原藝 太子

原藝 評價 相片

之前嘴刁朋友介紹大讚，12月拍拖結婚周年紀念聖誕月帶老婆同屋企人黎試下法國藍帶廚師既出品，老婆無咩好（比佢睇到我史緊🙊）好在為食咀刁得黎食到好野就笑到見牙唔見眼咩都唔記得book枱時，店員介紹有唔同set仲有限定野生藍龍蝦餐，但要預訂先有，膽粗粗就訂埋7點左右去到，見到店真係好”的色”得7個吧枱位，老婆都有d驚訝，不過好快就比店內瀰漫既海鮮湯味吸引左坐bar枱可能無咁舒適，但同老婆平時都鐘意坐隔籬方便挨住傾計，反而少面對面坐咁遠等左一陣先有野食黎，先黎前菜老婆係黑松露迷，實中意主菜又係至愛龍蝦昆布啫哩幾特別，似日式湯味道，蘇格蘭野生藍龍蝦沒有煮到全熟，係爽彈牙又嫩既口感，冷盤形式感覺fresh酥皮帶子溫泉蛋，酥皮鬆化，帶子又中老婆keywords😂番茄南瓜香煎三文魚呢個見到wow左聲，擺盤好靚，老婆話似幅風景畫，睇菜名以為普通野，原來除左靚仲出乎意料好味，個汁調得好perfect, 好light番茄南瓜汁有清新田園感覺唔會成口味精同茄膏，三文魚外脆內嫩，個汁好味到當湯飲晒仲想添（而家先發覺角度遮左塊魚，po埋咬剩一啖既三文魚😆）原來一入門既海鮮香味係煮緊黎緊呢樣法式龍蝦海鮮湯配小泡芙超級極度好好味，感覺好似飲左10隻龍蝦既精華，超香濃鮮甜滑👍🏻👍🏻👍🏻😋完勝出面大型高級西餐廳既羡汁假味龍蝦湯😋勁滿足！同老婆一齊心心眼😍😍😍淨係呢個湯，老婆已經非常欣賞我小泡芙一定要食，十分有驚喜又一個主菜加拿大豬鞍焦糖蘋果豬鞍烤得僅僅熟，還有點點粉嫩色，不會鞋口，焦糖蘋果不會甜，微微的酸解肉膩感很match朱古力蛋糕係唔凍既雪糕口感，仲有脆脆😌加埋超濃但清新既檸檬撻完美作結吃得出的細緻，不加多餘的調味，把食物原味發揮極致，就是藍帶廚師的初心吧服務不錯，唔洗加一都慳左一截

超推介！尤其係（排名分先後）溏心蛋燒飯團、燒芝士大啡菇、法式泡芙夾安格斯肉眼扒、帶子翠玉冷麵、燒雞肉串；但我唔推薦earl grey tea cake。

所有菜式都食得出廚師既用心。

調味做得好細膩，唔係求其用d甜醬豉油沙律醬撈埋，味道剛剛好。

燒飯團外層香脆，配上真·溏心蛋，食完我想即刻order多一個！大啡菇勁多汁，芝士份量絕不手軟。

翠玉冷麵有驚喜，燒雞肉鮮甜嫩滑。

泡芙牛肉仲夾住煎蛋，口感更豐富。

如果呢間餐廳開喺旺區，每款價錢會增加$1030吧？太子界限街、砵蘭街、大南街真係變咗好多，多咗好多西餐小店、cafe、bar... 下次要再嚟呢度試其他餐廳！😋講哂優點先，最後既earl grey tea cake 茶味出既，但texture 完全唔掂⋯ 該鬆軟既，佢太濕；該creamy 既，佢又太乾。

鋪頭好細，得6個位，所以成餐飯都聞到油煙。

不過我仲想嚟多次😝

只有六個座位的原藝， 都是吧枱的格局， 可以近距離欣賞到廚師工作😄 地方細小一個廚師，一個侍應 加 一個姐姐， 人少少 加上 柔和的燈光 感覺幾 warm.串燒牛脷, 芝士焗大啡菇 ~ 兩樣都燒得好香， 牛脷 juicy， 口感微爽。

啡菇覺得有點太濕， 菌類煮過後會産生更多鮮味物質🤗，飢詩比較喜歡燒乾一點的菇菌鮮味。

煎帶子配 Zucchini “麵”， zucchini切成幼條配上煎香的帶子感覺清新。

油封蕃茄， 廚師將 番茄的鮮味迫出來，帶出甜味，微酸， 很開胃的前菜，很讚 😋特級加拿大豬鞍配薯蓉 $168~ 豬鞍九成熟，微微粉紅， 保留了大部分肉汁， 肉質 幼嫩帶烤過的香氣， 薯蓉亦很creamy， 高水準之作 😚😚😚新西蘭羊鞍 $98/2 pc~ 這個比較酥， 朋友不愛吃太酥， 瘋狂點芥末 😂😂， 帶燒烤味， 個人覺得不太差， 可以再生一點😁， 調味帶甜 都是簡單的，吃出羊架原味 😄總括來說食物都是 沒太多花巧的裝飾及調味， 將食材最原本的美味帶給客人，我想是這位廚師的心意, 亦是保持初心的意境吧~ 😄😄飢Point : 8/10#hungermarch #飢詩 #非飢詩

