賞茶 將軍澳

賞茶 評價 相片

支持黃店，價錢唔貴，但質素有待改善。

叫咗紅豆芋圓，只有一個字「甜」，紅豆太甜，甜到要飲水中和返。

涼粉唔錯，芋圓有咬口，但食唔出蕃薯/芋頭味，成碗似糖加水有啲失望

將軍澳附近真係冇乜小食舖，去到將軍澳中心的賞茶，居然有小食賣，就試一試。

叫左鹽蘇花枝丸，人不太多，但都等左超過十幾分鐘先有。

花枝丸是即炸出來的，審上不少的鹽蘇，可惜即炸出來好似冇”鯨”油，好似一層油包住，然後啲鹽蘇俾啲油整到漿住漿住咁。

不過好在花枝丸本身好好味，彈牙，有墨魚粒有咬口。

Ps. 紙杯好靚

呢間新台式飲品店開左一段時間，最近終於有幾會試！位置上唔係太方便顯眼，要行到將中最入，係商務隔離，但係相當值得。

已經去過好幾次，飲過桂花烏龍、奶綠、極品賞奶茶。

每樣茶味都唔錯，但留意返佢味道比較甜，我會直接叫半甜或微甜。

賞奶茶茶味有啲似天仁，桂花烏龍都好特別。

今次仲食埋佢地啲小食，好正。

係即叫即炸，新鮮熱辣。

鹽酥雞啖啖雞脾肉，好juicy唔會太油。

調味鹽唔會好重口味，好食又冇罪惡感。

薯條都好食，粗細剛好，加上即炸出黎。

仲有套餐可以買，舖位有兩張枱，可以坐低chill下。

平日唔多人，環境相當唔錯。

將軍澳新開的台式珍珠奶茶舖(其實都開了一段時間)，夏天當然想飲凍冰冰的奶茶，因應未試過便決定試試。

極品波霸賞奶茶（$24）珍珠比想像中好，有咬口味道亦有黑糖味，奶茶有茶味，$24一杯算中等價格，可以再試。

將軍澳不嬲比較少台式飲品店而家開多左間就黎試下啦甘岩佢做緊開張優惠 頭7天都有優惠甘我就黎試下啦我見到佢正常價錢都唔算平 所以期望都高甘我就叫左杯烏龍奶茶同波霸奶綠甘兩杯都偏甜我而家叫左75%糖都好甜 我諗叫25%就會差唔多甘烏龍奶茶 茶底好味 不過奶味就唔太突出 唔似用緊啲靚既奶 飲到烏龍陣茶香味至於波霸奶綠 我個人唔太鐘意佢啲珍珠 冇咩味 同埋偏硬左少少而奶綠既綠茶味都一如既往唔會太飲得出綠茶味 同普通奶茶差唔多不過佢甘既價錢 呢個質素有啲唔值下次黎既話會想試下佢既芝士奶蓋茶既

賞茶餐單提供台灣菜, 台式飲品, 甜品, 糖水, 小食店等推介美食位於將軍澳區，餐廳座位數未知人均消費約$50以下，結賬可以用AlipayHK,支付寶,現金，Booking訂位可以電話致電 23115699 查詢。

您對於將軍澳餐廳「賞茶」有何 comment？

賞茶餐廳詳細資料：

• 賞茶地址:
  將軍澳唐德街9號將軍澳中心1樓137A號舖
  ANice Gift, Shop137 A,1/ F, Park Central,9 Tong Tak Street, Tseung Kwan O
• 賞茶電話: 23115699
• 賞茶價錢: $50以下
• 分類: 台灣菜, 台式飲品, 甜品, 糖水, 小食店
• 座位: 未知
• 付款: AlipayHK,支付寶,現金
• FB專頁: 賞茶 Facebook

更多賞茶相關資料:

• 賞茶分店
• Youtube
• Facebook
• Twitter
• Google