火玲瓏 太子

火玲瓏 評價 相片

一向好食就寫好，一唔好食就寫唔好，有嗰句講嗰句😛好推介大家嚟食，老細唔鍾意玩OpenRice 呢d,這兒都係做熟客。

我這幾年間唔中都有喺度食，食咗咁多次都覺得態度好好啦！同埋都好好傾！而且嘢食好食呀！呢度都好多啤酒揀！有黑啤，有支裝hogarden有藍妹等等⋯仲有我最鍾意浸左幾年嘅陳年酒😍😍😍如果識得欣賞二鍋頭嘅朋友真係唔好錯過！有兩款味道！酒～～～～酒～～～～～酒～～～～1.杞子釀二鍋頭2.檸檬讓二鍋頭我個人就鍾意檸檬多啲，香，清！朋友就話鍾意杞子因為夠濃郁。

識飲一定要係聞咗先飲🤣勁香，老細之前講過浸左咁耐大約60度左右啦！慢慢飲OK嘅！但唔撞得酒嘅朋友就唔好溝啤酒啦！會俾齊細個杯仔慢慢飲～😍好爽皮啊！香辣蝦真係好香大約有八隻左右啦！雞煲都好食呀有得揀辣度同埋麻辣度～仲可以加餸添我加咗椰菜花有啲菜食～～❤️🤘🏻同埋呢度價錢唔貴呀！我自己覺得算抵食啦兩個人埋單都係$400，（有兩個餸又有兩碗白飯又有酒，）然後我買咗支大嘅二鍋頭返屋企$200呀～抵飲過喺餐廳呀！呢度星期五六會多人啲要打電話嚟book同埋平日嘅話呢老細要新鮮先會煮㗎！👍所以要早兩日打電話落嚟訂定了啲乜嘢囉！例如蟹、花螺、等海鮮嘢要訂～

聖誕節真係俾左個勁大嘅驚喜咯，咁多年黎真係冇食過咁X極品嘅食物！嗌左三個餸，三個白飯，一個酸辣粉五百幾. 如果有一個餸冇問題我都唔會寫呢條評論！第一 小炒肉 鹹到我以為喺度食緊鹽 第二 個四季豆係完完全全燶㗎！！ 我都好想問 一個燶嘅食品係點樣可以出到俾客第三 麻辣雞煲 明明寫左洋蔥敏感走洋蔥 都可以當睇唔到 一樣加左落去 呢樣都算了 講到明係麻辣 又唔麻又唔辣 同白灼雞冇咩分別咯 到白飯啦 真係覺得今晚最好食嘅係白飯 不過 三個白飯 每一兜都係唔同份量 兜兜都係得外賣盒嘅一半最後酸辣粉我都唔知自己係咪食緊油粉 油仲多過湯 最經典嘅係 我竟然食到一舊鹽 完完整整嘅一舊！！真係冇下次 聖誕節好好嘅心情就咁樣玩完

第一次食倒嘀甘難食嘅野食。

難食到吾識講。

D嘀相系已經我哋吾食，剩低嘅D。

嘀菜睇真D，都係燶咗嘎，最搞笑個系，叫佐三個白飯，三個分量都吾同，差距仲有D大，叫個麻辣雞煲，淡而無味。

呢间鋪無下次。

疫情晚市重開至晚上9點，急不及待出去食好西，朋友原來四川人所大以介紹食川菜。

起初擔心食物好辣，自己本身唔能夠食太辣，點咗好多前菜不過唔記得影相，主菜就點咗水煮魚，辣子雞丁同毛血旺。

味道一流，辣度因人而異，味道唔似坊間其他食店食完喉嚨會痛同麻到口腔一陣味。

食完一啖會想繼續食，辣而香，朋友都話有四川風味。

老闆老闆娘熱情招待尤其係老闆娘非常好客跟朋友用四川話傾得好開心。

細問之下所有菜式不含味精，唔怪之得一路食都唔駛飲嘢解辣。

極力推介

善忘嘅我忘記介紹上星期去食的那間好好味嘅四川菜🥰特別想介紹嗰支5x度嘅杞子酒老板娘自製😍真的好鬼正！為送酒當然叫左D小食，皮旦送酒正之外，蒜泥白肉就必定要試，因為他的蒜泥好特別☺️辣子雞也是必食，因為他們嘅雞丁醃得好入味👍🏻食川菜又點少得水煮魚🐟

火玲瓏餐單提供川菜, 四川, 中菜館等推介美食位於太子區，餐廳座位數60人均消費約$101-200，結賬可以用Visa,Master,AlipayHK,支付寶,現金,銀聯，Booking訂位可以電話致電 23969018 查詢。

您對於太子餐廳「火玲瓏」有何 comment？

火玲瓏餐廳詳細資料：

• 火玲瓏地址:
  太子基隆街30號地下
  火玲瓏, G/ F.,30 Ki Lung Street, Prince Edward
• 火玲瓏電話: 23969018
• 火玲瓏價錢: $101-200
• 分類: 川菜, 四川, 中菜館
• 座位: 60
• 付款: Visa,Master,AlipayHK,支付寶,現金,銀聯
• FB專頁: 火玲瓏 Facebook

更多火玲瓏相關資料:

• 火玲瓏分店
• Youtube
• Facebook
• Twitter
• Google