投鮮食 太子

投鮮食 評價 相片

今日行花園街買啲嘢，咁岩見到呢間小店。

其實真係唔多起眼，小店係去Moko電梯嘅旁邊。

反正打算買外賣回家食，見佢唔太貴，所以就試下。

餐牌種類唔算勁多，但食物都好吸引。

主菜，小食，飲品都俱全。

小店係開放式廚房，全部食物即點即做！店員仲pack得又靚又整齊，感覺好食又高級😂蟹肉忌廉薯餅：材料混合後即炸，入口好香又滑，不過就食唔到蟹肉，應該係混合左一齊。

配合埋個蛋黃醬，好食✌🏻鰻魚炒飯：呢個炒飯好好食！店家用左珍珠米，飯QQ軟熟。

用鰻魚汁去煮去炒，味道好香濃。

鰻魚切左一粒粒，每啖都食到鰻魚。

加左小小雜豆去炒，又唔會大量雜豆，小小啱啱好。

飯嘅上面加左魚籽，拌勻後食落脆卜卜，好夾芝士安格斯漢堡:漢堡配薯條🍟沙律，安格斯牛牛🐮，見住店員去煎，加埋生菜蕃茄夾埋一齊，好大個！不過牛牛無肉汁咇出嚟，但好香牛味又大塊。

一啖唔可以食哂咁多層😂薯條係有皮粗薯條🍟，應該係原隻薯仔🥔切開一條條去炸，好食！沙律加左胡麻醬，沙律菜都好新鮮脆口，食完邪惡食物，感覺可以消濟一下😆雙重朱古力粗沙呢杯嘢飲真係好邪惡！朱古力味特濃，加埋入口一粒粒嘅朱古力粒，真係好肥餐廳細細，食物質素都幾好，價錢合理唔貴。

2個人買回家食，作為晚餐外賣不錯👍🏻

近期lunch主要都係食外賣自取，如果想食日式外賣便當，其實選擇實在不多，就算食連鎖超級市場果d，帶到反屋企，d飯都已經又凍又硬，吾好食啦。

今日就竟然試到間好食夾大件既外賣小店<投鮮食>!!~外賣飯盒同飲品，包裝得好乾淨衛生。

飲品要左焦糖幼沙(跟餐加$18)，係非常幼滑既焦糖味幼沙冰，入口夠曬冰凍，好細滑同creamy, 有少少似焦糖味既smoothie,非常好飲!!逢12~5pm惠顧午餐任何主食,仲送多一杯蜜桃茶，入口清甜清新，而且都好大杯，抵飲吖!!<蒲燒鰻魚飯 $56>一打開個飯盒，就見到好大條原條蒲燒鰻魚啦!!~鰻魚肉都幾厚，而且魚肉入口都好彈牙，多肉少骨，鰻魚汁甜甜地，非常惹味，撈埋日本珍珠米飯一齊食，仲配埋吾少蔬菜，非常好味吖!!大推!!~<日本沖繩雙重和牛飯 $53>和牛飯份量好多，有好多和牛肉同牛柳粒，牛肉好有牛肉味，輕煎已經好好食，牛柳粒好淋好juicy, 絕對係食肉獸最愛!!~小食我地order左蟹肉忌廉薯餅，吉列炸蝦，炸蟹鉗，全部都係即叫即炸，炸得金金黃黃，入口非常香脆，極度邪惡不過我地都全部食曬。

特別推介蟹肉忌廉薯餅，外面炸得勁脆，入面係啖啖忌廉蟹肉，超級好食!!絕對係必食之選!! <Air Fresh> ,下次外賣一定會再來吖!!~

趁有時間便好好執屋，就發現借了朋友的夏威夷結他一直未還.....雖然唔想周圍走，但「有借有還，再借不難」，所以專登走出太子歸還。

真係好耐好耐沒有出去油尖旺一帶，既然出開去，當然趁機覓食，但仍然不太想堂食，還是買外賣安心一點，正巧遇這間外賣店。

門外有張枱櫈和擺放了一些大餐牌，而內裏一邊是半開放式廚房，另一邊就寄賣一些零食和現在很需要的清潔衞生用品，地方雖小，但對於外賣就關係不大。

看看兩大張餐牌，有四大系列，分別有「小食湯品空投」、「下午茶」和「特調飲品」，另外門口還寫有「廚師精選空投」。

**********************下午茶由2:30pm5:30pm，贈送一杯300ml 飲品，剛好趕得上。

選了一客照燒雞扒凱撒沙律 Caesar Salad with Chicken （$45），份量好足。

新鮮爽脆的羅馬生菜拌入香脆的多士粒、鹹香脆口的煙肉乾，再灑上鹹香的芝士粉， 而凱撒沙律醬緊緊沾在各食材上，份量合宜，不失羅馬生菜的清新感。

烤雞燒至表面帶點金黃，肉質紮實，但絕不嚡口，又一點也不肥膩，美味可口。

飲品就揀了杯限量女性健康飲品（原價$30），即是什麼？是日為粉紅檸檬碟豆花，都幾特別，紫紅色賣相，幾靚喎！入口冰涼，味道酸酸甜甜，好醒胃。

據網上資料所得，碟豆花具抗氧化、美顏、紓緩眼睛疲勞等效用，難怪是女性健康飲品。

**********************作為晚餐，一份下午茶餐又點足夠？在多款「小食湯品空投」中，魚痴必點A+蒲燒鰻魚Grilled Eel ($30)，唔止鰻魚咁簡單，仲配雙式菜花，真係又健康又抵食，讚！西蘭花和椰菜花都弄得合時，保持爽口，索了鰻魚的燒汁，更添美味！鰻魚已分成四大件，每件都金黃，沾滿鰻魚醬汁，鹹香帶甜， 烹調入味。

