三分俗氣 太子

三分俗氣 評價 相片

早幾日收工係太子得閒無野做，約埋二個朋友仔出來消夜啤啤佢吹吹水，朋友話佢個ＦＲＩＥＮＤ介紹一間食粵菜加川菜，幾特別，幾野味，咁咪是但去ＴＲＹ下啦，估唔到都有Ｄ驚喜前菜：蒜蓉拍青瓜加皮蛋青瓜幾爽脆，又有蒜味，皮蛋都係普通果Ｄ，不過都幾夾，都ＯＫ盛惠十個大洋養生燉湯：老黃瓜南北杏瘦肉都幾清甜，原來重加左蜜棗，佢話無加味精，不過飲完又真係唔覺口乾小菜：雪裡紅鳳亦球呢個好好味，抄過既雪菜加雞亦，重有少少辣，真係幾野味，Ｄ抄過既雪菜口感好似紫菜咁，重可以用來送飯食，真係幾特別，不得不試，之後用來送啤酒，都十分唔錯火焰辣根牛方肉呢個還可以，牛肉有咬口但唔會太韌，入口尚算鬆化，味道較濃，有香辣味，喜歡較濃味的朋友，可以一試將爆茄子鱔球煲朋友喜歡食辣，所以點呢個送，其實都唔係好辣，鱔球起左大骨，擔擔肉，將汁沒有將鱔的味道蓋過，如果鱔球可以煮乾身一點較好，這個算不錯豉椒抄花甲花甲新鮮大隻鮮甜，好好食，不過豉汁味道濃多一些便更加好，有待改進食到呢個時候，朋友睇電視對六合彩，嘩，中左四千幾，即時有人請食飯，想加碼整個抄蟹食，頂，ＳＯＬＤ　ＯＵＴ，依家先十點幾，真定假呀？朋友話胡椒炒蚧最出名，人地貼左出來啦，上報紙，我都見到啦，好在原來重有隻加菲蚧，好，食住先　　加菲蚧凍食個蓋同Ｄ膏幾好食，幾鮮味，不過Ｄ肉咸左Ｄ，送啤酒無咩所謂服務都OK，Ｄ碟見差不多滿就換，Ｄ阿姐幾好笑容，個收銀重幾靓女喎，哈哈，最後仲送左兩碗綠豆沙，少少甜，好好味　個朋友話下次再來試下個抄蚧，重話咁老like下次夾錢買六合彩再來對，可能又係馬會請客，哈哈大青島$18, 都OK平, 飲左好多, 計埋一人要百二左右啦

三分俗氣,七分谷氣!!昨晚我們一家7人到了這店吃,因綱上買了兩份超值二人套餐卷!!先坐下交出我有套餐卷給waiter..打印寫清楚為兩人套餐,數量2..就是這個十分簡淺也要計我們是1份2人餐...天呀..煩了半個鐘!!後大廚出來了解,不用30秒也決定了是2份餐..早點明白就好啦!!2位waiter重要說這說那,大庭廣比大廚話,才收咀!!!後來那waiter女士來講請我們到房去..早就要安排好啦,我坐底40分鐘才叫客轉房!!你地試過未!!這店有這服務!!

