百匯軒 將軍澳

百匯軒 評價 相片

百滙軒自從裝修咗之後就冇以前咁好食，不過我都會推介大家食佢哋嘅燒雞同埋蒸魚，燒雞真係外脆內嫩，咬落去有少少入口即溶嘅感覺，仲有佢哋個豉油，應該係特製嘅，真係好好味。

蒸魚都值得一提，雖然有陣時廚師大個會少少失手，但係大致上都蒸得好嫩啲肉一啲都唔會鞋。

咁樣講完好味嘅就講下啲難食嘅，呢碟咕嚕肉我咬咗一啖之後就放開左，因為雖然外面係炸得好鬆化，但係唔知點解入面啲肉咬唔落，有啲硬，所以就放棄咗。

屋企早咗慶祝母親節為左就下D老人家所以就揀返近屋企呢間百𠥔軒本來以為屋村商場既酒樓無乜特別估唔到呢款素菜幾okay冬菇娃娃菜D冬菇大大隻而且肉厚又入味老人家冇牙都食到之後叫左隻炸子雞炸子雞即叫即炸雞皮脆卜卜而且雞油又香雞胸肉也保持嫩滑最後送買果盆屬於屋邨商場酒樓咁樣質素都算唔話得啦

呢間野係第一間能夠令我呢個懶人第一次打咁字留食評.佢地既蝦蛟皇...粒粒大小不一, 扁又有, 隋圓又有, 有隻仲要穿咗皮, D涵味精又重手,咁都收$3X 蚊籠...#$#$^....求其一間好食過佢...燒賣D肉係散既...垃圾...馬拉糕....痴口既... X其他食物.......下刪一百字因為食物點衰,都唔及D服務衰...打開壺蓋又好, 舉手叫人又好, 永遠冇人理你, 坐咗大半個鐘, 枱上既籠, 蝶係冇人收走...但D待應唔係忙喎, 見你舉手叫佢, 可以掉頭扮睇唔到...入錯單又唔認, 食物等好耐唔黎要求取消, 佢只會話出緊.....可以話你知, 由知客, 恃應, 經理, 甚至收銀.....冇個有禮貌..唔信?....你可以去試吓

唔知係咪撞正做節啦 我地雖然很早到咗 但已經擠滿人 所以好嘈 又冇乜侍應得閒咁 叫左34個人先有人返黎落單  我地2個人決定叫個孖寶就算啦 冷氣又勁大 快啲食完就走冬瓜盅 因為成個暑假冇食過 好想食 哈哈但好失望 得個咸字 料其實多架 有帶子 螺頭 勝瓜粒 蟹柳 草菇 蝦 蓮子 瑤柱 等等 冬瓜都好厚 刮極都仲有 係湯水少啲 不過都係冇冬瓜盅應有嘅鮮味 連入面每一種食材都係淡而無味 👎🏼👎🏼另外就係鮑魚滑雞煲 啲雞真係好滑嘅 但鮑魚就唔係平時有咬口個種 怪怪的 最緊要係唔鮮 冇鮑魚味 亞媽仲話呢啲係仿鮑 😓 咁我就唔知啦 總之成煲野咸到飛起 食得七七八八之際 架執枱車就放左喺我地枱隔離 好近 我一直望住啲亞姐 佢地都係咁ping ling pang Lang 咁丟啲碗碟落黎 一直維持左15分鐘 都冇意識車走 所以我影埋張相就埋單 其實上次我地黎個時都係咁 但知道坐喺廁所外面冇辧法 就算啦 一定係咁！ 今次叫做遠離咗廁所少少 架車都可以放在走廊中間 由得啲餸汁彈喺人地度⋯⋯野食、衛生、管理有待改善啦！😠😠

服務態永極差，叫經理加水，就叫等等，佢叫左知客，但知客就詰轉頭先，好忙(原來佢忙於搵人買月餅劵，傾到天花龍鳳，完全唔覺得在工作中)，跟住就叫左個待應，但見到個黃色衫的待應又唔做(忙於傾計)叫左個紫色衫待應，最後終於有個紫色衫待應來加水，全程用左15分鐘，仲要個個態度串，最後再次叫加水，個女知客來加水，一到枱前就叫幫手買月餅劵，話唔買，個樣即變臉。

成間酒樓冇個人係做野既，一係同事間傾，一係就同熟客傾，傾到忘我境界。

食物方面只可以話過得去，份量就完全少，叫左個豉椒肉片炒麵，囁$48再加一，好少囉，出去茶餐廳叫個下午茶餐都多過佢，個流沙奶皇飽，一D都唔流，完全冇餡，唔好話流，想見到有D餡都難，只見到內裡有少少黃色.........總知我一定唔會再去，如果有總公司服務電話我一定打去投訴

百匯軒餐單提供粵菜, 廣東, 點心, 中式包點, 酒樓等推介美食位於將軍澳區，餐廳座位數未知人均消費約$101-200，結賬可以用Visa,Master,現金,銀聯。

您對於將軍澳餐廳「百匯軒」有何 comment？

百匯軒餐廳詳細資料：

• 百匯軒地址:
  將軍澳坑口重華路8號東港城2樓221號舖
  Deluxe Cuisine, Shop221,2/ F, East Point City,8 Chung Wa Road, Hang Hau, Tseung Kwan O
• 百匯軒電話:  
• 百匯軒價錢: $101-200
• 分類: 粵菜, 廣東, 點心, 中式包點, 酒樓
• 座位: 未知
• 付款: Visa,Master,現金,銀聯
• FB專頁: 百匯軒 Facebook

更多百匯軒相關資料:

• 百匯軒分店
• Youtube
• Facebook
• Twitter
• Google