火焰山重慶火鍋 將軍澳

火焰山重慶火鍋 評價 相片

將軍澳新開不久的火焰山重慶火鍋，擺盤和刀功極為講究，碟碟都砌到好似藝術品咁，真係令人未食先興奮！而且價錢唔貴，晚市仲做緊全單八折添！正宗重慶麻辣 & 濃蕃茄薯仔 鴛鴦鍋 $148麻辣既香且麻，初初食落冇乜嘢，之後愈食愈刺激，相當過癮！蕃茄薯仔湯充滿了天然的甜美，能突顯食材的原味，啲蕃茄薯仔仲要幾好味！美國安格斯肥牛 $138帶漂亮油花的肥牛整齊地掛起，下邊再以乾冰營造煙霧效果，令人食指大動！牛肉味道濃郁而且軟諗可口，Really Nice！日本黑豚腩片 $108就像年菜的擺盤，十分漂亮！黑豚腩片肥瘦相間，入口油香滿溢！蟹籽包心丸 $36丸子內塞滿了咸鮮脆口的蟹籽，吃時要小心爆漿！伴碟是用蘿白雕出來的鎖鏈，勁！長豆卜 $28長豆卜堆砌得很公整，索湯食一流！中間的杯是用蘿白雕出來的，靚靚！紅薯粉 $28幼身的紅薯粉烚至透明就食得，煙靭可口！蒙古孜然羊肉串 $28/2串風味十足的羊肉串，愛吃羶的一定要點這個啊，羊味超濃郁的！日式鹽烤牛舌 $36/2串牛味相當突出，而且很惹味！重慶燒豚肉片 $32/2串燒到出晒油，夠晒香口！1664 $26可樂 $16

看到火焰山的名字，就會不期然想到麻辣菜色，對於無辣不歡的我們來說，當然要試！店很企淨企理，火鍋爐採方型式設計，非常特別說到火鍋湯底，本來我們是想點辣湯底的，但看到他們有個超特別的湯底：霸王藏嬌鍋(三黃雞，花膠，竹笙，南瓜) $248，肥美的三黃雞是我的喜愛之物，不會太多肥膏，但又剛好入口不鞋。

花膠件頭不大，但怎麼吃還是有，數量多且非常嫰滑。

南瓜一大個怎麼吃也吃不完！還有很吸味的竹笙，記得最後才吃啊！可供選擇的醬料不少，辣粉，指天椒，魔鬼辣椒粉，勁辣辣油，另外有油碟解辣，非常吸引！忽必烈孜然手抓羊 細$76原來是羊肉生菜包！風沙大漠烤羊腩一點也不肥，惹味的羊肉再加孜然粉非常好吃！另外還有青瓜絲跟蔥段作配菜，意外的滿好吃喔～配上孜然粉＋辣粉，或者京式甜醬，絕對相襯得很冰鎮話梅涼瓜 $32偏甜的調味中和了涼瓜的苦澀，口感清新而爽脆，清甜而不膩，這冷盤的水準非常不錯！手打梅菜咸蛋豚肉丸 $78意外地出色的手打丸，豚肉丸的粉比例不高，所以口感十分正常，不製作假的澱粉丸，加上爽甜的梅菜跟內含咸蛋黃，這搭配很不錯手打黑松露黑蒜墨魚滑 $88墨魚滑超好吃！口感嫰滑而且少粉團，黑松露的調味更提高了它的香味田園蔬菜盤 $78偌大的一盤菜，金菇，生菜，皇帝菜，黃芽白，紅薯粉 $28很快就煮稔的紅薯粉，記得不要煮太久，本身就已經熟了喔！牛骨髓 $68這個又是我的必點菜，牛骨髓既滑又不會有怪異的味道，純粹吃醬而且蛋白質高脂肪又低，超好吃又健康！酸梅湯 渣 $48正常水準的酸梅湯最後加上茶芥 $6 一人，一個大滿足的晚上 

尋晚去將軍澳行街，見到天氣轉涼，就諗住去打邊爐～見到呢間重慶火鍋，感覺幾正😍就入嚟試吓～呢間火鍋店嘅裝修比較中式，同埋幾大間😆坐得幾闊落，幾舒服🥰有自助醬料區，入面有唔同款式嘅醬料～仲有自家製嘅麻油，幾正💕而家堂食仲有8折優惠😄幾抵食👍🏻皮蛋豆腐芫荽鍋$88打邊爐可能會有少少熱氣🙈叫一個清淡嘅鍋底中和翻🤣一嚟冇咩罪惡感，二來又健康👍🏻鍋底有好多皮蛋同埋有芫荽嘅香味🥰清淡得來又幾清甜😋心心相印$88有好靚嘅擺盤😍將蝦滑整到一個心形咁💕仲有啲青瓜嘅擺盤都係心形🥰超級靚☺️蝦滑食落好彈牙👍🏻仲有啲蟹子喺上邊😆幾新鮮，幾好味😋紐西蘭羊肉卷$98好大碟嘅羊肉卷😍紋理分明😆食落好新鮮👍🏻而且啖啖肉🤣幾爽口☺️仲有幾濃嘅羊肉味😋又唔會騷😄鮮魚卜$58好鍾意呢個鮮魚卜😍好彈牙☺️煙煙韌韌😄好有咬口～而且唔會腥🤣其他火鍋店好少見，幾正😋五顏六色田園蔬菜盤$78有唔同種類嘅蔬菜～金菇，南瓜，西洋菜，生菜，冬菇等等～好適合我哋呢啲鍾意食唔同種類蔬菜嘅人🥰避免選擇困難症🤣蔬菜都好新鮮👍🏻幾香甜😋健康之選～新鮮白鱔片$98好爽滑🥰薄薄地嘅白膳片～唔好淥咁耐，唔係就會好淋🙈淥一陣就撈翻上嚟，食落去覺得好彈牙☺️好好味😋燒原隻魷魚$88好新鮮嘅魷魚👍🏻切成魷魚圈同魷魚鬚，幾有咬口☺️配埋芝麻醬，酸酸甜甜😍幾好味😋