聽同事講，太子有間食店，菜色很特別，個店主仲係法國藍帶學完藝返黎，叫我一定要試！藍帶學藝一直是我的夢想，反正今晚約左閨蜜傾計，就決定去呢度。

店內有6個座位，可以一路食，一路睇廚師煮野首先叫左杯（西班牙果酒），煮過嘅紅酒，配上新鮮水果，飲落有淡淡的玉桂味！其實平時我對玉桂味很抗拒！但放在這種酒配合得啱啱好，很想再飲多杯🍷過一陣就上（芝士啡菇）同（黑松露芝士聖女果）！黑松露控嘅我，超鍾意食😍一咬落去蕃茄度，就有香濃嘅黑松露味然後就到我非常之驚喜嘅食物（原藝法式鹹泡芙配安格斯肉眼扒）其實我平時最鍾意整甜品，但從來冇諗過泡芙可以咁食法！香脆嘅泡芙夾肉眼扒，好似漢堡包咁樣食，真係一個新嘗試😋最後的甜品（earl grey cake），這個蛋糕很有趣有basil 味，有不同層次感，適合慢慢感受。

今天嘗試左有質素，有誠意，同新穎嘅晚餐！年輕廚師果然創意無限！下次再帶朋友來食😋

門面靚唔靚同一間鋪頭吸唔吸引到人入去真係好大關係！ original art門面好靚，食過你就會知道，唔係淨係門面靚，佢啲食物都好靚！座位唔係好多，全部都係吧檯位，但勝在嬌小玲瓏！選擇都唔算好多但係每一樣嘢都做得好精緻！前菜揀咗虎蝦沙律長通粉同埋炸芝士。

冇見過咁細size嘅長通粉，都幾得意。

個沙律酸酸甜甜好開胃！ 炸芝士令人眼前一亮！好有咬口，煙煙韌韌，芝士味好濃厚，而且出面嗰層粉都唔會太厚。

冇諗到呢度竟然有串燒食！份量少少，但真心好好食！ 而且現場即烤都唔會成個餐廳都係嗰陣味！ 右手邊呢個菇真係冇得輸！勁juicy！ 啲芝士仲可以完全同個菇融合！我忍唔住encore左！仲有呢個燒蕃茄仔真心正！松露嘅味道唔會太重搶咗蕃茄！佢地互相配搭得非常之好！ 真心冇諗過呢兩樣嘢可以咁match! 哩個牛扒相對頭先上面嘅食物價位係貴咗少少，但食完就覺得佢真係完全物超所值！ 其實佢都只係好raw咁樣烤，但可能因為用料真係好上乘，所以好好食！ 我哋叫咗五成熟，岩岩好，肉質一啲都唔韌！ 最畫龍點睛嘅就係佢啲海鹽！唔單只係喺個牛到，仲係個薯蓉到！ 佢個薯蓉本身已經好smooth， 食落口嘅時候間中咬到一兩粒海鹽，完全提升咗去個口感！呢個泡芙上菜嘅時候我以為佢地上錯左，因為我一心諗住泡芙係日本嗰啲，係爭鮮食壽司之後幾粒甜食個d。

切開個泡芙之後發現入面有煎蛋牛肉，成件事即刻變得新奇咗 但個泡芙真係出其預料地好食！冇試過咁鹹食泡芙。

原來個種鬆鬆軟軟，小小脆嘅感覺，可以當包食㗎喎！ 未試過㗎你一定要試呢個！最後食咗好好味嘅蘋果批！ 同男朋友都好欣賞嘅就係，佢真係再批多層蘋果，令個批有新鮮嘅蘋果，再加埋焗熟咗既蘋果，兩種唔同嘅質感！然後再係上面放咗兩塊蘋果葉！完全睇得出嘅心思喺度ho sweet! 咁多好嘢食唔飲番杯酒簡直就係暴殮天物呀！ 果酒加串燒，成件事即刻high class左 係好用心整嘢食既餐廳！好適合情侶傾偈，靜靜地，食下野！真心推介！

原藝餐單提供法國菜, 西式, 烤肉, 串燒等推介美食位於太子區，餐廳座位數未知人均消費約$101-200，結賬可以用現金，Booking訂位可以電話致電 35719208 查詢。

您對於太子餐廳「原藝」有何 comment？

原藝餐廳詳細資料：

• 原藝地址:
  太子界限街23號地下A1號舖
  Original Art, Shop A1, G/ F,23 Boundary Street, Prince Edward
• 原藝電話: 35719208
• 原藝價錢: $101-200
• 分類: 法國菜, 西式, 烤肉, 串燒
• 座位: 未知
• 付款: 現金
• FB專頁: 原藝 Facebook

更多原藝相關資料:

• 原藝分店
• Youtube
• Facebook
• Twitter
• Google