺盤精緻。

香辣蕃茄海鮮意大利粉$218~ 大蝦、蜆肉、青口、魷魚，加入蕃茄醬，香香辣辣，十分惹味! 意大利粉以秘製湯汁慢煮而成，麵質富彈性又很入味。

加泰羅尼亞焦糖奶凍$48~西班牙經典甜品，看似法式焦糖布甸 Crème brûlée，但這個 Cream Catalana 是涼吃的，蛋奶質感綿密，清甜幼滑。

加入肉桂、橙汁和橙皮做出很有層次的香味，肉桂濃郁，鮮橙清新。

焦糖遇上鮮橙，酸酸甜甜口感豐富。

   芝士蛋糕$48~入口有芝香，輕軟細滑，甜度適中，吃了兩款 deserts 都不膩。

Hazelnut Latte $15 ~口感幼滑，榛子味香濃，餐後喝一杯，十分滿足。

座位寬敞，環境舒適，裝潢透出西班牙的風格，店員招呼熱情，有西班牙人的氛圍，食材和烹調都顯現西班牙的風味，Iberians風、情、味 是也。

Iberians 尖沙咀科學館道14號新文華中心地下8283 及85號舖 +852 55131778

歐洲菜入面，我最鍾意嘅就係西班牙菜🇪🇸。

因為Tapas好正，細細碟，可以食多幾款，而大部份款式都好惹味。

前排行經尖東一帶，見到有間新餐廳「Iberians」，俾佢門面吸引咗，上網一睇發現原來佢係西班牙餐廳嚟，咁就要食食佢喇。

餐廳環境唔錯，啲地磚好靚🌺。

同時，呢度空間感十足，枱同枱之間有足夠距離。

除非全場爆滿，否則我唔建議坐二人吧枱。

西班牙餐廳當然唔少得Tapas，總共有十八款選擇，價錢介乎$38至$78不等(火腿除外)，屬正常水平。

而主菜就較貴，平均要$300或以上，但份量都多，可以Share食👫。

烤西班牙蛋餅($78)，🍳蛋餅係Tapas之首，點可以唔嗌？蛋餅熱辣辣送上，有輕輕嘅流心芝士效果，中間加咗火腿粒，以提升鹹香。

如果中間可以放多啲薯仔粒就會更正。

香辣蕃茄伴馬鈴薯($48)，呢個係其中一道經典款式。

做法好簡單，就係炸脆啲薯仔粒🥔，口感外脆內軟，啱晒我呢個薯仔控。

鯖魚配蕃茄醬($58)，佢同我預期中唔同，因為我誤會咗係醃到好酸嘅沙甸魚嚟🙈。

鯖魚好大件，面頭淋上蕃茄醬，有癖腥嘅作用，但成個感覺就唔係好似西班牙菜🐟。

西班牙海鮮炒飯($398)，炒飯索價四舊水都幾貴‼️，不過念在有唔少海鮮，包括🦐螯蝦、蝦、蜆、青口、🦑魷魚、八爪魚以及魚柳等，種類幾豐富。

另外，炒飯當中亦混入咗西班牙臘腸粒、紅椒粒同三色豆，但點解會有青豆㗎😨，嚇死寶寶咩，講笑。

炒飯好入味，估計係用上番紅花或者黃姜粉令飯粒變得金黃🍚💛，但略嫌口感偏濕，不過整體其實都OK。

加泰羅尼亞焦糖奶凍($48)，本身諗住嗌甜品拼盤，因為有三樣嘢，但原來指定咗款式，冇得自選。

最終我哋就揀咗兩款預期中會有啲相似嘅甜品🙈，首先就係Creme Catalana，佢其實同焦糖燉蛋差唔多，都係面頭有一層脆脆焦糖。

西班牙雞蛋布丁($48)，兩者相比之下，Flan險勝🍮。

因為我鍾意佢口感比較厚實，而且超濃蛋香，焦糖甜得來又冇帶俾人膩嘅感覺。

不過實際上佢哋分別真係唔大 。

食到尾段，店員提醒我哋有兩杯飲品㗎🍹。

我哋分別要咗凍檸茶同齋啡，味道就冇乜特別啦。

唔知餐廳係咪暫時仲未搞掂個酒牌，所以冇得飲Sangria。

總括嚟講，今餐我哋食到相當飽😛，小食有，主菜有，甜品都有！題外話，我𥄫到餐廳嘅午市餐牌好似抵食啲，如果喺附近返工的話，可以嚟睇吓啱唔啱食哦。

呢排成日食西班牙菜，好開心！最近就去咗尖東站新文華中心地下嘅Iberians（位置係對住停車場嗰邊），估唔到小店新開無耐都咁有人氣，平日都full booking，好彩我有book定枱咋！食西班牙菜，點少得tapas？點咗兩款：巴馬火腿配哈密瓜($78)Parma Ham嘅鹹香配上哈密瓜嘅香甜，經典配搭，另外仲有一小碟橄欖，配酒一流！加利西亞章魚($58)炸章魚淋上蕃茄醬，酸甜開胃，不過唔好相機食先太耐啦，否則章魚炸漿腍咗就無咁好食架啦！墊喺底嘅薯仔片吸收油脂後變得粉軟。

