鳴虎 將軍澳

鳴虎 評價 相片

好耐冇食拉麵， 突然之間好想食， 我知道新都城有間拉麵舖， 師姐住喺將軍澳， 於是捉埋師姐一齊去食。

中午過咗繁忙時間， 唔係好多人， 餐廳鋪位好長， 座位寬敞， 感覺舒服。

呢度有幾款拉麵 ，貴精不貴多， 我同師姐每人揀一個拉麵套餐，🍜 師姐揀呢度嘅頭牌鳴虎🐯拉麵，加芝士魚🐠餅 。

🍥🍥我就揀咗綠虎🐯拉麵， 因為我鍾意多啲綠色嘅蔥， 小食我就揀咗煎餃，🥟🥟 套餐仲包埋飲品 ，我哋不約而同揀咗花茶 ，茉莉花同玫瑰花， 女人都係鍾意花。

⚘️💐🌻 叫曬嘢食， 環顧四周， 座位非常之乾淨企理， 員工又係斯文有禮， 喺度食嘢個感覺好舒服。

小食同埋拉麵好快就送到， 兩碗麵都好大碗好充實， 最開心嘅就係一大堆白色嘅大蔥， 喺大蔥下面收埋兩塊厚厚嘅日式叉燒， 瘦肉多肥肉少， 煮得好林 ，煎得香香地， 味道一流。

食完叉燒， 就輪到個流心蛋 ，一咬開蛋黃唧曬出嚟 ，又香又滑， 雞🐔蛋嘅甘香鮮美表露無遺 ，其他地方食拉麵， 好多時得半隻溏心蛋， 喺呢度就有一大個， 超正。

有肉有蛋 ，就需要一啲素菜來平衡下， 跟住就係有好多嘅黑木耳， 砌到好幼一條條好均勻，煮得爽脆， 索曬啲豬骨黑蒜油湯 ，食到索索聲，滋味無限。

最後食到主題， 我揀咗硬度適中嘅拉麵， 依依韌韌， 麵香四溢 ，係拉麵中嘅翹楚， 啲拉麵浸喺啲豬骨湯， 溝埋啲大蔥，濃烈嘅蒜香味 ，將拉麵嘅味道提昇至雲端級別， 食到停唔到口。

兩個小食都唔錯 ，芝士魚餅外爽內軟， 餃子就煎到脆卜卜，入面啲肉仲有啲肉汁 ，兩款都係不錯的小食 。

食完曬所有嘢，跟住嘆番杯花茶，消磨咗一個舒舒服服嘅下午。

日式食堂🎏親民價大大碗🍜 自由搭配拉麵🥰必點綠虎拉麵｜章魚丸子🐙🌸鳴虎拉麵🌸平時食拉麵總會覺得唔夠喉，拉麵分量少，價錢又貴，不過今次得到豬仔既信心保證🤣帶我嚟到哩間鳴虎拉麵，聽聞拉麵價錢親民又高質‼️一於試吓先😆餐廳位於新都城三期，寶林站一出行兩步就已經到達👍🏻餐廳以開放式設計，環境開揚，採光度十足😉一入到店舖，店員好親切，服務態度非常好！絕對係用心服務顧客🥰而且店鋪衛生唔錯，好乾淨🍀所有拉麵都可以按自己喜好自選麵既軟硬度、湯濃度、配料！好貼心及人性化既設計🥰🌸鳴虎拉麵套餐 $128🌸套餐好抵食😍可任選一款招牌款式拉麵，仲可以免費追加一次麵，套餐更包了飲品及小食一款🤗湯底方面，我地選擇咗店長推薦配搭湯底，濃啖度啱啱好！拉麵口感軟硬度適中！口感一絕😋😋😋✨綠虎拉麵（四國香蔥油拉麵）湯底好香好濃蔥油味🍜配上兩大片叉燒、一隻流心蛋、紫菜！每條麵掛上超香濃湯底精華😋回味無窮！流心蛋🥚令湯底更濃郁，味道更昇華😍叉燒微微焦得金黃，好軟淋，好香好入味！麵量仲好多，仲可以免費加麵一次‼️啱曬大胃朋友😙 大家一定要親身體驗一下！必點🌟🌟🌟🌟🌟🌸套餐小食🌸✨芝士魚餅份量唔細，一共有四件，魚肉味好香濃，口感好彈牙，中間夾有芝士，味道好夾😋🌸鳴虎自選拉麵🌸有豬骨湯底同醬油湯底選擇，我地選擇了：✨豬骨湯拉麵 $46 豬骨湯底味香濃，而不油膩🥹真材實料！拉麵掛上湯汁簡直一絕😍拉麵分量好多，同坊間既拉麵店相比，分量超足料又好味😋必點🌟🌟🌟🌟🌟配菜選擇了：✨火炙叉燒 $12😍叉燒焦得金黃，好軟淋，食得出廚師製作既用心👍🏻必點🌟🌟🌟🌟🌟✨皇帝蟹棒 $12蟹棒有兩條，味道好鮮甜😋✨章魚小丸子 +$18章魚小丸子有4粒，外脆內軟糯糯的，章魚粒好彈牙😆味道好夠～必點🌟🌟🌟🌟✨鳴虎玫瑰花茶🌹（熱飲）玫瑰花🌹品質好靚，味道好清香，不過略厭糖水甜度較高，下次叫番少甜會比較好🤗杯子設計好方便，飲用時拎開上層載有玫瑰花的容器就可以了🤗‼️凡惠顧自選拉麵:1. 小食+$18就有啦😍2. 追加沙律及罐裝汽水+$10 就有啦🥰（沙律量多像小山丘😍好吸引！）食物✨✨✨✨✨環境✨✨✨✨衛生✨✨✨✨✨價錢✨✨✨✨✨🏠 鳴虎 (將軍澳)將軍澳貿業路8號新都城中心3期1樓16116

