八沢 將軍澳

八沢 評價 相片

今日去朋友屋企玩，喺佢屋企附近揀咗呢一間，之前都有食過東大街分店，所以都想試吓呢間新分店質素如何😋入到去覺得個環境同東大街果間好唔同，呢間比較光猛，都坐得好舒服。

店員有問我哋坐唔坐戶外，但我太怕熱喇，都係揀返入面涼冷氣😂一坐低店員就推介呢個黑松露忌廉海鮮烏冬 ($99)🍲我一向都鍾意食啲creamy嘅嘢，所以就決定試吓佢喇，呢個係單點，冇嘢飲同其他嘢跟嘅。

烏冬一嚟到就有一陣好撲鼻嘅黑松露味衝過嚟，店員會解釋食法，可以先飲一啖忌廉湯，第二啖就可以將上面嘅黑松露撈埋入個湯度食。

第一啖忌廉湯係超級濃，唔係好求其嘅罐頭湯味道，而係一種有用心去調過嘅湯底，飲落濃厚但唔會過杰，好好飲😋而撈埋黑松露之後覺得個味道都好融合，就有啲似平時食嘅黑松露忌廉意粉變左湯版😂烏冬質地都係彈牙，我自己就偏好再硬身少少😂而配料方面，三文魚我覺得幾特別嘅，仲有兩粒帶子，可能個湯底太好飲喇，搞到我覺得配料味道正正常常，冇咩好驚艷嘅感覺😂開頭我仲怕食完會唔飽，我飲哂啲湯清哂之後，發現都幾飽☺️整體嚟講，餐廳坐得好舒服，食物亦都好有水準，可能座落於將軍澳海濱果邊，我覺得價錢就進取咗少少，如果平少少，又或者加個沙律仔，我會食得更開心🤣

星期日放假 又係搵好野食既好時機OpenRice 見到呢間新開環境又唔錯 一於試試佢分別叫左安格斯牛扒掛烏冬 同 胡麻肥牛烏冬小食就叫左炸吉列蠔份量望落雖然比較細份 但食落其實岩岩好牛扒小小過熟 乾身左d烏冬係有預先調味 質地味道都唔錯吉烈蠔個炸漿偏厚 不過不失兩個人叫左兩個烏冬 一個炸蠔 一杯飲品埋單$300左右係將軍澳呢個地方都叫合理餐廳設有outdoor位置 可以望到海景環境唔錯但由於夏天實在太熱都係坐返室內食得舒服d

We ordered a “tomato Salad”. There is just slices of a tomato, and no vegetables at all. It is absolutely misleading and overpriced!

之前都是搭車去食原舖skw店，其實黑豚生蠔燒和烏東都不錯，但工作附近的cwb店之前一直沒有黑豚生蠔食, 見到家附近Tko店不知是否新店原因，所有價錢又比筲箕灣和銅鑼灣店又貴1520%...

依間係八沢既第4間分店位置超好 起將軍澳海濱長廊附近如果坐外面可以望海Montery 商場都好靚 好新好歐美風去到要等陣 可能因為新開 人手唔太夠 執枱比較慢入到去坐底可以掃QR code睇menu落單不過可能系統比較新 今日用唔到 都係要人手落單Menu選擇好多 尤其烏冬款式 有成12款 另外亦有丼飯 拉麵老闆介紹 北海道帶子骨膠原白雞湯烏冬我就叫咗個 廣島蠔肉碎烏冬 ($95)賣相幾好 係個碗細啲 份量就好足嘅有4大隻蠔 肉碎都大粒 另外亦有海帶 蔥可以揀走唔走烏冬特別在佢唔係讚岐烏冬 佢比較扁身幼身 而且食落超級彈牙煙韌 韌到要嚼耐啲先吞到海帶都好多 餸烏冬食 啲蔥都好香口 4隻廣島蠔好大隻 味道濃 有蠔嗰陣獨特嘅味🦪尤其脹脹哋個位 食得出幾新鮮 咬落有汁肉碎都非常淋 完全唔韌 亦有豬肉味湯底都比較清 但係又夠味🍲味道上ok 我唔太知自己鍾唔鍾意咁韌嘅烏冬😅蠔就好食嘅不過感覺上又好似唔太特別 未特別到會想回頭食加上價錢上較貴 加埋一$108 有啲貴環境就好舒服嘅 渡假feel服務態度幾好 只不過係啲人比較新 唔熟手 運作上冇咁暢順希望佢哋越做越順

八沢餐單提供日本菜, 烏冬等推介美食位於將軍澳區，餐廳座位數未知人均消費約$51-100，結賬可以用Visa,Master,AlipayHK,現金,Apple,Pay,Google,Pay,微信支付，Booking訂位可以電話致電 23833466 查詢。

您對於將軍澳餐廳「八沢」有何 comment？

八沢餐廳詳細資料：

• 八沢地址:
  將軍澳唐俊街23號MONTEREYPLACE1樓5A號舖
  Hachi Sawa, Shop5 A,1/ F, M O N T E R E Y P L A C E,23 Tong Chun Street, Tseung Kwan O
• 八沢電話: 23833466
• 八沢價錢: $51-100
• 分類: 日本菜, 烏冬
• 座位: 未知
• 付款: Visa,Master,AlipayHK,現金,Apple,Pay,Google,Pay,微信支付
• FB專頁: 八沢 Facebook

更多八沢相關資料:

• 八沢分店
• Youtube
• Facebook
• Twitter
• Google