Our Little Dream 將軍澳

Our Little Dream 評價 相片

最喜歡幫襯自家開既餐廳，這間特別的家庭式餐廳，入内會有個小朋友比餐牌你😆，環境裝修好和諧，樓底高、開揚、坐位也唔算多當晚也差不多坐滿，這晚試了個父親節特別二人套餐，有牛排🥩小食和甜品，額外加份龍蝦意粉🍝三個人都剛好夠飽既，十分欣賞店內那個發光球體，内裡播放的音樂也很舒服，當晚是老公生日窩心待應特別和神秘哋送上一件蛋糕🍰！還願意幫忙寫上祝福字句，字體靚到呢….真係好感動好有愛！這份禮物🎁唔係間間餐廳可以做到比客人，真係好多謝這餐廰的安排，絕對滿足和愉快的用餐經歷。

記得訂枱要預先要求啊🙂

一間有熱誠，好有心嘅廚師一家🌟 龍蝦意粉 份量少咗D，但完全食到好香龍蝦味。

brownie 加雪笆一定要食小清新，令你驚喜清下味蕾調溫特濃朱古力一定要試雖然未係每道菜都完美，但一定直得你去支持。

每道菜都細心講解用料，雖然唔係每個人都想聽🤣但我地完全比你感染到好開心，真係小店才有。

價錢唔平，但食得出有水準。

飲品未有酒精飲品，朱古力特飲係用朱古力調一定要去試。

款式唔多但精緻，如果可以每道菜都有圖片睇就更加吸引。

呢間小店係有一對夫婦經營 兩夫婦都好nice 好熱情 介紹佢哋嘅店 係dog friendly 另外亦都準備好多好舒服嘅BB座位俾bb坐廚師好熱情又好有誠意 一入去就同我哋介紹佢嘅餐牌同有咩推介❤️salad 所選用嘅菜 佢都好講究 每一個道菜嚟到嘅時候 又會講解個菜式點樣做 再suggest 自己覺得點樣食係最好食 睇到佢對做每樣食物嘅熱誠 而家真係好少後生仔係錦上菜嘅時間都好快大概10至15分鐘 不過食好嘢我都唔介意等得耐環境好舒適 又闊落❤️

由於實在太多新餐廳進駐 決定推出新系列 #MEAD將軍澳新滋味 證明將軍澳不再是美食沙漠🏜️🤣‼️第1️⃣集 帶大家來到海濱長廊 這間新店是由兩夫婦同時亦是主廚所開設 他們十分好客熱情的介紹 食物均是精緻有特色 完全是味覺、嗅覺和視覺享受😂(真的沒誇張 有道菜好像看表演似的🎪😂)🔻🔻🔻🔻🔻✨Amuse Bouche意思是正餐前的開胃菜～ 精緻小巧外形 晶瑩剔透的三文魚子配上長腳蟹 驚喜位是有塊像蝦片的脆片盛著 口感好豐富🤤 令你馬上開胃起來!!✨Sweet Corn Gazpacho🌽甜粟米冷湯～原以為沒什麼特別 但一端上時就十分引人注目✨ 碗上的泡沫儲著蘋果木煙 只要在上面頭輕倒蔥粒 內裡的煙便散開 完全是視覺和嗅覺衝擊🤤(片中用上slow motion 更加能拍攝到精粹🤣) 湯亦有香濃粟米味 混合了煙薰香味 很特別 (如想要熱湯的話 廚師說就做不到泡沫效果 要取捨呢🥲～)✨Amadai 🐟來到主菜了 選用了最近很受歡迎的高級甘鯛 經過半煎炸後 鱗片變得立體 口感十分香脆可口 (有像吃薯片的感覺🤣) 魚旁邊是羽衣甘藍 伴隨着魚下的昆布木魚花清湯 好好吃🥲 整個配搭💯✨Lobster Pasta 🦞超級香濃的龍蝦意粉 龍蝦新鮮且蝦肉彈牙 龍蝦汁更是十分濃稠 因為經用焗過的蝦頭再炒香 令每條意粉都掛上汁 細心位是可配上辣椒碎 令意粉變得更為惹味🦞🍝🔺🔺🔺🔺🔺📍 Our Little Dream (將軍澳)🗺 將軍澳唐俊街23號澳南海岸MONTEREY Place地下G22B號舖