上次食完隔離既四哥雪花冰走既時候經過呢間見舖面痴晒唔同野食既相 覺得可以一試於是今日就黎左食 點知!坐落咩都未講就送上一碟蒜蓉拍青瓜好驚有菌啊!! 不過傻啦，好明顯唔會係來路貨;)而且青瓜凍冰冰幾好味然後姐姐自動幫我地開左壺茶，我心諗唔通得1種茶葉所以無得揀..?一路都無考究個茶壺裡面係咩不過一路食一路飲就開始諗，點解飲極都無茶葉阻住晒架呢？於是我開左個壺就發現，原來係茶包_ 當堂呆左，我寧願你唔好開茶喇咁_埋單時睇過張單，唔收茶錢，但前菜$10，再加10% service charge，what a trap man..食物方物，又係另一個trap_明明花雕焗蠔係寫係廚房門口果塊白板度既一般黎講呢塊白板上既食物 唔係售罄就即係新鮮抵食咁解佢無寫到售罄，但order既時候就話未番貨無得食，唉再叫三杯雞，同埋剁椒烤魚寫個烤魚又搞左一大輪，A主動去廚房confirm又有無番貨，但落落下唔識落（唔好問我點解），叫左B果黎，B又去廚房confirm有無番貨，今次真係有番，不過唔係鯇魚，係桂花魚，都好啦照order，我地叫左剁椒，佢話：唔辣架喎 咁..你想我點？我又唔鐘意麻辣辣到無左味覺，但你又話剁椒唔辣.. 搞左成10分鐘先落完單_ 仲要落完單轉個頭先講條魚既大邊（有分"全條"/"大邊"/"細邊"）貴左，$148變$168，因為呢排番d魚大條左，所以起左價，我問細邊幾錢，竟然無得叫細邊，但佢跟住又話大邊唔會好大，我地兩個都可以食得晒..咁即係算點..唉三杯雞上既時候姐姐幫我地淋d酒落去ja一ja佢好香~~ 不過雞件太少 呢兜野係價值$98..剁椒烤魚用火鍋兜上，開埋個火鍋爐熱住咁食其實個剁椒係辣既_ 同埋個湯太鹹 d鹽好似唔洗錢咁_用桂花魚都有一個好處，就係比鯇魚滑好多，用火鍋爐熱住都唔怕鞋，但就無鯇魚咁有"肉感"，始終都係喜歡用鯇魚煮巴蜀烤魚！全店樓面只有3位姐姐，其實都幾忙，不過服務態度幾好可能我大叫"d茶好熱呀~~"既時候俾佢地聽到佢主動問我要唔要冰水，哈哈我地話唔洗換lur骨碟佢都堅持幫我地換，話乾淨d!最後仲送左兩碗紅豆沙，少少甜，好好味廁所意料之外咁乾淨，抵讚!

這間名字有趣，其實與台灣某有名食肆同名的食店，經另一位食家 Yipyip88 推介過後，自己一直都想去試試，但始終未有往試，直到日前的某一天，才在晚上前往光顧。

去到的時候，時候尚早，所以即使沒有預訂座位，也能坐到寬闊的沙發卡座上。

這店子的裝修陳設其實只是普普通通，當中最搶眼的，要算是天花上的鳥籠燈飾和牆上報紙雜誌對這店的介紹文章。

這主打特色台川粵料理的新派中菜館，特色菜頗多，當中有不少都是別處難以找到的菜式。

在眾多新派的菜式中，這夜叫了 「檸香鳳梨雞」、 「堂啫通菜豬爽肉」和 「涼泮豆腐」來試菜。

主菜未到，原來要收$10一碟的餐前小吃 「蒜蓉拍青瓜」先行奉上。

這小吃味道一般，青瓜雖尚爽脆，蒜味不足，未算出色。

主菜接著陸續上桌，「涼泮豆腐」其實是自己在叫過兩道主菜後所加的一道開胃涼菜。

這豆腐加上碎粒的皮蛋和蒜蓉後，再淋上惹味滋味的醬汁，口感清新涼快，哪有不好吃之理！「堂啫通菜豬爽肉」以熱騰騰還在冒著白煙的鐵鍋上桌，新鮮度爆燈。

這菜的豬爽肉和通菜還算爽嫩，味道則不算特別好，只是不過不失而已，未能帶來驚喜。

而「檸香鳳梨雞」呢？則菠蘿味完全蓋過了檸檬味，雖也挺開胃的，但卻似乎與菜名有點名實不副。

這菜的雞件份量不太多，而且不夠嫩滑，勝在有不少新鮮的菠蘿粒作為點綴，提升自己對這道菜的一些好感。

至於招呼方面，這兒的樓面基本上只得兩位中年阿姐招呼客人，初時店內人客不多，其中一位招呼我們的阿姐雖像十分殷勤，但又有點過份熱情地向 我們推介這裡的菜式，使我好生不慣。