都好好食！西班牙橡果黑豚梅肉($238)黑豚肉好厚身，煮至7成熟，切開仍然見到粉嫩色嘅肉質，生熟度控制得啱啱好！黑豚肉入口嫩而彈牙，保留肉汁，而且橡果黑豚本身嘅肉味特別香濃，更有豐富油脂甘香，配上甜甜嘅醬汁好滋味！西班牙雞肉燉飯($328)份量極多，無論飯定係雞肉都好好足料，兩個人食每人好似都分到3－4碗之多，好抵食。

如果餐廳有分大小兩個size就好了，咁樣兩個人都可以試多D菜式！西班牙油條($48)Churros新鮮即炸，上桌時仲係熱辣辣，香脆可口。

如果有朱古力醬去蘸就更搭配啦！Mojito ($89)Mojito外型雖然好有霸氣，但冰太多，溶掉後味道溝淡咗，而且用紅酒杯去盛載，上重下輕，好容易跌，我覺得可以再改善一下。

整體食物高質又份量足，店員服務殷勤友善，加上環境舒適悠閒，難怪開場不久就如此旺場！

在網絡上看到食評，知道這裏新開了一間高質的西班牙菜，今晚路過尖沙咀，便來一試。

鯖魚配番茄醬$58，通常鯖魚的魚腩部份，都會帶點腥味，不過這裏的做法，完全沒有腥味，反而有魚的鮮味，番茄醬亦都可以令到鯖魚的層次感增加，可能是廚師的功架問題。

👍👍👍👍👍加泰龍隆尼亞蕃茄麵包$68，麵包外脆內軟，非常鬆化。

麵包可以點橄欖油、蕃茄醬和辣椒醬，作為餐前小食，非常有特色。

香辣蕃茄海鮮意大利粉$218，海鮮有青口、魷魚和蝦肉，意粉帶點嚼勁，蕃茄汁帶點微辣，配合爽口彈牙的意大利粉，絕對稱得上是一道美味的意粉。

澳洲M4霜降和牛板腱$238，剛剛熟而又沒有過火，牛板腱肉質軟腍，雖然有點筋位，不過只是爽口沒有過韌，整體令人非常滿意。

另外以這個價錢來說，可以吃到這個質素的和牛，實在令人覺得超值。

芝士蛋糕$48，芝士味道濃郁，蛋糕鬆軟可口，吃第一口的時候，有一種開心的感覺，想必是這個甜品師傅，帶着愛心來做這道甜品，值得推薦。

👍👍👍👍👍👍👍👍👍Mojito$89，刨冰令到雞尾酒保持冰冷，薄荷的清新味道，加上不會太濃烈的酒精，是夏日消暑的最佳雞尾酒。

Sangria red $79，酸酸甜甜的雞尾酒，容易入口，又可以快點放鬆，令到這頓晚餐、增加不少色彩。

Iberians是一間環境帶有傳統西班牙風格的餐廳！走進去就像進入一間食物藝術館！ 每一款菜式的賣相和味道頗佳！而個人認為西班牙橡果黑豚肉豬鞍這菜式最為出色！肉其實是西班牙高級黑毛豬！就像高級和牛韓牛！ 菜式出色之處是外層微微香脆， 但中間仍保有嫩滑和香濃的肉汁！令人印象深刻！西班牙龍蝦燉飯及龍蝦汁意大利粉是另二個令人難以忘懷的主菜！ 廚師將龍蝦煎至金黃，但沒有過火！ 而飯和意粉應該是加入了不少龍蝦膏，所以飯和意粉帶有很香的龍蝦味，而燉飯出色之處在於飯粒七成乾身，但帶有微微的濕身，保持了西班牙海鮮飯一貫的特色，可見廚師控制火喉的功力！此外，餐廳的甜品亦十分出色。

個人甚喜歡西班牙油條及芝士蛋糕這二款甜品！ 西班牙油條在坊間是比較少見，味道有點似肉桂捲，歡喜貪新鮮的人可以試下！食好野，當然會點一杯自已喜愛的cocktaillong island iced tea！ 一邊享受美食，一邊品嘗cocktail, 真的令人忘掉日間的工作煩惱！平日的晚上， 四人花了$1624！ 個人覺得不是便宜，但有此食物質數，個人認為是物有所值，價錢與平日晚上去新世界千禧酒店食自助餐差不多！ 當然，酒店自助餐 或是 高級餐廳就各有賣點！

Iberians餐單提供西班牙菜, 酒, 海鮮等推介美食位於尖沙咀區，餐廳座位數80人均消費約$201-400，結賬可以用Visa,Master,現金，Booking訂位可以電話致電 55131778 查詢。

您對於尖沙咀餐廳「Iberians」有何 comment？

Iberians餐廳詳細資料：

• Iberians地址:
  尖沙咀科學館道14號新文華中心地下82-83及85號舖
  Iberians, Shop82-83&85, G/ F, New Mandarin Plaza,14 Science Museum Road, Tsim Sha Tsui
• Iberians電話: 55131778
• Iberians價錢: $201-400
• 分類: 西班牙菜, 酒, 海鮮
• 座位: 80
• 付款: Visa,Master,現金
• FB專頁: Iberians Facebook

更多Iberians相關資料:

• Iberians分店
• Youtube
• Facebook
• Twitter
• Google