Grande Maison 尖沙咀

Grande Maison 評價 相片

上個星期日去完海港城shopping, 諗住入亞士厘道搵野食... 呢條街依家真係越黎越多野食.. 好難揀... 見到樓下個八折牌再加上樓下個小妹妹推薦就同朋友仔上咗去試下.. 上到去, 環境ok.. 紅色的牆身加埋壁燈, 感覺幾舒服.. 我地兩個人叫咗d小食: 妹妹推薦的牛肩同鵝肝.. 再加上朋友仔想食的焗蠔... 之後再叫咗個set dinner (叫咗caesar salad做頭盤, 焗三文魚做main)...牛肩: 之前未食過, 覺得幾好味, 好香牛肉味.. 不過, 幾多根位.. 食小小就夠....鵝肝: 個鵝肝好香... 加埋d甜甜地, 酸酸地個汁好好食... 個汁令到d伴菜好好味..焗蠔: 可能因為本身唔愛食蠔...唔鍾意食...set dinner: caesar salad好好味.. 有d bacon係面.. 好香.. 個caesar dressing好重herb味.. 正..... 湯我地就揀咗我最愛的羅宋湯.. 不過, 無乜肉味, 有d似雜菜湯... 但個味都幾好... 個焗三文魚就焗得剛剛好.. 食落去仲好滑口, 一d都無魚"醒"味... 個魚皮面仲有d唔知叫乜的野.. 好香好好味.. 甜品係tiramisu, 有陣酒味, 好香.. 唔係太甜, 好味...總括黎講, 呢餐飯都ok, 食物同服務都無其他人講得咁差... 我最鍾意係呢度坐得幾舒服.. 如果下次可以坐係窗邊望埋街應該仲好...

係樓下姐姐仔推薦頭盤同小食特價每款都只係三幾十蚊至五十蚊, 咁我地就可以試多幾款不同主菜和小食, 聽落都有道理不妨一試心態上去, 落單之際我兩打算叫三款小食看看份量先再叫set dinner, 我地叫咗青口6隻$40(普通!!!)一客燒牛肩肉(6片超薄)($40), 鵝肝一客, 鵝肝餐牌上話 $42(原來係細份), 到order 時又同我地講細份就冇咁好食, 不如order 大份就$78, 咁我地都接受改大份(食好dd), $78 換來兩片5蚊銀size 咁厚 & 大既鵝肝, 心諗...好搵笨gei, 如果order 細咪好似5毫子size??? 我地叫三款都似冇食過d咩落肚咁,非常袖珍& 唔抵...因為小食都差不多$160蚊!!!冇辦法啦我地又未叫main course, 可能d小食差,希望主菜好dd, 我地order 咗紐西蘭牛扒, order 時冇問我地幾成熟亦冇問過要咩汁, 送到lai 切開得三成熟, 自問冇本事食, 兩個人食咗一口, 職員就同我地解釋: (一般情況客人冇要求我地都係煮三成熟同埋加上黑椒汁) 又話佢自己都好鐘意黑椒汁...bababa...廢話,...完全冇意識幫我地換or 安慰)...!!!重有餐牌冇show 過加一or 10% 之類, 到埋單時$375兩個人一肚氣唔知食咗咩之下怒走

