囍館 宋玉生廣場(皇朝)

囍館 評價 相片

普普通通首先湯底已經無乜味..滾水咁...連d涼茶又係勁淡...肥牛普通, 百幾蚊碟, 但超市貨都好過佢, 蟹腳, 扇貝又係無乜味...反而係手打墨魚丸, 牛滑比較好...e間野d services都係麻麻, 成間舖得兩枱, 但叫待應都要等幾分鐘, 離哂泡...11個人, 埋單3k, 臨走後去wc先見到個牌寫住hsbc card有9折, 激死...唔會有下次...

同屋企人新年去澳門玩, 專登上呢度睇下有咩好既推介,其實我一路睇都覺得好怪點解間間舖都係好既多過唔好既,唔通澳門d野食真係咁得?老實講,我都去過澳門好多次,都算係一個識係澳門搭巴士既人,所以都唔可以話係好陌生,咁我中午就去左美高梅既中菜飲茶,因為知佢一定開同埋可以book位,夜晚就黎左呢間所謂名人多既舖頭打邊爐,以下係我既評語咩手切雪花牛,霜降牛,賣188蚊一碟,真係好普通,香港任何一間既牛都好過佢桂花蚌有異味,成碟冇食墨魚丸,都唔知咩味,又淡口,又唔彈牙走地雞又係唔係好得咩日本咩戀愛黑毛豬,肥到好似煙肉咁,都唔知d人點話係入口即溶唉,我都冇心機講,我都叫做好捨得食既人,一人一千幾百一餐都好普通,所以咩好野都試過,唔好當我唔知咩叫黑毛豬同埋靚牛肉先至得架不過有彈都有讚既,佢有個38蚊既炸唔知咩排骨仔又真係好入味,送酒一流好完又講返唔好我叫左上面咁多野,張單950元,呢個唔係問題,不過新年加20%又冇出聲你一早講左我一d都唔介意,不過埋單收我1200我先至知,條氣有少少唔順環境可以服務就幾好地點都幾就腳不過食物質素真係唔掂,可能係澳門叫做好好,如果係香港,佢應該可以執得好少俾喊面,不過點都要整個佢嘆下

同屋企人去澳門威尼斯人睇演唱會，睇完肚餓食好嘢，對酒店內的餐廳全無興趣，記得D飲食雜誌介紹過囍館，於是飛的去。

首先真係好似涮羊肉咁先提供調味, 有XO醬, which 我娘親十分欣賞. 我地order嘅材料如豬腰, 一啲都無腥味, 洗得乾淨得嚟, 亦非常新鮮. 最好係佢嘅黑豚豬, 個captain/部長介紹嘅, 真係好新鮮同嫩. 真係入口即溶咁. 係我記憶中比較好味嘅豬肉.極品牛係必定要食 ! 好到不得了，勁有牛味 ! 開頭諗住食少d牛但真係停唔到!本地牛真係要食呀 ! 我一路食一路嗌：痴線!超好食!點可以咁好食牛柳粒都超好味...p.s.之前有人話幾多artist去﹐成間舖都貼晒明星簽名海報，有森美、林狗、方力申、Stephy、林憶蓮、楊千嬅、鍾舒漫、JJ、裕美、EO2......估唔到第一次去就見到有黃菀之 n 張敬軒﹐勁開心。

^.^

囍館餐單提供粵菜, 廣東等推介美食位於宋玉生廣場(皇朝)區，餐廳座位數未知人均消費約$101-200，結賬可以用現金，Booking訂位可以電話致電 +85328755727 查詢。

您對於宋玉生廣場(皇朝)餐廳「囍館」有何 comment？

囍館餐廳詳細資料：

• 囍館地址:
  宋玉生廣場(皇朝)飛南第街4號百德大廈F-G舖
  Hei Restaurant, Loja F- G, Edificio Pak Tak,4 Avenida Sir Anders Ljungstedt, Alameda Dutor Carlosd' Assumpção
• 囍館電話: +85328755727
• 囍館價錢: $101-200
• 分類: 粵菜, 廣東
• 座位: 未知
• 付款: 現金
• FB專頁: 囍館 Facebook

更多囍館相關資料:

• 囍館分店
• Youtube
• Facebook
• Twitter
• Google