永興茶餐廳 太子

永興茶餐廳 評價 相片

打波前搵地方下午茶黎到呢間永興茶餐廳,對太子既茶記黎講都幾大間,出面放滿剛出爐既麵包十分多人買外賣,而入面係正常有卡位,有圓枱既茶餐廳隔局.食物方面都係一般常餐特餐碟頭飯之類食下午茶既我見到除左常餐之外, 仲有一個芝士鯪魚球,所以點黎試下,個餐包一杯野飲,菠蘿油同個鯪魚球, 奶茶都算幾滑,好香紅茶同奶味味,個人覺得只有舊式茶記既奶茶先會飲得下人, 菠蘿油上面既脆脆吾夠多同質感,咬落去連埋麵包比較林,雖然入面舊牛油夠凍,但味道只算正常芝士鯪魚球幾好味,出面茖麵粉炸到好脆而入面既鯪魚肉好足料,咬得出密度好高而由於俾出面層炸阻住溫度揮發,入面十分熱辣辣,而且每粒魚肉都會有一舊芝士喺入面,芝士半溶,配合鯪魚肉,正!值得一試

某日下午和友人走在太子彌敦道 的街上， 餓了就想找個地方食飯， 什麼 M記 / 扒王， 吃得多都悶， 倒不如走入這不起眼的茶餐廰試一試， 走了入去 好多人打機的、 傾計的、真正在吃東西的。

。

等了十分鐘終於有位了。

 我就叫了午餐D、 紅酒燴牛尾飯$38， 包湯及咖啡或茶。

羅宋湯、味道不是很濃，勝在有好多疏菜，不過飲落口就有d油的感覺。

紅酒燴牛尾飯、茶餐廰有紅酒牛尾已經係surprise! 的確食得出係有紅酒味，個汁好濃好好味，牛尾又夠淋又入味又夠香口，真係有d驚喜。

奶茶、味道上就比較太有茶喼味，我要下三包糖先可以飲落口。

當晚約咗朋友食飯，飯前想吃點小食，蛋撻加奶茶最理想。

５點幾，過曬下午茶，晚飯又未夠鐘，但康年爆滿，為有揾其它，永興好像也錯，過去年代，只會在永興吃燒臘飯、雲吞牛腩麵，今次要食蛋撻加奶茶。

永興在彌敦道，但算就腳，５點幾鐘..78成滿，由於人客多，侍應服務態度也非常好，有禮貌。

有兩個少男剛到，原本安排卡位，但想鬆動一點要坐6人枱，侍應除即安排，像其它歺廳，要留大枱給"未來客人"，"未來"都吾知"來吾來"。

蛋撻 酥皮鬆脆，超熱，蛋滑而甜味適中，中上品質熱奶茶 要等...食完撻先到，茶色較紅，但茶味太濃...只能說中規中矩

入到黎見到好多人,D野食好似幾好味,2個人坐低見到旁邊貼住呢張相,好似好新鮮,叫左一煲'紅酒湯底'2份食,夠晒味道,好香,但又唔會好似其他雞煲太過濃味,飲落D湯同亞媽煲既雞湯咁甜而不膩,我地加咗雲吞,同炸魚皮,伙記話雲吞係佢地自己包既,特別爽口彈牙,好!都唔錯丫!炸魚皮就好香好脆口.

响太子幫襯過永興茶餐廳幾次了， 評語一定係唔錯，事關佢啲野食對板、好味。

小炒講賣相不及洒家，但質量味道也不錯 咸魚肉餅肉餅內好多豬肉，感覺 Heavy ；但肉餅新鮮好夠味，咸魚超香，正！送飯一流。

芥蘭炒肉片肉片超乎想像的新鮮同入味，芥蘭爽口，交足貨！真係要試！支竹炆班塊份量十足唔講得笑，配料有支竹、雜菇、洋葱同大大件嘅班塊。

汁稀杰度剛剛好，班塊又係熱辣辣好正，係先炸香再落汁煮，一樣交足貨，支竹及雜菇亦都好味。

火煵炆豆腐這味弄得太油膩了，因為火煵比較多肥糕關係，而部份肉質亦比較鞋。

豆腐比較好，新鮮大大件，味可以。

今次火煵炆豆腐、咸魚肉餅比較油膩了，要扣分呀！

永興茶餐廳餐單提供港式, 粉麵, 米線, 茶餐廳, 冰室等推介美食位於太子區，餐廳座位數未知人均消費約$50以下，結賬可以用現金。

您對於太子餐廳「永興茶餐廳」有何 comment？

永興茶餐廳餐廳詳細資料：

• 永興茶餐廳地址:
  太子彌敦道780-782號A&B舖
  Wing Hing Cafe, Shop A& B,780-782 Nathan Rd,, Prince Edward
• 永興茶餐廳電話:  
• 永興茶餐廳價錢: $50以下
• 分類: 港式, 粉麵, 米線, 茶餐廳, 冰室
• 座位: 未知
• 付款: 現金
• FB專頁: 永興茶餐廳 Facebook

更多永興茶餐廳相關資料:

• 永興茶餐廳分店
• Youtube
• Facebook
• Twitter
• Google