Encore 尖沙咀

Encore 評價 相片

這是我第一次光顧的食肆, 本以為在文化中心內, 應有一定水準, 點知跌晒眼鏡.我叫了一碟鮮茄牛肉炒意粉, 原來只是烚意粉, 再淋上茄汁獻, 為何叫炒意粉?意粉煮得太"林" 不爽口已經大打折扣D牛肉切得又厚, 咬落又"鞋"又韌食唔到. 一句講晒, 自己煮好食過佢.老公叫了咖喱雞飯, 見佢食到苦埋口面, 吃剩一半, 問佢係唔係好難食, 佢無直接答我, 只是埋怨地說:「都係你啦, 要來這一間.. 」店名叫"Encore", 我就話"NO MORE" !!!

最後一天電影節,在文化中心直落三場.名乎其實"文化龜".在第二場同第三場之間尚有個多小時空檔,可以吃一點東西.在文化中心之外,如果要快手快腳吃一頓,只得Encore.快餐形式,有咖喱,茶餐,喇沙,焗飯,意粉等等.包羅萬有.小弟就來個咖喱雞飯.雖然是快餐,一樣即叫即整,有點出奇.一入口,是馬來式.充滿椰香,咖喱味香濃,不算很刺激.雞肉就未夠入味,但單憑個汁,已能撈下一整碟白飯.友人的喇沙,湯底如椰汁.不知味道如何?

和爸媽逛街逛到倦, 便找地方食下午茶.這裡都很清靜, 惟一空氣比較焗.每人都叫了一個下午茶餐分吃.爸要了一碗沙爹牛肉麵, 沙爹湯底竟然不錯, 幾香.牛肉片分量都很多, 不是十分之梳打牛, 還有芽菜和唐生菜, 製作算認真.媽要了西多拼腸仔, 西多切了三條去炸, 腸仔也炸了, 西多偏甜些.我要了磨菇雞批, 這也可以, 暖暖的, 批皮好吃.凍檸茶幾淡, 也乜檸檬味.下午茶餐很抵食, 平均$20.

去文化中心睇話劇, 入場前0黎個early dinner... 由於大家0係灣仔三里屯食0既tea 仲未落格, 只叫了個洋蔥豬扒飯share, 另外一人叫杯0野飲(凍朱古力/熱檸蜜).一發覺原來呢度係美心快餐, 要求當然即刻降低, 但呢碟洋蔥豬扒飯一d 都唔難食, d 汁幾惹味, 面頭一堆洋蔥煎/炸過, 幾好食, 梳打豬扒無乜肉味, 夠腍咁囉.美心快餐0黎講$32 唔平, 不過真係比想像中好食得多了!不過飲品真係唔掂... 我杯熱檸蜜味道怪怪的, 而朋友飲了一啖佢的凍朱古力就皺晒眉頭.環境一般, 不過好在呢度係文化中心, 即使多人亦比一般美心快餐靜得多; 招呼就not applicable, 不過朋友0係counter 俾錢時話counter 個男仔態度唔好.一向唔多鍾意食美心快餐, 呢度無必要絕對唔會encore, 不過等睇表演前想舒舒服服平平0地食d 0野, 呢度都係食得過0既選擇 起碼隔0黎Starbucks 無洋蔥豬扒飯食喇0卦!=P

星期日相約友人出尖沙咀行街!因為我遲大到,出到去成4點鐘,大家都未食野!友人話經過文化中心有間食店有好香既炸薯條味..咁就去左呢間野度食下午茶!我地睇左幾次下午茶同主餐牌都冇炸著條..咁佢就要磨菇雞批,我就要腸仔拼西多士(肉桂醬)!友人食得好失望因為佢睇錯左以為係雞脾..我果個西多士整得有d古怪,唔知點解份西多士d口感好似蛋糕咁既..同區仲有多不勝數既食店,可以有更好既選擇!磨菇雞批+餐飲$17..腸仔拼西多士+餐飲$20

Encore餐單提供西式, 西餐廳等推介美食位於尖沙咀區，餐廳座位數未知人均消費約$51-100，結賬可以用現金。

您對於尖沙咀餐廳「Encore」有何 comment？

Encore餐廳詳細資料：

• Encore地址:
  尖沙咀梳士巴利道10號香港文化中心演藝大樓地下
  Encore,  
• Encore電話:  
• Encore價錢: $51-100
• 分類: 西式, 西餐廳
• 座位: 未知
• 付款: 現金
• FB專頁: Encore Facebook

更多Encore相關資料:

• Encore分店
• Youtube
• Facebook
• Twitter
• Google