今日踩完單車肚餓，一於入去新都城抖抖充下電☺️☺️拉麵控犯癮，一於試試依間～我地試了黑蒜油黑虎拉麵和鳴海老拉麵，首先係黑蒜油拉麵，湯底有非常香濃嘅黑蒜油香，麵條口感彈牙，跟湯底非常搭配～接下來係鳴海老拉麵，湯底帶有濃郁嘅海鮮味，麵條同樣有著非常好嘅口感，搭配上鮮甜嘅湯底開胃，喜歡海鮮類嘅拉麵絕對唔好錯過！整體而言，我對「鳴虎」嘅印象深刻。

拉麵湯底濃郁，配料豐富，食到最後湯都飲哂～好味✌🏻✌🏻😍

放工總系想食碗熱湯麵 暖下肚得黎 又有啲澱粉質 幾有滿足感 見到新都城三期商場開左間新拉麵店🍜鳴虎就決定黎試下🦐蝦味噌豬骨湯拉麵 $88當拉麵上枱個陣 熱辣辣出曬煙 仲即刻聞到好香既櫻花蝦味👃🏼湯底顏色帶有微微既紅色 上面仲鋪滿左切碎左既葱花 木耳 五味粉 豚肉 唐心蛋 紫菜食拉麵一定系飲左湯先 湯底豬骨味濃郁 幾膠身 蝦味噌味道突出而吾會太搶麵質口感非常好 有嚼勁而且吾會太林 🧄博多黑蒜油拉麵 $88黑蒜味都好濃郁 聞落幾香 開曬胃除左湯底吾同左之外 其他材料都一樣叉燒有兩大塊 火炙過好香口 肥瘦適中👍🏻唐心蛋有成隻 的確吾錯 好多鋪頭都系得半隻 吾夠喉🤪火喉控制得好好 超流心💭麵底同材料既份量好足 食得好飽 湯底又非常好飲 價錢都合理 系值得一試既拉麵店🏅

今日去咗新都城三期嘅鳴虎食晚飯。

食店以半開放式設計，配以日系木枱凳，光潔明亮，地方雖小，亦不會令人有壓迫的感覺，坐得舒服。

食物種類不算太多，嚟得鳴虎一定係食拉麵啦，咁我哋order咗拉麵套餐及日式咖哩豬扒飯。

套餐$ 128，有拉麵+小食+飲品，幾抵食。

肉餃子，啖啖肉，非常juice。

拉麵湯底可以選擇濃，普通，淡，麵質亦可選擇軟，普通，硬，可跟據個人口味選擇，非常細心我哋選擇咗鳴虎拉麵配普通湯底+硬麵。

乳白色的豬骨湯底味道濃郁，麵質爽口彈牙，配上半肥瘦的日式叉燒，爽口木耳，溫泉蛋及勁多香蔥，一個字正日式咖喱豬扒飯咖喱汁同豬扒飯是分開上的，很好的安排，珍珠米配上飯素，令到白飯不單調，就算唔加咖喱汁，一樣食得滋味，吉列豬扒外脆內軟

鳴虎餐單提供日本菜, 拉麵等推介美食位於將軍澳區，餐廳座位數未知人均消費約$51-100，結賬可以用Visa,Master,AlipayHK,支付寶,現金,銀聯,BoC,Pay,OpenRice,Pay,雲閃付。

您對於將軍澳餐廳「鳴虎」有何 comment？

鳴虎餐廳詳細資料：

• 鳴虎地址:
  將軍澳貿業路8號新都城中心三期1樓161-162,169,171-172,173&174號舖
  Nakitora Ramen, Shop161-162,169,171-172,173&174,1/ F, M C P D I S C O V E R Y( Phase I I I),8 Mau Yip Road, Tseung Kwan O
• 鳴虎電話:  
• 鳴虎價錢: $51-100
• 分類: 日本菜, 拉麵
• 座位: 未知
• 付款: Visa,Master,AlipayHK,支付寶,現金,銀聯,BoC,Pay,OpenRice,Pay,雲閃付
• FB專頁: 鳴虎 Facebook

更多鳴虎相關資料:

• 鳴虎分店
• Youtube
• Facebook
• Twitter
• Google