寶益泰國菜館 太子

寶益泰國菜館 評價 相片

有日行過見到門口貼住一張"泰式粉麵下午茶"！今日又經過，入去試下啦！單餸粉麵連野飲唔駛＄30! 真係好抵！檬粉公仔麵都可以揀唔駛加錢！連湯底都可以揀！又係唔駛加錢！真係讚呀！我就揀左豬頸肉冬陰公檬粉湯！配凍青檸水！咁岩今次坐係廚房隔離，見佢地都好親力親為。

廚房出左個粉，外面職員就加一加花奶先上檯。

個冬陰公超正！同平時晚市既冬陰公一樣味，唔會因為下午茶而變得浠左！豬頸肉都有五六片，明顯係燒過而唔係普通煮熟先放入碗，好香好好食！

今日有長少少既lunch time, 就行遠少少睇下有D咩新野食啦。

原本今日想食米線類，但係又八八掛掛，行過對面街睇下。

。

睇門口餐牌，咁平既？太子區居然唔駛＄40有份LUNCH！仲包野飲？！望一望入面，都有食客食緊，應該冇中伏掛！原本唔想食海南雞，因為前幾日先係第二間食完。

。

好似唔係咁好。

不過，比較下都好無防丫。

。

(女人真係煩)野食黎左，黃油飯熱辣辣，乾身，微咸，幾好食！雞就雞皮好肥厚，不過我唔食雞皮既，冇乜影響。

雞肉好厚實，冇骨，有雞味，讚！辣汁挺刺激，好食！撈埋飯剛剛好。

青紅羅白湯，都OK！老細問我飲咩，佢指指個餐牌，嘩！都多野飲揀喎！柑桔蜜都唔駛加錢！就算其他要加錢既都好reasonable丫！太子區又多左個好食既飯堂選擇啦～

先前試海南雞飯午市套餐，有冬瓜例湯和飲品，以＄37的價錢，算扺食。

飯和餸量都不少；如果是胃口細的話，可要求減飯的。

油飯軟糯，雞皮爽肉滑(無骨)，沾雞的醬味道很特別，內添加了原粒豆的麵豉醬，比新加坡的海南雞沾醬更惹味，真是一試即愛上。

本來今天想延續食海南雞飯，但看到有菠蘿炒飯，想試試水準，所以叫了一客，雖然話係套餐，（不似集團快餐炒定先，熱住買）是即炒的，配料豐富（蝦，臘腸粒，腰果，肉鬆，菠蘿......等等)，加上用黃薑粉炒，新鮮香噴噴，買相吸引，令人讚賞！同行者叫了京都豬扒飯，買相和味道都很好。

結帳時問老闆，午市８款套餐是否天天轉款，回覆午餐餐單頭三款是招牌，所以不變，後面５款會有更換，因為進餐時見老闆不停接外賣電話，但卻不用說出餐單名，原來只要給電話號碼，老闆會每天APP餐單給客人，方便訂外賣，好細心，看見他們做外賣做到無停手。

不過如此美味扺食午餐，當然多人食喇！

今日經過基隆街見到依間叫寶益泰國菜館門外寫（午市快餐$37）即時入去試試，大家都知依家咩都貴，食個午餐起碼都$40幾起，見佢$37重要係泰國菜點都要試下，睇下有咩食。

掛住一隻隻泰式海南雞有8個餐揀都算多$37有海南雞飯，咖喱牛腩飯，鹵豬髀飯，扎肉金邊粉$32，濕炒牛河，香葉肉碎飯，醉貓炒一丁麵，蝦膏炒飯，重有湯同飲品飲品最後我揀左4號餐清湯扎肉金邊粉同凍青檸水$32重要凍飲超平。

試個湯先，飲落有雞味，米粉，扎肉出面有好多D扎肉冇黎味道，依間D扎肉好食，整體黎講平靚正，我一定再黎

之前已經食過lunch嘅鹵豬脾飯😍覺得好得，今次就同hubby食佢地嘅晚餐。

叫左生蝦，馬拉盞炒芥蘭，生菜包，鹽燒側魚，象啤，泰式凍奶茶。

生蝦新鮮彈牙有咬口芥蘭ok,唔會炒得過火個姐姐見到我地個生菜包食哂d生菜仲主動話俾多d生菜我地 側魚無腥味，軟熟有汁另外最欣賞佢個泰式凍奶茶，去泰國去到好似返鄉下嘅我，真係好掛住呢杯奶茶。

太餓掛住食完全唔記得映相共4佰蚊有找

寶益泰國菜館餐單提供泰國菜等推介美食位於太子區，餐廳座位數未知人均消費約$51-100，結賬可以用現金。

您對於太子餐廳「寶益泰國菜館」有何 comment？

寶益泰國菜館餐廳詳細資料：

• 寶益泰國菜館地址:
  太子基隆街15號地舖
  寶益泰國菜館, G/ F,15 Ki Lung Street, Prince Edward
• 寶益泰國菜館電話:  
• 寶益泰國菜館價錢: $51-100
• 分類: 泰國菜
• 座位: 未知
• 付款: 現金
• FB專頁: 寶益泰國菜館 Facebook

更多寶益泰國菜館相關資料:

• 寶益泰國菜館分店
• Youtube
• Facebook
• Twitter
• Google