Parkview 將軍澳

Parkview 評價 相片

係將軍澳唔知去邊食lunch好，經過popwalk見到好似幾吸引所以就入咗去啦。

嗰陣差唔多一點半冇乜人。

Set lunch只包一杯飲品，大餐牌入面嘅飯麵先包埋餐湯。

今次叫咗鮮果冰茶(唔記得咗影相！)有少少過甜，味道似水蜜桃紅茶。

👓吞拿魚焗長通粉 $62通粉唔會焗到好乾身，好食！如果唔鍾意食忌廉汁意粉驚太漏可以叫依個。

評分：7/10👓溫泉蛋肉醬意粉 $62正常肉醬意粉，無太大特別，係有隻流心蛋😂評分：6/10👓煙三文魚卡邦尼意粉 $72卡邦尼意粉不嬲都好食實無死，不過佢啲配料(煙肉蘑菇)炒得好惹味，意粉底明顯有督橄欖油所以好香(同時都好邪惡…）煙三文魚有兩大塊！個忌廉汁一啲都唔漏，反而覺得唔夠喉添😳⚡️美中不足係呢度啲意粉份量好似偏少，似啱啱擲界飽🙈評分：8/10

極為失望，上次叫了一個海鲜飯及闊條麵，海鲜飯好似餬仔加茄汁咁樣，而闊條麵則有一浸怪味，而且最難頂的是超鹹，完全吞吾落口，不過服務員態度都非常合作，希望廚師可以認真改善一吓，今時今日咁嘅水平吾得架！

星期六玩左一日，夜晚八點左右到餐廳，一黎到門口，見到店內有吉位，店員不斷講等一陣，但等左十分鐘都無畀我地入去坐住先，門口起碼三枱客都等緊佢派位坐，真係估唔到星期六晚都咁少人手。

後來等左大約十五分鐘先有得入去坐低食飯，我地想揀左一個蕃茄軟殼蟹意粉同一個烤牛肉流心蛋漢堡。

意粉因為係主食，所以可以揀一個餐包，聽講呢度既餐包好好味，本來想店員拎個餐牌揀下食邊款，但佢同我講今日得返一款餐包，真失望。

除左主食我同朋友想再叫下其他野試下，因為店內冷氣太大，所以我地想叫個酥皮湯暖下身，佢就話今日無酥皮湯，跟住想叫個小食拼盤，佢又話今日無，先八點幾已經咩都無哂，真係好想知佢有啲咩係有！最後我地只可以叫個雙重芝士薯條。

再講食物，蕃茄軟殼蟹意粉算係最好個樣，軟殼蟹份量多，夠脆，意粉入面有一絲絲蟹肉。

牛肉漢堡好普通，唔值接近一百蚊呢個價錢。

至於雙重芝士薯條，好失望，佢用左好水既汁去焗，啲薯條浸到淋哂哂完全唔脆。

好失望唔會再嚟！

將軍澳pop corn商場， 一到假期就超難揾位食飯，我同家人揾到去天晋II商場揾位點知都係好多人，最後因肚餓，唔等既關係，我地决定將就，呢間無咩人食，入去前我遲疑一陣，因知到其他間間都迫爆，呢間一家係會有問題，但同老人家一齊，肚餓又等唔到其他餐廳，入去食左先。

入到去，就有個帶位中年女侍應(穿灰色製服) ，用足茶餐廳方式招吁你。

我地坐低後 各人揀左個主菜，呢位侍應指住menu上半部，大聲講："全部都係餐，要沙律定湯？"因我揀的是下半部，的主菜，我就問："咁呢個都是餐？" 女侍應 大聲又再講：" 全部都係餐！！"真係畀佢嚇親。

我自然反應：" 唔洗咁惡，明啦。

"放假揾間西餐廳，就係唔想見呢啲咀面。

故事未完，因呢位女侍應落錯單，黎錯左一份套餐，同另外waiter講番， 等左近半個鐘先來，之後我地落餐茶，等左20分鐘，眼望其他隔離枱都上得好快。

餐廳味道 食材都一般，但服務需改善。

太差了，經過見到有75折諗住試下，叫左二人套餐，有餐湯有餐包有兩個主菜有嘢飲有甜品。

見到都幾多野食咪諗住試下，碗湯黎到，話係菜湯，完全冇味，無味不特止，仲要好多油，筆走左都好多油。

叫左份西冷，本身大概係男人拳頭既份量，已經唔係大塊，然後有大半舊都係根，切都切唔到，免得換過俾人加料就算了，意粉係闊條面，d面淋到一個點，自己煮都好過佢。

另外。

d餐具好污漕，d污跡明顯到見到都唔開胃，第一次食西餐要拎杯水洗下d餐具，用得銀器就抹乾淨d啦好心。

人生第一次寫openrice 就係因為呢間餐廳。

希望大家都唔好中伏，七折都俾多佢。

Parkview餐單提供西式等推介美食位於將軍澳區，餐廳座位數未知人均消費約$101-200，結賬可以用Visa,Master,現金。

您對於將軍澳餐廳「Parkview」有何 comment？

Parkview餐廳詳細資料：

• Parkview地址:
  將軍澳唐俊街12號天晉匯1樓120-121號舖
  Parkview, Shop120-121,1/ F, Pop Walk, No.12 Tong Chun Street, Tseung Kwan O
• Parkview電話:  
• Parkview價錢: $101-200
• 分類: 西式
• 座位: 未知
• 付款: Visa,Master,現金
• FB專頁: Parkview Facebook

更多Parkview相關資料:

• Parkview分店
• Youtube
• Facebook
• Twitter
• Google