紅樓 將軍澳

紅樓 評價 相片

今日黎到紅樓,食大閘蟹大閘蟹膏都有既，但就真係冇肉食....係少少肉見下都冇嗰隻，隻隻都細細隻。

我本身好少食蟹，食完呢次就對呢個大閘蟹一啲興趣都冇。

服務方面，呢間真係冇乜。

客唔算多，但阿姐們行嚟行去，勁忙咁。

每次叫佢幫我拎嘢都要叫好耐或者要叫幾次，阿姐話記得喎 或者敷衍我拎緊㗎啦，佢係我面前行過6,7次 我都 仲未見到我想要嘅嘢。

埋單嘅時候，我見到茶位收足人頭錢，我就同佢講囡囡2歲都收茶錢？阿姐冇望過我，就話公司規定 90cm以上需要收費， 我補充囡囡只有兩歲未夠 90cm。

阿姐堅持要收費，話高過張凳就要收費，跟住見我唔出聲，就叫我同個女出門口有個位度高。

咁我就費事麻煩，直接簽信用卡執嘢走。

點知 一抱個女落地下，佢就走咗去阿姐隔離，阿姐即刻叫佢，妹妹你過嚟度下。

最搞笑係已經見到阿女唔夠高，阿姐仲要捉我個女過去度多三次，佢先話妹妹唔夠高唔使收錢。

我完全冇理阿姐，只係捉住自己個女返位拎袋走。

阿姐自己走埋嚟話畀番一個茶位嘅現金我，話碌咗卡 可唔可以收現金？因為我趕住走，所以拎左錢就走左。

可能佢以為我想呃佢一個茶位錢。

但係 一個兩歲嘅小朋友，普通人都應該睇得出或者佢真係忙到連望一眼我囡囡都唔得閒。

我講出嚟只係希望帶住小朋友去食飯嘅各位家長，其實真心好多食肆係唔歡迎帶住小朋友嘅客人。

作為一間中式 餐廳佢居然同我講小朋友高過張凳就要收錢，真係好好笑。

anyway呢間嘢幫襯一次就拜拜，嘢唔好食 又唔夠userfriendly 唔適合我哋有小朋友嘅家長去。

上星期去紅樓飲茶見到佢做緊Promotion ,日本大閘蟹3両重$38/隻，於是今日同屋企人去試下，3個人叫左四隻蟹加一個$288套餐 但次次都係食食下先記得影相，希望大家唔好介意😂😂😂😝講下野食先 $288套餐先講$288套餐，有一大盅花膠螺頭燉雞湯+一條沙巴龍躉+一隻脆皮雞+一鍋北菇蠔皇扣花膠煲 花膠湯👍🏻👍🏻👍🏻👍🏻👍🏻一大盅，足8個細碗嘅湯，無咩味精，清清地，飲左3碗，正👍🏻 脆皮雞👍🏻👍🏻👍🏻👍🏻皮好脆，雞肉都好滑，唔係其他酒樓套餐個d bb 雞，重要滑得來熟哂嘅，唔似有d酒樓雞骨紅紅地咁，抵讚 沙巴龍躉👍🏻👍🏻👍🏻大大條，蒸行剛剛好，好滑 北菇蠔皇扣花膠煲👍🏻👍🏻👍🏻套餐來講都算足料，花膠都幾厚同埋唔係花膠碎，一人都有2至3片 大閘蟹👍🏻👍🏻👍🏻雖然唔係好大隻，但打開隻隻都好多膏，想過下口癮嘅話$38都算幾抵 食左咁多野都係$530幾，好飽好滿足！媽媽好滿意👍🏻佢仲有個羊腩煲套餐，等埋其他人先再試下，食完再報告

上網找到附近一間中式酒樓，但酒樓唔易找，要先經過旁邊另一家大型中式連鎖酒家才到。

近來，好多酒家都没有冬瓜盅，因為紅樓有供應，坐下，馬上下單來一個冬瓜盅海皇白玉冬瓜盅:可能我地是晚上第一台客，冬瓜盅火喉未夠，但還是美味的晚市孖寶:咕噜肉+北菰扣花膠煲。

咕噜肉:北菰扣花膠煲:

今日去食晚飯，點左一個$268嘅上湯龍蝦伊面孖寶。

另外一味係4隻蒜蓉粉絲蒸扇貝。

伊面嚟，到個面白曬曬我已經覺得奇怪。

一食落口都唔係伊麵嚟嘅。

冇伊面個種滑度，又冇嗰個蛋味。

質地完全似上海麵，幼身扁扁地。

叫到阿姐問佢，佢就話我哋啲伊面係咁，伊面一直都係咁個噃。

完全呃人。

阿姐你有冇食過伊麵？？？一碟龍蝦伊面，四隻蒜蓉粉絲蒸扇貝，再加一碟腐乳通菜，三個人埋單$460幾蚊。

屋企冇飯開落去食飯就得，但係唔好有期望。

一群人去紅樓到飲茶，三點去都唔使等位就有得入，叫咗好多嘢食，有馬拉糕、叉燒瀨粉、油菜、雞扎、鮮蝦腸粉。

其中我覺得最特別嘅係芝麻金箔流沙包，淨係個樣已經好吸引，食落去佢似奶皇包，只係個餡變咗做芝麻😆🤩。

其餘食物質素都唔錯， good good👍🏻六個人食咗$300

紅樓餐單提供粵菜, 廣東, 酒樓等推介美食位於將軍澳區，餐廳座位數未知人均消費約$101-200，結賬可以用Visa,Master,現金。

您對於將軍澳餐廳「紅樓」有何 comment？

紅樓餐廳詳細資料：

• 紅樓地址:
  將軍澳唐賢街9號PopCorn商場2樓PopFood3號舖
  Red Restaurant, Shop3, Pop Food,2/ F, Pop Corn,9 Tong Yin Street, Tseung Kwan O
• 紅樓電話:  
• 紅樓價錢: $101-200
• 分類: 粵菜, 廣東, 酒樓
• 座位: 未知
• 付款: Visa,Master,現金
• FB專頁: 紅樓 Facebook

更多紅樓相關資料:

• 紅樓分店
• Youtube
• Facebook
• Twitter
• Google