好耐都冇出街堂食喇 加上限聚令關係HUBBY都只肯同我去樓下附近食野我知道最近呢個商場大裝修開左好多間餐廳  今次去左火焰山打邊爐因為佢地開到12:00而且今晚難得收10PM 返到屋企放低野就行去附近食野隔局都好好仲提供埋圍裙 唔怕整污糟白色衫我地叫左鴛鴦湯底今次食小辣 但都好足香料我企左在醬料區一陣個經理/部長 同我講 個麻油好好味 可以拿D生蒜去撈可以提香解辣食落又真係唔錯 下次都可以ENCORE仲用QR CODE 落左D火鍋料四色手打丸都好出色我最愛蝦丸同牛肉丸 超級濃味 真係手打呢個靚靚牛爽肉的確唔錯串燒茄子係我最愛 大大條 又可以一絲絲夠晒淋身其實都叫左唔少野食2個人用APP都落唔少今餐宵夜 都食到我地2個好滿足下次決定再同屋企人再食

完全估唔到今晚li個重慶hotpot咁好味😋! 約左fd去東港城隔離嘅明德商場一間新開嘅火鍋店, 淨係裝修已經唔係一般酒樓feel而係空間感好大又乾淨企理style, 佢每張枱都好闊落, 而且仲有好幾間私隱度100分嘅靚靚”包廂”🔥正宗重慶麻辣鍋中辣 (HKD118)特登黎梗係食店家嘅麻辣鍋吧!! 只見一片紅卜卜嘅湯底, 滿滿嘅原條大辣椒🌶️, 極多椒粒+香料, 而令個湯底香噴噴嘅就係大量牛油mix蒜, 加埋京葱, 葱段....真材實料, 都只係$118 ja.🔥頂級手切牛小排 (HKD188小)以為”小”就會好小, 點知係一個滿滿嘅碟, gimmick度十足係咁飄乾冰煙❤️, 現切嘅牛小排明顯見到均勻嘅油花, 厚切過好多火鍋店, 淥一淥, 豐富牛香&肉味, 我覺得li碟係必嗌嘅.🔥即炸五秒響鈴 (HKD78)響鈴都係驚喜之作! 淨係現炸已經加分, 佢每一層卷都係勁薄, 一如其名: 淥5秒好喇!! 5秒已經去到外層仲脆內裡滿滿湯底精華.🔥鯇魚腩 (HKD68)淥左好長時間, 食落口肉質一樣嫩滑, 厚切, 仲要一碟好多件呢, 抵過自己買自己處理.🔥自選手打丸8粒 (HKD88)鮮蝦, 牛肉, 墨魚, 豚肉每款剔左2粒, 手打口感同味道真係好食好多, 尤其係鮮蝦, 牛肉同豚肉, 淥咁耐都食得出個新鮮味道同彈牙口感.🔥紅薯粉 (HKD28)最後淥亦都係索滿鍋底食材精華嘅紅薯粉*幾飽都要食🤪*, 好彈牙, feel到微甜味, 淥到透明就要撈起啊.🔥另外我地仲食左魚皮餃(HKD68), 唐生菜(HKD28)同飲左一jar果汁先生(HKD48), 差唔多食唒時nice的店員姨姨仲邀請我地食現切冰鎮西瓜🍉呢🤩好正呀成件事!!🔥醬吧嘅辣椒🌶️, 香料, 葱, 蒜🧄, 麻醬......其實已經非常豐富, 店家仲有一款”重慶火鍋專用麻油”(成份好天然無數字添加劑), 據店員姨姨落力推介li個麻油解辣一百分💯, 試過又真work wor👍🏻.🔥***新開張而家做緊8折ga!!!

火焰山重慶火鍋餐單提供川菜, 四川, 火鍋等推介美食位於將軍澳區，餐廳座位數未知人均消費約$101-200，結賬可以用現金，Booking訂位可以電話致電 26025577 查詢。

您對於將軍澳餐廳「火焰山重慶火鍋」有何 comment？

火焰山重慶火鍋餐廳詳細資料：

• 火焰山重慶火鍋地址:
  將軍澳培成里10號明德村明德商場1樓105-106號舖
  Huo Yan Shan Hotpot, Shop105-106,1/ F, Ming Tak Shopping Centre, Ming Tak Estate,10 Pui Shing Lane, Tseung Kwan O
• 火焰山重慶火鍋電話: 26025577
• 火焰山重慶火鍋價錢: $101-200
• 分類: 川菜, 四川, 火鍋
• 座位: 未知
• 付款: 現金
• FB專頁: 火焰山重慶火鍋 Facebook

更多火焰山重慶火鍋相關資料:

• 火焰山重慶火鍋分店
• Youtube
• Facebook
• Twitter
• Google