今日母親節，諗住同屋企人帶埋狗仔去食lunch，見到呢間新開嘅餐廳雖然得兩三個評語，但都係好評，加上寵物友善，所以就book咗枱想試下。

前一日已經ig msg再三confirm個booking同話會有狗仔，去到竟然要等15分鐘仲要得bar枱。

原因係好多book三個人嘅枱最後黎咗六個人。

咁其實你都冇理由將我哋張枱比咗人囉。

好彩最後都比番張普通枱我地。

入到去淨係話比水都等咗1015分鐘，最後仲要上滾水。

睇咗人哋嘅評價，我地就叫咗龍蝦龍粉，Egg Benedict 同後加咗一個Spanish Tapas, 仲有咖啡同凍朱。

係評價嘢食之前，我想講啲嘢食，我等咗一個鐘。

隔離枱我哋入之前已經食緊，佢哋6個人，佢同我哋講等咗個半鐘。

入面其實得57枱左右，最後佢哋都岀唔切菜到要停止入客。

12:30我哋準時到約12:45坐低叫嘢食約1:30後加嘅Spanish Tapas上菜(唔記得影)係三件包上面有番茄嘅sauce 同parma ham, 味道ok嘅，但唔明點解唔洗煮想要等9個字，suppose係15分鐘內上到嘅菜約1:45終於上龍蝦意粉個意粉都精緻同好食，價錢係298，有少少貴，不過7折之後都ok👍🏻過多幾分鐘之後Egg Benedict都上埋呢個隻蛋係真係好流心，味道就不過不失啦，178蚊包一杯飲品，呢個就真係貴，同唔明點解要等成個鐘。

最後係最快到但都等咗半個鐘嘅飲品我叫嘅係凍朱古力，味道幾好味，好濃，夠凍，跟餐加12蚊👍🏻但我Daddy, Mammy叫嘅Cappuccino 就真係差👎🏻好水好淡唔熱唔凍，換過杯又等多廿幾三十分鐘，但都係差，一杯42蚊但衰過茶餐廳。

總括而言，價錢冇7折嘅話係略貴，埋單原價6xx,折完461蚊，但食物係唔錯嘅👌🏻同埋可以比寵物入👍🏻但係。

。

叫咁少嘢食，餐廳又少枱，要等一個鐘先上到菜真係接受唔到。

明白新餐廳，可能好想所有食物都做到好精緻，但幾枱客，唔復雜嘅食物都要等成粒鐘，入面人手唔算少(得唔夠30人左右嘅餐廳黎講)，都有約6個人(兩個煮，眼見得一個落單上菜，仲有一個間中上菜，其他唔清楚)。

其實人手幾多都好，重要嘅係最後個result，而事實擺在眼前係枱枱都等到好炆，最後仲要停止入客。

希望餐廳可以改變下人手分配/個經營模式，食物品質固然重要，但理想之餘都要顧下現實，龍蝦意粉，Egg Benedict都要等一個鐘真係好唔實際。

如果等候食物時間可以最少減半嘅話，都值得推介一下嘅！

Our Little Dream餐單提供多國菜, 咖啡店等推介美食位於將軍澳區，餐廳座位數30人均消費約$101-200，結賬可以用現金，Booking訂位可以電話致電 57178105 查詢。

您對於將軍澳餐廳「Our Little Dream」有何 comment？

Our Little Dream餐廳詳細資料：

• Our Little Dream地址:
  將軍澳唐俊街23號澳南海岸MONTEREYPlace地下G22B號舖
  Our Little Dream, Shop G22 B, G/ F, M O N T E R E Y Place,23 Tong Chun Street, Tseung Kwan O
• Our Little Dream電話: 57178105
• Our Little Dream價錢: $101-200
• 分類: 多國菜, 咖啡店
• 座位: 30
• 付款: 現金
• FB專頁: Our Little Dream Facebook

更多Our Little Dream相關資料:

• Our Little Dream分店
• Youtube
• Facebook
• Twitter
• Google