泰巷 將軍澳

泰巷 評價 相片

有一段時間冇幫襯泰巷了，今日再來✌️依然咁抵食，50幾元就有個套餐，咖喱豬扒飯✨，豬扒好有味唔鞋，咖喱重香又多配菜。

招牌無骨海南雞飯✨明明寫住冇骨㗎，唔知點解變咗有骨😔，不過都都係滑嘅

琴晚同朋友去將軍澳行下商場，夜晚食飯時間經過見到呢間泰國菜餐廳，做緊二人餐$298，於是入去試下首先叫咗個二人餐，有小食拼盤，呢個小食拼盤好鍾意！有好多唔同種類的小食，大部分真高水準，推介大家必試！海鮮冬蔭功湯，可接受唔算好辣，整體一般咖喱軟殼蟹同菠蘿炒飯菠蘿炒飯竟然冇菠蘿個殼😨😨另外加咗個芒果糯米飯，糯米飯可以，但芒果好酸餐廳最大缺點係有酒精飲品只有象啤，而且價錢都偏貴，整體不過不失。

🤨🤨🤨

今日又同屋企人出去搵食!開左好耐的泰巷，一直都無去試，今日因為想食的越泰菜店無開，所以臨時去左泰巷試一試。

我叫左海鮮河粉，因為睇到張相吸引😆實物睇到個湯底好濃郁，但係唔咸同埋金不換的味重，除左金不換味之外，我試唔出有什麼味，如果不喜歡金不換的人真係唔會鐘意食😆 海鮮就同其他店吃的差不多，沒太大驚喜，入面仲有豆卜、青口、蝦、通菜等材料，望見到係好豐富和吸引。

海南雞飯係家人吃的，他說整個餐OK,雞都OK嫩滑，但覺得油飯略為少，吃完只是剛剛夠飽。

但最令我驚喜係飲品! 跟餐每杯+$3，我們選了泰式檸茶和泰式奶茶，兩杯都好好飲!😍與我們平常飲的味道不同，檸茶入面沒有放原塊檸檬，有點像混合了柑桔的檸茶，而奶茶好滑和奶味重，亦飲落去甜甜的，唯一唔好係2杯都沒有熱飲選擇，全都是凍飲。

影左張單，價錢可以望返張單

之前都有一直幫襯開依間泰巷，始終將軍澳食店唔多，依間餐廳係我top priority，但點解質素會越嚟越差🤬食個lunch食到成肚氣！👉🏻份量少！食物味道酸酸地🤢（事先聲明，啲相全部都係未開始食，可以見到所有嘢份量都係得一半😪）👉🏻買個外賣返屋企，收銀態度好差都算，等左差唔多20mins先有得拎👉🏻叫咗個$52咖喱雞白飯，仲加左$16要兩個沙嗲雞肉串👉🏻點知返到屋企發現：點解個餐份量咁少？全部野得一半！好似俾人食咗一半咁🤬👉🏻咖喱雞白飯：啲咖喱汁撈左好多水，味道勁淡，裏便仲要冇送，說好的咖喱雞呢？感覺好似食緊白飯撈咖喱汁撈水咁🤮而且份量極少，我一個女仔食完好似冇食過咁！$16雞肉串仲離譜🤬每一串得兩粒，好細粒，size成粒花生咁，而且雞肉肉質好「梅」好「un」，完全冇味道！諗住個湯應該唔會差得去邊，點知個湯份量都係得一半，得兩粒好細粒嘅蘿蔔，仲要味道酸酸地，應該係變壞左🤮🤮🤮😪真係好失望，一直都有幫襯開依間，但點解買外賣質素會咁參差？衷心希望餐廳可以改善下問題，外賣嘅客人都有俾錢！

我點左清湯公仔麵 佢黎左冬陰公湯 我算 我食到但我加左個多士同炒蛋 由兩點鐘開始叫 等到2:50都未有途中追左三次單有這麼缺人手嗎？隔離台都食完走啦一直都好中意食呢間既下午茶 而家轉新餐單無左常餐又要貴左質素仲要差左份量又好似少左變左整體感覺都麻麻建議下次有客人追單 記低客人漏咩野食入廚房叫廚房整左先出左俾客人再執手尾唔係既話 客人見隔離台野食黎齊啦自己仲未黎 會不滿餐廳 不滿服務員同埋下次都變左無咁想黎食希望下次唔會出現漏單情況

泰巷餐單提供泰國菜, 粉麵, 米線等推介美食位於將軍澳區，餐廳座位數未知人均消費約$51-100，結賬可以用Visa,Master,AlipayHK,支付寶,現金,八達通，Booking訂位可以電話致電 34677899 查詢。

您對於將軍澳餐廳「泰巷」有何 comment？

泰巷餐廳詳細資料：

• 泰巷地址:
  將軍澳唐德街1號將軍澳廣場1樓1021-1023號舖
  Grand Avenue Thai Café, Shop1021-1023,1/ F, T K O Plaza,1 Tong Tak Street, Tseung Kwan O
• 泰巷電話: 34677899
• 泰巷價錢: $51-100
• 分類: 泰國菜, 粉麵, 米線
• 座位: 未知
• 付款: Visa,Master,AlipayHK,支付寶,現金,八達通
• FB專頁: 泰巷 Facebook

更多泰巷相關資料:

• 泰巷分店
• Youtube
• Facebook
• Twitter
• Google