表哥茶餐廳 將軍澳

表哥茶餐廳 評價 相片

難得到將軍澳, 人生路不熟, 真不識怎搵食. 在商埸內很少茶餐廳, 見有表哥出現, 就決入內一試啦. 下午茶餐不算貴, 叫了份水餃麵+魚蛋小食+凍檸茶, 共$27. 水餃想不到的好食, 有3大隻, 內有蝦, 豬肉, 筍絲及冬菇絲, 好入味, 麵亦彈牙, 湯底好味, 是廣式的魚湯, 很好. 魚蛋及檸茶亦ok啦. 服務就真是一般, 阿姐竟然在睇跑馬, 服未!

18 Aug 2008 (一) 10:30am今天由於早了起身，故此去附近的茶餐廳食早餐，今次選擇了 "表哥" 是因為這裡有電視可供睇奧運節目。

講回食物，order 凍檸蜜都只是加兩元，不用出面要加四元。

沙嗲牛肉通都幾重沙嗲味，而牛肉又唔 'un'，正。

腸仔、煎蛋及麵包烘底，其實都無咩特別好講，但我覺得麵包烘底整到好似奶油多咁，唔錯。

總結以上：$26的價錢，食到以上既野，都算幾抵食，起碼味道都值回票價先。

再去將軍澳厚德間表哥, 其實每次去都一肚氣, 但由於附近沒有麵鋪, 而表哥D麵既質素算唔錯, 所以都會返轉頭幫襯. 由表哥進註將軍澳開始, 睇住間鋪既衛生愈來愈差, 服務員既態度簡直形容唔到, 差到不得了! 以前仲見有一個半個男子, 類似經理, 都仲ok有禮貌, 宜家就消失晒, 得番幾位女士.尋日''又''如常地落錯單, 已不止一次, 為怕要求更換時更麻煩, 沒出聲 (以前試過一換冇回頭, 又試過換好耐都換唔到, 因趕時間, 所以費時出聲), 當埋單時跟她們說其實落錯單時, 竟有人好大聲話"你唔出聲", "你唔識挾起D咖哩角睇家", 簡直係離晒大譜, 這是甚麼態度呀, 一句唔好意思都冇不得止, 仲倒轉頭語帶責怪兼質問既聲調咁問個食客我, 於是就跟她講"你唔可以咁既態度", 大家你一言, 我一語, 兩三句之後, 我呆左, 因為有人好大聲咁話"你收聲啦!", 我唔相信自己對耳, 服務員竟叫食客收聲! 我好嬲, 從未遇過有服務員咁離譜!我即時話要投訴, 搵經理, 佢竟然話佢就係 (一個長, 捲曲頭髮既女仔), 佢跟住繼續一輪咀, 又話佢自己咩態度唔好呀, 又話認得我, 好麻煩, 個款根本就係撩交嗌, 完全冇意識佢自己唔啱.喂! 我麻煩係因為服務員成日落錯單, 包括呢位經理, 炸漿麵變水餃麵, 熱華田變凍Horlick, 魚蛋變春卷! 我唔係叫呢D食物, 你冇理由夾硬要顧客食同飲服務員寫錯既野家! 我話一定會投訴佢, 佢就一路話"你米投lor", 一副好把炮, 好得戚既樣. 我當時真係火起, 但可以點, 佢話係經理, 已最大, 又冇其他人, 唔通報警話佢態度差??!!我實在唔知可以去邊度做投訴, 就諗住係呢度同大家分享, 希望多D人睇到. 因表哥有四間, 好似都唔同老板, 近呢至少半年, 都只係見幾位女士坐陣, 見唔到有其他類似高級D既負責人.食物質素ok, 價錢尚算合理, 但那些服務員既態度就真係相當過份!希望有關既負責人都有上網既習慣, 上呢個網見到有投訴啦!

尋日一個人諗唔到食乜野,本來好想食河粉, 搵下有無喇沙之類o既野食...發現將軍澳d泰國食店都好貴(around $5055一碗)...於是退而求次食碗普通河粉算喇...坐得睇下個menu, 記得自己好耐之前想食京都炸醬麵, 就叫個雙拼啦...加埋牛筋($21 + $7)睇黎依度都係d後生仔女做事傢喇...服務都唔算差, 叫做叫佢行就行, 叫佢企就企囉, 唔好期望會有extra笑容...又或者主動o既服務碗野黎喇...發現好鬼細碗, 好似人地碗餐湯d碗大少少, 28蚊食碗咁細o既野, 我覺得自己好奢侈d牛筋好滑有膠質, 不過真係唔係好夠喉...7蚊加多樣餸得果幾舊, d牛真係好矜貴...麵好有質感, ok o既...炸醬甜甜地, 食到肉絲, 冬菇, 炸菜囉...幾好食...不過都係果句...28蚊好細碗

寫的是沙田連城那一間表哥, 聽佢個名都聽過好多次la, 但每次經過都會有其他更吸引的食店, 所以唔會入去, 今次友人作決定就尊重o下佢la.叫了個紫菜三寶麵, 有魚扎x1, 魚皮餃x2, 豬肉丸x2, 少許紫菜, 全部都係中中地的水平la, 真係好菜餐廳, 賣點可能真係少少的名星效應. 麵質都唔錯, 冇鹹水味, 但份量都係少. 但$23係現在的沙田市中心來說平la, 所以都有人排隊.後加了一個奶醬多, yummy ar~~~好厚的多士, 花生醬都厚厚的平均地佈滿整個多士表面, 四邊都係微微的脆, 剛剛好lei, 這個都真係唔錯, 但一句到尾有得選擇都唔會選佢, 特別係係咁多好o野食的沙田.

表哥茶餐廳餐單提供港式, 茶餐廳, 冰室等推介美食位於將軍澳區，餐廳座位數未知人均消費約$50以下，結賬可以用現金。

您對於將軍澳餐廳「表哥茶餐廳」有何 comment？

表哥茶餐廳餐廳詳細資料：

• 表哥茶餐廳地址:
  將軍澳厚德邨厚德商場東翼1樓167-168號舖
  Cousin Cousin Cafe, Shop167-168, Hau Tak Shopping Centre, Tseung Kwan O
• 表哥茶餐廳電話:  
• 表哥茶餐廳價錢: $50以下
• 分類: 港式, 茶餐廳, 冰室
• 座位: 未知
• 付款: 現金
• FB專頁: 表哥茶餐廳 Facebook

更多表哥茶餐廳相關資料:

• 表哥茶餐廳分店
• Youtube
• Facebook
• Twitter
• Google