Freshness Burger 尖沙咀

Freshness Burger 評價 相片

我o係果頭返工, 間中放左工肚餓都會去食下野。

cheese classic burger : 好味。

d 蔬菜都好新鮮, 蕃茄仲好大塊好厚, 不過洋蔥間中會食到辣的。

而塊牛肉真係讚, 好厚, juicy, 好有牛味, 我來人來講認為仲好食過 triple o。

唯一要彈的就係個包底唔知係太薄定點, 有時食食下會被塊牛肉d 汁浸到淋晒。

我去 freshness 只會食 "classic" 系列o既包, 因為塊牛肉o既 quality 係好過其他的。

我見朋友以前食過咩和風xxx包, 塊牛薄d架。

粗著 : 大部份時間都係即時炸起, 尤其係 mon thur 夜晚時段。

極之好味 ! 薯條夠味, 外脆內軟, yummy。

不過如果撞o岩唔係即炸呢, 咁就差d 喇。

粟米湯 : ok 好飲, 幾 creamy。

不可不提個環境真係幾好。

呢間分店比較少人, 地方夠闊, 而且仲對住維港, 一流呀 !

1個月前既某晚 同朋友行經呢度就入左黎share左個芝士牛肉burger combo 飲粟米湯 配薯角先講個burger.同之前食既照燒牛肉漢堡差好遠個包壓到扁哂 賣相唔好 仲要個汁又麻麻地好食相反 今次食呢個芝士牛肉burger蕃茄生菜勁新鮮 索索聲patty稱唔上juicy 不過都已經比麥記既好個salad dressing亦好夠酸 好好味粟米忌廉湯好好飲 好creamy 好滑亦唔滯 絕非平日飲到既茶餐廳水準果陣係10點幾. 得我同個fd 同埋1個外國既family佢地傾得好開心 好warm. 而間舖既感覺好舒服.好悠閒 同埋d sofa真係幾舒服下次經過絕對會再encore

猶記得香港上兩星期剛掛起三號風的晚上,同Ah 四逛尖東海旁,逛到近新世界中心海旁,看見有一間過江龍漢堡包店freshness burger,店出面大大塊牌寫住買"和風肉汁鮮堡"送汽水一杯,只需$22,見到間店只有兩枱食客,環境清靜,冷氣夠凍,便入去幫襯。

因為未食過這裏的burger,我及Ah四都order了佢地招牌"和風肉汁鮮堡"+Diet coke($22一set),order後要坐下等一會兒(即叫即做),待應便會端上來給你,不用自己拿,招呼很好!圖中的fressness burger(和風肉汁鮮堡)實物和他們月曆上的sample一模一樣,鮮紅多汁番茄大半個+芝士醬及肉醬做topping,下面是一塊鮮牛肉漢堡,個包是南瓜包(不過食唔出),味道似mos burger,但我認為好吃過mos burger,起碼個包大D,番茄厚D,D肉汁味香濃D。

之前睇好多食評話佢地d包凍的,但係我地食就不覺,還是暖暖的,可能這天客少,比較用心做!值得一提是這裏環境超正,落地大玻璃對出是星光大道,有無敵維港景,加上餐廳有light music、雜誌及电視睇,只花數十元便可享用海景晚餐,夫復何求?

本來去右邊starbucks飲咖啡食蛋糕, 但中門大開, 熱到飛起, 於是過左嚟食包, 之前嚟過食早餐, 早餐好難食, 但唔貴, 睇佢個裝修款, 以為要三十幾蚊個早餐, 原來只係廿幾蚊, 但d質素差到.... 隻牛角包應該係雪左係雪櫃成年, 同餅乾一樣, 一咬碎晒,講翻今次個漢堡包餐, 好過旱餐百倍,原來有兩種芝士漢堡, 一種係用芝士醬既漢堡, 另一種係用一片芝士既漢堡, 佢話係chadder喎, 但食唔出, 加上一杯可樂及一杯薯角, 幾好味, 夠熱, 其實個包都幾好味, 好味過麥記少少啦, 加上, 勝在環境好, 地方大, 冷氣勁, 會再幫襯!

freshness burger的名早已聽過, 昨天(28/5)逛得累了,剛好在新世界中心門口見到其廣告, 便打算去試試。

本來我們是找不到的, 還去了pacific coffee坐了一個多鐘頭,但好奇心未減, 所以問路之下終於找到。

叫了照燒牛肉漢堡($20), 再+$20配薯角及七喜朋友叫了個照燒雞肉沙津之類的。

地方很大, 但人客十分少, 只有3, 4"木台"人客朋友的先到, 她說十分好吃, 比m記的好吃極多,我也吃了一些, 雞肉燒得挺乾身, 不過像我寫blue cafe的食評一樣,乾身會有點香口, 我不介意的。

我的過了挺長時間才到, 把包著漢堡的紙打開,講真的, 賣相很差, 上面蓋著的包變了形, 包內的菜把牛肉完全遮著,人客數目那麼少, 用心做一個包我想不會太難吧??味道方面, 說實話, 只是普通, 沒有我想像中的好吃, 特別更稱不上。

沙津醬子牛肉的汁很多, 令包也弄濕了, 吸了汁的包.....口感不好。

薯角比harbour city內的triple's o好, 更脆一點, 滿足度一樣,另外一提, 包及薯角也熱得出煙........ 所以薯角也特別好吃。

本來環境挺舒適, 可以作放鬆閒談的地方,但不知什麼地方播起disco的歌曲, 極度大聲及吵耳, 完全破壞氣氛,我覺得....他們應該要解決一下這個問題吧,相信不少客人也不會喜歡聽著吵耳的歌吃漢堡的。

還有就是, 那兒是先買了食物, 然後拿牌坐下, 再由店員把食物拿過來給我們的。

但把餐拿給我們的女店務員態度真的不好!!!她拿沙津俾我的朋友時, 是有點扔下來的感覺(有餐盤及桌子撞擊的聲音!! 正常的放下是不會有的, 真是有的話也不會那麼大聲)之後她拿餐給我的時候, 我由她在遠處走來的時候(那裡是真的挺大)開始看著她,我想她是會意到我不喜歡她把食物"放下"的態度, 所以再次"放下"時明顯比第一次輕力。

再說一句, 人客那麼少, 還有這樣的需要嗎??? 我要求不高, 正正常常就可以, 而我也有主動說"唔該哂", 但這些服務質素, 令我有點不滿。

這次的ok, 是給沙津及薯角的。

Freshness Burger餐單提供日本菜, 漢堡包等推介美食位於尖沙咀區，餐廳座位數未知人均消費約$0，結賬可以用現金。

您對於尖沙咀餐廳「Freshness Burger」有何 comment？

Freshness Burger餐廳詳細資料：

• Freshness Burger地址:
  尖沙咀梳士巴利道18-24號新世界中心L012C號舖
  Freshness Burger, Shop No. L012 C, New World Centre,18-24 Salisbury Road, Tsim Sha Tsui
• Freshness Burger電話:  
• Freshness Burger價錢: $0
• 分類: 日本菜, 漢堡包
• 座位: 未知
• 付款: 現金
• FB專頁: Freshness Burger Facebook

更多Freshness Burger相關資料:

• Freshness Burger分店
• Youtube
• Facebook
• Twitter
• Google