雖算不上肉厚肥美，但嫩滑中帶些柔韌，口感不錯，喜歡！**********************再來一隻溫泉蛋Japanese Softboiled Egg($8)，外內同樣靚仔。

先輕輕把其手弄開，鮮黃色的蛋黃緩緩流出，流心狀佳！不論蛋白和蛋黃都黏滑兼滿有蛋香，再連同甜甜地湯汁和青香的蔥花吃，更好吃!老實說，我一向很少外賣，一係外出吃，一係就留家自家煮。

因今次疫情的關係，多了外賣，就讓我發現外賣的樂趣....安在家中就有得吃，不用煮不用洗，方便快捷，同時也可欣賞到不同外賣盒的設計，不過另一方面卻有點內疚.....雖已走飲管餐具，但環保起見還自備餐盒更理想。

<投鮮食 出色既小食店>😈太子呢間投鮮食 細細間店鋪 只有靠牆少少位置 主要都係做外賣生意 雖然細鋪 但食物選擇都多 有熱狗 飯 烏冬 各式小食 炸野等應有盡有 而且製作用心 值得黎打下卡幫襯👍🏻🍴意式蜂蜜薯條 35 蚊🥔大大兜薯條 佢係比較粗身 焗出黎 特點係偏淋 但薯味好香濃同有口感 上面嗰種蜂蜜醬係比較蜜度高同黏稠 帶有少少甜香🍯食落幾有口感 同淋口感既薯條好 match 👍🏻🍴咖喱吉列豬扒烏冬🐷 55 蚊 加温泉蛋 5 蚊🥚本身豬扒以防淋就分開上， 豬扒炸得好香脆 吉列味夠香 烏冬係用左日本烏冬 十分 q彈🍜 佢既咖喱汁好香濃 基本上蓋過左成個湯 係日本既甜咖喱黎 最邪惡係有幾塊好入味既軟腐皮 😈再加5 蚊既溏心蛋流哂蛋汁 夠香滑 撈埋咖喱汁正🥔🍴鰻魚炒飯 50 蚊🐟🍚大大碟鰻魚炒飯，雖然鰻魚切碎左 但食得出佢外皮幾爽彈 魚肉都有咬口同 juicy 🔥燒得唔錯 跟住佢既飯粒分明 口感煙靭 撈埋 甜粟米 🌽 三色椒 最正有魚子 令到飯食落更有層次感 一 d都唔膩 好食推介😆🍴牛奶抹茶幼沙 18 蚊❄️抹茶幼沙 同名一樣佢既冰係整得幾碎同淋身 夠冰凍同有口感👍🏻綠茶味甜度適中 飲落帶 d奶既香滑味都十分唔錯🥛Score 平均分 <7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻~~~~~~~~~~~~~#投鮮食 太子弼街75 至77 號鴻德大廈地下 a鋪~~~~~~~~~~~~

餐廳用上各國盛產既食材，例如日本和牛，韓國泡菜等，製作多款餸菜。

各個時段都有唔同set可以選擇。

叫左晚航特投set($90)，有1個主食，3款小食、1個飲品。

再叫鰻魚炒飯(特上空投)($50)，主食加配特調飲品(+$18)。

主食雙重和牛飯有大量和牛厚粒、和牛牛肉片，可以雙重享受和牛既油香及濃郁既牛肉味。

燒完之後，和牛冇變韌，仲keep住d肉汁。

而且有大量西蘭花、椰菜花，添加色彩之餘，仲好健康。

d飯吸哂牛肉汁同肉味，配飯一流，飯量亦唔少。

3款小食分別有蟹肉忌廉薯餅、吉列炸蟹鉗、北海道原隻吉列炸蝦。

吉列炸蝦炸粉皮薄薄一層，蝦肉結實。

蟹肉忌廉薯餅有驚喜，蟹肉鮮甜，混合忌廉打成團狀再炸，口感幼滑，一咬就好似流心咁d餡湧哂出黎，重點係一d都唔膩，仲好脆身。

而炸蟹鉗既蟹肉部份大大粒，肉結實，就算過左一陣先食，依然脆，外皮冇變軟。

除左dinner set豐富之外，鰻魚炒飯好值得叫黎食。

加入大量鰻魚厚粒、紫菜絲一齊炒，每粒飯都沾上燒汁，而且炒到粒粒分明。

面頭仲灑上好多蟹籽，啖啖都食到。

而且份量好大盒，好飽肚，好難得食到咁足料既鰻魚炒飯。

牛奶抹茶幼沙將冰粒打到變幼沙，第一啖飲落口，竟然出奇地有好濃烈既抹茶味，好驚喜，而且牛奶味重，甜度適中，一流。

手調氣泡既荔枝味重，唔會假甜，而且一大杯。

整體，好有誠意製作食物既店鋪，由主食到小食都做得好出色，重點係用料十足。

投鮮食餐單提供多國菜等推介美食位於太子區，餐廳座位數未知人均消費約$50以下，結賬可以用AlipayHK,支付寶,現金,八達通，Booking訂位可以電話致電 37058753 查詢。

您對於太子餐廳「投鮮食」有何 comment？

投鮮食餐廳詳細資料：

• 投鮮食地址:
  太子弼街75-77號鴻德大廈地下A號舖
  Air Fresh, Shop A, G/ F, Hung Tak Building,75-77 Bute Street, Prince Edward
• 投鮮食電話: 37058753
• 投鮮食價錢: $50以下
• 分類: 多國菜
• 座位: 未知
• 付款: AlipayHK,支付寶,現金,八達通
• FB專頁: 投鮮食 Facebook

更多投鮮食相關資料:

• 投鮮食分店
• Youtube
• Facebook
• Twitter
• Google