福雅軒海鮮酒家 將軍澳

福雅軒海鮮酒家 評價 相片

因為肺炎關係真係好耐無去過茶樓飲茶喇，同家姐行街見到福雅軒有下午茶仲要唔洗等位所以就入咗嚟食！我哋叫咗2份點心孖寶🤗水晶蝦餃皇:蝦肉爽脆大大粒，皮亦爽滑❤️蟹籽燒賣皇:好普通，仲要有粒燒賣唔知點解無蟹籽😆魚茸釀茄子:熱辣辣又香口，好好食🤤鮮蝦炸雲吞:上枱已經係微暖，餡得好少不過好在皮仍然脆👌🏻點心不過不失，但其他食客個個唔帶口罩大聲"吹水"感覺上真係有啲高危，都係快快手食完就走算😂😂

今日同媽咪來光顧，我們被安排入座一張仍未執拾的座位，幾乎入座超過10分鐘都沒有前來招呼，即使已叫了職員，也要等了10分鐘，然後再叫，第二次才有人真正上前執枱，食物質素一般，除了是區內屬於比較便宜的中式酒樓之外，就已沒有值得再來的理由。

很久沒有跟家人一起飲早茶，今日難得齊人，於是就到了屋企附近的酒樓飲茶。

一如以往，間間酒樓都十分人多，大排長龍，於是我們分頭行事，最後到了福雅軒。

福雅軒都算是新都城內比較平價的酒樓芝士蝦春卷不要看他外表很像硬硬的，其實皮脆，很有芝士味香煎蘿蔔糕蘿蔔糕不會太膩， 煎等很香呀！潮州粉果父親大人最愛，但是我就覺得皮太厚了 原隻鮮蝦腸這個腸粉真是超多蝦，一條腸有兩隻蝦，讚蜜汁叉燒包飲茶必點，熱辣辣的叉燒包又夠多汁四寶滑雞扎 每次點這個我都只吃腐皮，裏面包着的是雞、火腿、魚肚以及冬菇，少了芋頭？家鄉甜薄撐這份薄撐吹了三次都還沒有來...... 又沒有人跟進......當我們打算離座時，終於到了，大家以最快速度吃掉它，就離開 🤣 總括來說食物都算不錯，以及價錢都十分合理，但服務就真是有待改善，可能因為侍應不多，完全不跟進訂單......

又黎到新都城開餐 又係貪佢泊車方便 泊車優惠又吸引依家好少任食火鍋 做得平 又開係商場入面所以我地都好經常食呢間👍其實佢有做小菜既 不過我地試過都係覺得打邊爐性價比高啲呢到係一口價 平日$148 價日$158已經有任食 任飲汽水啤酒 同埋醬料費佢有一個冰櫃 可以自己夾一啲冰鮮既食物除咗例牌嘅芝士腸，蟹柳，魚蛋，粟米之外呢度仲有個泰式魚餅 辣辣地 爽口彈牙幾好味我每次都嚟食😆😆😆😆呢度嘅滑牛做得好過肥牛 肥牛通常黎到係硬過石頭😂😂😂呢度汽水同啤酒都係任飲 啤酒係有獅威 有時佢冇曬會拎嘉士伯支裝出嚟 更加抵飲另外仲有雪糕櫃都係任食 係雀巢出品 百幾蚊有個地方可以同朋友吹水 雖然呢度只係任食兩個鐘 但係我冇試過畀阿姐趕走 亦冇試過收我超時費用😂😂😂

好耐冇食任食火鍋啦，今晚同最鍾意打邊爐嘅表妹同埋屋企人一齊去酒樓打邊爐，近近地就去福雅軒啦⋯⋯爸媽嘅飯堂🤪一向都知福雅軒有任食火鍋，但係幾年都冇食過，表妹同我👀到價錢好似幾抵喎，假期$158全包茶芥同加一，仲有汽水啤酒任飲...重點係6人同行，1個係免費喎，咁啱我地6個人，咁咪即係收5人錢？咁梗係去食吓啦⋯⋯唔該6個呀😊入門口就👀到菜係任夾嘅，仲有自己混醬嘅位置，丸類、蟹柳、泰式魚餅、竹輪、芝士腸、魚片頭、菇🍄類同粟米都係任夾㗎如果係任食火鍋，哩度個飲品櫃係可以任攞嘢飲嘅，仲有雀巢雪糕杯食，不過我唔記得📷任食嘅火鍋紙就係哩張啦👇🏻，基本嘅都有，冇特別嘅嘢叫，👀落都夠食呀，因為出面有咁多樣嘢可以夾，要食海鮮就另外加錢叫㗎啦😉菜洗得幾乾淨呀⋯⋯有大約七款菜揀🥬哩D都係自己出面夾🥢㗎，D丸類都唔錯呀⋯⋯另外落單叫咗肥牛、鮮牛肉、黑毛豬腩肉、鮮魚腐、四海魚皮餃、豬皮、豬紅、脆肉鯇魚片同魚腩、魚雲等等.....不能盡錄，但係仲有叫埋炸魚皮，不過冇📷到😋我地梗係唔只叫咁少啦⋯⋯有encore過㗎🤭最後除咗我冇食雪糕外，其他屋企人都一人一杯雪糕為今餐劃上完滿嘅句號😙大家只有同一感覺，超爽同超飽呀⋯⋯食得好滿足😍有6送1，埋單$790，平均每人$132，真係抵食呀！

福雅軒海鮮酒家餐單提供港式, 海鮮, 酒樓等推介美食位於將軍澳區，餐廳座位數未知人均消費約$101-200，結賬可以用Visa,Master,現金。

您對於將軍澳餐廳「福雅軒海鮮酒家」有何 comment？

福雅軒海鮮酒家餐廳詳細資料：

• 福雅軒海鮮酒家地址:
  將軍澳貿業路8號新都城中心3期2樓201-202號舖
  福雅軒海鮮酒家, Shop201-202,2/ F, M C P Discovery,8 Mau Yip Road, Tseung Kwan O
• 福雅軒海鮮酒家電話:  
• 福雅軒海鮮酒家價錢: $101-200
• 分類: 港式, 海鮮, 酒樓
• 座位: 未知
• 付款: Visa,Master,現金
• FB專頁: 福雅軒海鮮酒家 Facebook

更多福雅軒海鮮酒家相關資料:

• 福雅軒海鮮酒家分店
• Youtube
• Facebook
• Twitter
• Google