邵氏餐廳 將軍澳

邵氏餐廳 評價 相片

邵氏cafe賣點是所有食物不加味精MSG每日menu 不同，有中有西，間中有驚喜菜式是日選了芝士白汁素菜千層麵，$47（set)坊間都少有得食比外面餐廳有過之而無不及Lasagne有四、五層，每層放吾同既料：南瓜、紅蘿白、大菇、茄子，麵本身ok,吾會乾又或太濕幾有芝士味，白汁夠濃，不過略鹹同太多敗點吾夠熱，因為整定放到變室溫整體算係甘，仲包無味精湯，今日係木瓜雪耳雞腳，同阿媽煲一樣好飲，冇口渴真材實料見到有切餅賣，但食吾切，下次再試

邵氏片場故名思義係一個片場，位處將軍澳工業村頭段，離將軍澳地鐵站太概5分鐘車程，一般人都未必會千里迢迢入到呢度食飯，但如果話你知呢間餐廳入面啲野食標榜不含味精，並由名人謝寧打點，上至裝修、設計菜式，下至收銀裝湯都親力親為，可見餐廳菜式必定有一定質素。

平日去shaw 通常會睇左當日既餐湯先決定，大熱湯水應該係胡椒豬肚湯，通常會爆棚，出現湯水供不應求的情侶。

餐湯用料充足，必定有渣，有時試過有成67塊豬肚，提埋大家，如果果日啲湯有多，仲可以去拎多碗添（不過當然要有禮貌問，唔好奉旨要人多碗啦）。

除左餐湯要重點推介外，價格都係一個重點考慮，你知而家食個lunch 動輒要成560蚊餐，而邵氏個餐牌普通野通常大概40蚊左右，而餐牌通常有哂中西式既菜都有，有次食過牛扒大蝦都唔過80蚊，連凍飲。

塊牛扒半生熟，咬落去肉質鮮嫩，一食就知唔係啲雪藏扒。

今日黎就食左鰻魚丼，其實睇相已經唔使多講，塊鰻魚大過手掌，下面墊左塊厚海帶，淋上燒汁，賣相已經一流。

切開塊鰻魚，魚肉唔會「散修修」，無雪藏味，以60幾蚊連湯連野飲黎講，已經覺得自己賺左。

最後提大家，shaw cafe 只提供午餐，及逢星期日休息，唔好夜麻麻入左黎無飯食賴我呀！

邵氏餐廳餐單提供港式等推介美食位於將軍澳區，餐廳座位數100人均消費約$50以下，結賬可以用現金,八達通。

您對於將軍澳餐廳「邵氏餐廳」有何 comment？

邵氏餐廳餐廳詳細資料：

• 邵氏餐廳地址:
  將軍澳環保大道201號邵氏香港電影城行政大樓閣樓
  Shaw's Cafe, M/ F, Administration Building, Shaw Studios,201 Wan Po Road, Tseung Kwan O
• 邵氏餐廳電話:  
• 邵氏餐廳價錢: $50以下
• 分類: 港式
• 座位: 100
• 付款: 現金,八達通
• FB專頁: 邵氏餐廳 Facebook

更多邵氏餐廳相關資料:

• 邵氏餐廳分店
• Youtube
• Facebook
• Twitter
• Google