但到了後來，當店內的客人愈來愈多的時候，她和另一位阿姐又好像應接不暇，顯得有點忙亂，看來這兒的服務水平還有不少改善空間。

假如只以這次光顧所試的菜式，加上服務、價錢等方面來衡量，我只會給予這食店一個OK的評價。

不過，我也認同這兒的確有不少特別的菜式是我這次光顧不曾試過的。

也許下次我再來的話，所試到的菜式是既有特色，也美味的，使我要豎起大拇指讚好也說不定呢！

之前見團購廣告吹到好大,話d野食好好味, 所以購入一個2人餐,今晚去試..點知比預期差很多... 以後真係要睇多d野先買啦...唔係真係攞苦來辛..講返個二人餐先: 前菜: 四川子薑皮蛋....冇咗...原本以為是改咗青瓜條...點知係俾人呃咗...冇俾啦.. 養生燉湯兩盎 :木爪雪耳湯...清清地冇麥味..連d煲湯料都冇味... 川椒肉碎油麥菜: 冇油麥菜 改咗娃娃菜...水就一大碗..但菜得幾條..都唔見川椒...肉碎都冇條...只見幾條蝦乾....又冇味...娃娃菜又唔貴..點解得幾條 薑蔥怪味雞...D雞來到,又唔熱...又冇味...邊度有薑蔥...只有不知名醬料....仲有血...生生地...食完都驚會肚痛..個廣告話好好味...呃人既...結果剩低D都唔敢再食... 咸蛋蒸肉塔...最後催咗幾次先出現...點知一食就發現好咸...冇飯送真係食唔落...反而咸旦冇味...真奇怪.. 白飯...反而係最正常既...埋單時竟然見加咗個前菜....我個2人餐明明列明有前菜,我以為佢地又改咗啫...點知原來係俾人走咗..仲要俾多10蚊去食鍱冇味既青瓜食完都唔覺食咗d麥野落肚...2人餐..一個大男人去食都唔夠啦...搵苯....食物講完...講返個服務先...早幾日已打電話去訂位...準時去到,見到有卡位...通知侍應想坐卡位啦..見冇麥人都應該OK...點知男個位諗都唔諗又查都唔查吓,就話有人訂咗, 算數..當真係會有人訂咗...但安排坐近門口,又冇麥冷氣...結果一路食一路熱...其他有好多位wor...點解要咁安排...唔通用團購真係唔係客嗎...最衰就係..坐得幾個字.見有新客入來,d侍應想都唔想就叫人去坐卡位...人地都冇要求又唔似熟客..都冇訂位..一入來就可以坐卡位...真係差別待遇...離晒譜...勸籲各位人士,如果用團購去依間食野...真係諗清楚先好購入啦...唔係可能都會有一個一肚氣的經驗...去街邊食都好味同值過佢啦...黑仔...以後就算有人請都唔會再嚟...

三分俗氣餐單提供粵菜, 廣東, 川菜, 四川, 水煮菜式, 中菜館等推介美食位於太子區，餐廳座位數50人均消費約$101-200，結賬可以用Visa,Master,現金。

您對於太子餐廳「三分俗氣」有何 comment？

三分俗氣餐廳詳細資料：

• 三分俗氣地址:
  太子花園街211號地下
  三分俗氣, G/ F,211 Fa Yuen Street, Prince Edward
• 三分俗氣電話:  
• 三分俗氣價錢: $101-200
• 分類: 粵菜, 廣東, 川菜, 四川, 水煮菜式, 中菜館
• 座位: 50
• 付款: Visa,Master,現金
• FB專頁: 三分俗氣 Facebook

更多三分俗氣相關資料:

• 三分俗氣分店
• Youtube
• Facebook
• Twitter
• Google