椰林閣餐廳 將軍澳

椰林閣餐廳 評價 相片

食晏時間，度度都好多人食飯，行過呢度，諗住事旦求其食啦，『Iker casillas』又無意見，咁咪呢間咯，二個人都算唔係等好耐。

我叫了咖哩羊肉意粉餐、羅宋湯、凍檸茶。

『Iker casillas』叫左雙茄豬扒餐(要薯菜)、羅宋湯、凍檸茶。

因為太多人，個餐包黎左成五分鐘，個湯才來！但個湯，真係細碗到丫，我屋企個飯碗都大過佢！d湯又唔熱！雖然味道不錯，但唔熱的湯真係好錯！嘩，等到呆，個咖哩才來，d意粉都係唔熱！咖哩係暖暖地。

點知仲有條頭髮係d 意粉度！『Iker casillas』話不如換左佢，我話又唔知係咪要等到葉落才來！算啦，唔食有頭髮果邊咯，但最底層的意粉好硬，似燒焦左。

好彩d羊肉都算冧，味道都幾ok。

(隔離檯都想叫咖哩羊肉，但無晒！原來我的係最後一份！)我食到一半，豬扒才來，我以為咩係雙茄，原來只係有一只迷你蕃茄加一片茄子咁大把！仲要都係凍的！份量又細，豬扒得薄薄一片，點食得飽？『Iker casillas』話一d都唔好食！叫了餐飲，等了十分鐘都未來！催佢，又等多五分鐘才有！d 檸檬只有三片薄薄的，風也吹得起！真係非常無料到的一間餐廳。

ok 係裨個羊肉的。

我是常客, 一飲他們的忌廉湯便分得出手勢了! 飲咁耐我都未加過任何調味! 就算東港城的紅樹林(椰林閣化身)都不及呢間! 一上口就要加胡椒粉!服務係麻麻, 但唔會畀氣你受, 料間間分店一樣, 係手勢真係不得了! 用心製作, 就算$32午餐上的牛扒至夜晚$58的西冷扒餐, 真係煎到外脆內軟夠juicy! 午餐上的意粉有時只是白色而不是茄汁撈, 失望之際竟食出滋味, 原來落過蒜油炒, 很香口!呢間係我食過咁多間分店中最好味既一間! 響坑口搵間平平地既西餐廳真係冇, 呢間環境唔錯! 人客嘈冇得好講...

尋晚12月22日去食，點左set dinner的羊脾...點知d羊脾變左...d味好怪，於是就立即要求換。

但再食時都唔得，所以就番左屋企。

點知凌晨3~4點開始下瀉......瀉到而家都無停過。

好想去complain，但發現佢無official website。

唉......唔再去呢間食呀!真係人都癲!ps.果度的服務員非常唔得，我坐正響counter附近，所以就不斷聽到佢地(黑色衫+收銀，共4~5人)用鄉下話大聲傾計。

傾都唔係問題...竟然俾我聽到d非常「不文明」的對話...嚇到我湯都飲唔落。

以下是我遇到的問題:1. 咖哩魚飯從廚房出係冷的2. 叫侍應再番熱, 講左兩次的反應都係, 噢? ha?3. 我坐的位置係冷氣風口位, 好冷4. 食到尾時, 冷氣機滴水轉左menu都無用, 我以後唔會再幫親佢

上星期五同家姐喺附近剪完髮,因為已經差唔多十點,所以都費時就圍揾,就入咗依間咁嘅野食...椰林閣...我幫襯過無數咁多分店.就以依一間特別有自己嘅特色...充滿內地風情...同家姐喺店外等帶位,一般食客都會這樣做吧..但其中一個女待應嘅反應出奇到得意.佢意然望住我哋然後把頭昂上.完全無出聲,即示意我們幾多位....吓,咁都得..跟住到order食物時..由於家姐有點不適..所以叫完杯奶茶之後,即時想改其他飲品..點知嗰位女待應即刻顯得很不耐煩地挨著牆,丁著一隻腳,嘩依啲乜野態度呀..人客諗多一陣啫.駛唔駛咁呀..等緊野食嘅時候,佢哋一班待應好嘈.唔知佢哋係哎緊交等係傾緊計,因為佢哋全部人唔係講廣東話,而係講其他方言嘅..呵,,一切已經明白晒...家姐因為病冇乜胃口所以叫咗個蜜桃汁牛排,點知黎嘅係黑椒汁嘅牛排,側邊加咗幾片蜜桃.問依乜唔係蜜桃汁咩?呀..佢真係以為自己時運高頂.當見唔到,聽唔到咁..一個箭步走咗去..真係佛到有火,態度差都算啦.我主要黎食野架,嘛點可以咁架...唔駛旨意再去椰林閣餐廳

椰林閣餐廳餐單提供多國菜, 西餐廳等推介美食位於將軍澳區，餐廳座位數120人均消費約$51-100，結賬可以用Visa,Master,現金,八達通,銀聯。

您對於將軍澳餐廳「椰林閣餐廳」有何 comment？

椰林閣餐廳餐廳詳細資料：

• 椰林閣餐廳地址:
  將軍澳培成路18號海悅豪園地下1號
  Yeh Lam Kok Restaurant,  
• 椰林閣餐廳電話:  
• 椰林閣餐廳價錢: $51-100
• 分類: 多國菜, 西餐廳
• 座位: 120
• 付款: Visa,Master,現金,八達通,銀聯
• FB專頁: 椰林閣餐廳 Facebook

更多椰林閣餐廳相關資料:

• 椰林閣餐廳分店
• Youtube
• Facebook
• Twitter
• Google