醉江南 太子

醉江南 評價 相片

我地坐係左o係度一個鐘，未齊人，但唔係無叫野食，四個人埋單都要$141。

阿姐你覺得我地阻住你禮拜六黃金時間做生意，可以禮貌少少咁請我地走。

唔係黑口黑面話我地知出面好多人等位，太子區唔係得你一間食肆，大把平過你好食過你啦！不過呢個世界就係欺善怕惡，我地女人多又有小朋友係容易俾人"恰"。

下次遇到幾個大男人o既話，阿姐你就唔好再用咁o既態度對人喇！D野食好唔好食？1. 花螺 非常的咸2. 醉豬手 普通3. 牛展面 小朋友肯食，應該無問題

見冇落雨一心諗住去花墟買花，點知行行吓倒水咁，咪諗住求其搵間茶餐廳加下午茶囉！點知去到呢度附近冇乜好選擇，見呢間個menu都好似幾吸引咪入去一試囉。

入到去，地方細細，員工都幾nice嘅。

坐低睇啲睇真啲個menu，冇乜下午茶套餐選擇，而且價錢都唔平吓，大約$30就有個麵同凍豆漿咁上下啦。

我同媽媽就叫咗個擔擔麵少辣、上湯年糕同兩杯凍豆漿（轉熱同飲其他嘢加錢）嘢都嚟得幾快，但個份量好似少咗啲囉．．．凍豆漿：幾香、甜咪剛好、好味擔擔麵：好水囉（我指個湯）、超多湯、麵幾有咬口、幾有花生味上湯年糕：個湯幾清，冇乜油、年糕幾有咬口不過唔係有太多件，味道．．．唔知點形容好．．．好明顯食得唔夠飽．．．於是我地再叫咗個炸銀絲卷，唔知係咪即叫即做呢，都等咗成十分鐘不過出到嚟非常熱、幾油吓、但好脆、好味總括嚟講：呢間嘢“可能”會再有下一次

六時多有D餓就搵下有咩好食~見到呢間門面睇落都OK, 入去試下, 老闆好熱情咁招呼, 有D怕怕~佢呢度既鎮江肴肉, 比起我平時食開既肴肉有D唔同, 比較有咬口, 味道唔會好咸。

回窩肉炒年糕, 分量都唔少, 23個人食都得, 而且唔會只有年糕冇晒回窩肉, 材料平均。

好味!炸銀絲卷, 炸得剛剛好, 外脆內軟, 正!老闆極力推介, 清炒草頭, 外型似豆苗, 但食落好唔同, 比較爽口, 有青草味, 都唔錯既。

睇番我對上寫呢間嘅食評，原來已經一年半了！原本想去銀杏館，點知就勁多人等位，我地等咗十五分鐘之後都仲未見有人走，所以我地就轉戰醉江南。

但觀感跟上次一樣，還是貴且有味精。

兩個人叫了五香牛肉麵、小籠包、薺菜肉錕飩。

埋單$90，可不算便宜。

最能保持水準的還是薺菜肉錕飩。

一碗八隻。

隻隻都很飽滿。

薺菜味道獨特，也很清，菜比肉多。

皮是京式較厚的那種。

五香牛肉麵，牛肉跟麵分開上。

麵質地不錯，不會糊口；湯淡如水。

五香牛肉即牛，凍的，望落去好乾吓。

面頭淋上充滿味精的醬汁。

小籠包最不濟，一籠五隻，只有一隻是沒穿的。

其餘的上枱時已穿，個窿仲要幾大吓。

沒有穿的那隻，內裡是有湯汁的，但不算一湧而出。

外皮質地怪怪，外皮竟帶點韌度。

如無必要，也不會再來。

3個人，叫左麻婆豆腐,糖醋排骨,苟王膳糊及小籠包，麻婆豆腐同糖醋排骨都ok。

我本人都唔係咁怕腥味架啦，不過個膳糊就腥到食唔到(係同時間3個人都食唔到)。

於是我地就同個老闆講，話個膳糊點解會咁腥，於是老闆就入左廚房攪左一大輪，我地3個人都諗住佢會換過碟或者叫我地叫過第2樣野啦，點知佢出返黎就同我地講話唔好意思可能d膳太新鮮咁就行開左，我地3人登時o晒咀，唔知講乜好，我地醒一醒之後就話唔通我地咁多年食個d匝膳都係雪藏架，燥晒。

埋單仲要一人90元，發誓以後唔會再去。

醉江南餐單提供滬菜, 上海, 中菜館等推介美食位於太子區，餐廳座位數20人均消費約$50以下，結賬可以用現金。

您對於太子餐廳「醉江南」有何 comment？

醉江南餐廳詳細資料：

• 醉江南地址:
  太子西洋菜北街157A號地舖
  醉江南, G/ F,157 Asai Yeung Choi Street North, Prince Edward
• 醉江南電話:  
• 醉江南價錢: $50以下
• 分類: 滬菜, 上海, 中菜館
• 座位: 20
• 付款: 現金
• FB專頁: 醉江南 Facebook

更多醉江南相關資料:

• 醉江南分店
• Youtube
• Facebook
• Twitter
• Google