5月24日今晚出左TST行街食飯....想睇戲, 但又無戲想睇...想shopping, 但又咩都買唔到...唯有寄望食餐好少少, 男朋友見議去亞士厘道搵飯食....呢到都好多選擇, 有地鋪既, 有上樓既餐廳....我地最後揀左上樓食西餐, 餐廳樓下有位哥哥介紹佢地招牌菜同埋happy hour有半價cocktail, 咁我地無咩idea就跟左佢上樓喇....一上到去見到裝修以紅色為主, 有水晶燈, 有幾幅簡單既掛畫, 台與台之間唔算隔得好開, 另外仲有bar台...我地揀左近窗口位置坐底, 因為可以望下街景麻...我地order左一個4個course既set dinner, 另外叫多個pasta同一杯cocktail...Set dinner ($178)頭盤: 凱撒沙律 材料幾新鮮, 個source有d酸酸地, 幾開胃餐包+湯 : 包暖暖既, 唔係普通既蒜蓉或牛油餐包, 有d麥牙既味道...幾好味, 個白湯有d菜蓉, 好濃好creamy, 有別於一般西餐廳既, 真係唔錯主菜 : 凱撒汁燒豬脊骨, 個燒汁有d甜甜地好野味, 豬脊骨好香口, 有少少爽口但又唔un, 食既時候就哩hei d, 要用手....haha同餐廳格調有d不符甜品 : 意大利芝士餅, 細細件size岩岩好, 花王覺得口感好好, 因為個餅底唔係硬個隻, 成個餅好軟熟唔會好似食隔夜餅既感覺, 而且又唔會好甜...一d都唔會漏餐飲 :　凍咖啡, 咖啡味幾濃..ok既pasta : 蕃茄墨汁吞拿魚意粉, 其實我不嬲都麻麻地鍾意食意粉, 但呢個真係煮得幾好味, 墨汁意粉質感幾爽口, 蕃茄汁係有埋蕃茄肉, 而且味道好濃, 另外再加少少青, 黃椒碎...吞拿魚肉有少少鞋口, 但我覺得個口感應該係咁樣, 味道都ok, 整體係唔錯既cocktail :blue long island, 我試左一啖...幾好飲, 酒味唔太濃, 比以前飲過既偏甜, 岩飲...埋單HK$330...整體感覺都唔錯, 而且service好, 店員都好有禮貌, 佢地會等你食完一碟sin上下一碟, 照顧唔錯, 可能因為整晚店裡大約得6成食客, 不算太忙...唯一差少少既係佢地食物既款式種類唔算多, 希望會陸續多d新菜式上場啦....其實呢到都幾岩一班朋友食飯傾計, 大家有興趣既都可以試下....

平時在尖咀放Church之後多數都會食日本菜，但係見到間野咁新，試新野心理作祟，不如又試下。

試左個最穩陣既黑椒雞扒餐。

個湯係西蘭花忌廉湯但見色水係完全沒有呢個傾向。

之後個雞扒隻顏色更加似Gravy，雖然有點黑椒感覺，咁唔多辣；到左個甜品，更加呆，黑加侖子布甸？食落去就有呢種味道既，但係賣相又係俾到我唔係呢類野。

雖則唔加一，但係都俾左幾廿蚊，我會諗食對面會唔會平D又好味D?!

見到這間新開個多月的西餐廳 於是上去試菜環境頗暗 好像要做到有情調的模樣叫了一個主菜 燒全雞. ok.四個前菜 包括藍青口, Ribs, 燒Tuna, 羊架. 真的非常非常袖珍還要了Ceasar Salad.最後甜品Cream Brulee.每樣食物味道都偏淡不夠濃味可以說每樣食物都無乜味 雖然碟碟都唔同醬汁 可惜食起來是差唔多味的....甜品是最最最差的 是吃過最難吃的Cream Brulee焦糖是液體狀沒有燒成脆面的 燉蛋很"鞋"又唔香又唔滑又唔甜每人百五蚊 食這樣的質素實在非常不值. 在亞士厘道也有更好的選擇.

Grande Maison餐單提供法國菜, 西餐廳, 酒吧等推介美食位於尖沙咀區，餐廳座位數40人均消費約$101-200，結賬可以用Visa,Master,現金。

您對於尖沙咀餐廳「Grande Maison」有何 comment？

Grande Maison餐廳詳細資料：

• Grande Maison地址:
  尖沙咀亞士厘道27號1樓
  Grande Maison, 1/ F.,27 Ashley Road, Tsim Sha Tsui
• Grande Maison電話:  
• Grande Maison價錢: $101-200
• 分類: 法國菜, 西餐廳, 酒吧
• 座位: 40
• 付款: Visa,Master,現金
• FB專頁: Grande Maison Facebook

更多Grande Maison相關資料:

• Grande Maison分店
• Youtube
• Facebook
• Twitter
• Google