Holland House Bistro & Bar 太子

Holland House Bistro & Bar 評價 相片

好多香港人都鍾愛食西餐, 但你有無食過荷蘭菜?近排太子開左間正宗荷蘭餐廳Holland House店主係荷蘭華僑, 主張用最傳統嘅方式將正宗嘅荷蘭菜帶俾大家<荷蘭小食拼盤(前)及Lemonade(後)>肥brown同朋友先食左份荷蘭小食拼盤小食拼盤裏面包括阿姆斯特丹迷你肉腸、炸哥達芝士同荷蘭特色香酥炸牛肉球, 全部都係荷蘭著名嘅街頭小食阿姆斯特丹迷你肉腸上高加咗啲洋蔥同蛋黃醬, 一啖食落口非常好食炸哥達芝士都唔錯, 口感紮實荷蘭特色香酥炸牛肉球有驚喜, 裏面係爆漿嘅配上味道天然嘅Lemonade, enjoy<煙燻艾瑟爾湖鰻魚>煙燻艾瑟爾湖鰻魚口感爽口, 煙熏味十足, 非常有特色但考慮到有啲人會怕腥味, 所以配埋生菜、酸瓜同車厘茄癖一癖味<燒大虎蝦>過咗冇耐, 我哋嘅燒大虎蝦終於上枱大虎蝦食落啖啖肉, 又香又彈牙<Kiwi Walk>聽講食燒烤類野食, 最啱配杯白酒, 呢杯清新微酸嘅Kiwi Walk就幾唔錯啦<美國安格斯肉眼排>食完海鮮當然要食肉啦呢份美國安格斯肉眼排比較瘦, 但非常juicy配菜仲有燒翠玉瓜同炸薯條<Barrancas Toso>食牛扒通常都要配紅酒, 呢枝阿根廷嘅紅酒Barrancas Toso味道濃厚, 充滿熱情啊

難得香港有荷蘭菜，放假走去試下味！個bitter ball可以話係全港最好味，原來係老細親手整，唔係supermarket買番黎ga！食得出濃濃嘅牛味！配啤酒perfect！🍺 個apple crumble tart 好香cinnamon味，配埋荷蘭嘅cream，完全唔會漏，平時麻麻地甜品嘅朋友都話正😋😋最後一定要介紹下呢度嘅Heineken,同其他地方飲嘅唔同味，原來呢度嘅係荷蘭入口，飲落去香好多，黎到一定要試下！老細好好人，好有心機介紹每一樣食物同酒，feel到佢對食物係好有要求！👍🏾👍🏾

有個荷蘭人成日話香港有間荷蘭餐廳好好食，仲好食過佢屋企嗰啲，講到咁就去試吓啦😂三點三下午茶時間，一坐低就有個型男招呼我地（原來係大廚！），因為嗰日天氣好凍，佢就提議我地飲碗蕃茄湯暖下身先，可能荷蘭男人特別貼心😂 之後點咗個Cold Cut Cheese Platter，全部野都好食冇伏！我最鍾意綠色果隻香草芝士，平時好少食到嫁，一邊食一邊玩風車🤣食下午茶點可以冇甜品？大廚問我地想食Cheesecake 定Apple Crumble，雖然兩樣都想食但已經飽了，所以揀咗Apple Crumble 🍎呢個真係不得了😭熱辣辣嘅蘋果蓉加埋廚師嘅秘製香料，離遠已經聞到陣陣蘋果香，配埋即打嘅鮮忌廉，食咗一啖已經停唔到口😳係專屬於冬日嘅幸福感覺💕同場加映：新年限定荷蘭傳統美食oliebollen 今年冇得返荷蘭過年都有得食🤣

A Dutch (Netherlands) Restaurant that is 9,721 KM away from home.The Holland House can easily compete with "the real deal" in the Netherlands. The owner genuinely wants to represent Dutch cuisine and knows how to make good quality food.If you want an Amazing Lunch/ Dinner. Ask for the Chef's recommendation

經過太子見到有間新餐廳開左，主打食正宗荷蘭菜，覺得好得意就入去試左～餐廳氣氛都幾好，感覺令人好想飲返杯店員介紹原來有由荷蘭直運嘅鋁樽裝喜力之前喺荷蘭都飲過，但喺香港就真係第一次見，好有驚喜鋁樽可以雪得比玻璃樽更凍，而且飲落比香港版喜力更香麥味同冇咁苦我地喺店員推薦下，叫左兩個前菜、一個湯、兩個主菜同一個甜品前菜：Bitter Balls 呢個係荷蘭知名小食，外皮嘅麵包糠炸到金黃色，一食係卜卜脆入面係流心，個餡主要係忌廉湯同d牛尾肉碎食落好香濃牛肉味，原來係因為d牛尾要浸湯三日先，難怪個味道咁出入面係流心架！！前菜：Seasonal Herring Fish呢道菜好特別，佢係將條魚生醃，之後雪至20度，中間亦要重覆煙3次而製成而且係季節限定架，要因應魚期去供應，好好彩我有機會食到上碟嘅時候係配洋蔥粒同酸瓜凍食嘅，魚肉質感好似日式刺身咁，好嫩滑坦白講，食之前係完全預計唔到佢係咩味，甚至怕會好腥好難食，所以食完真係好驚喜！店員推薦呢個魚要配白酒食，佢介紹左Marlborough比我地～飲落就比較濃番石榴味，而且冇咁dry同偏fruity嘅配埋個Herring Fish食，顯得味道好多層次，推薦大家要叫埋wine pairing湯：Green Pea Snert Soup 呢個係荷蘭家常湯，有d荷蘭人會煮一大碗當埋正餐食入面有好多材料，個湯底係攪拌來自荷蘭嘅乾同新鮮青豆，再加入豬蹄煲嘅湯煮成～入面仲有d豬蹄肉碎、麵包碎、煙燻腸同煙肉值得一讚係呢個湯完全冇青豆浸草腥味，取而代之係好香肉湯味，d麵包碎吸晒d湯好好味係一啲都唔平凡嘅荷蘭家鄉菜主菜：Oak Smoked Dutch Eel Fish呢道菜係見好特別先叫嘅～一食落去勁香煙燻味仲要鰻魚肉身比較爽，個人感覺好食過平時日本嗰d原來呢道菜係用橡木經過兩至三次煙燻而煮成，而鰻魚都係採用返荷蘭當地嘅品種真係食得出好有誠意去製作主菜：Grass Fed NZ Premium Lamb Racks 一共有四塊羊架～因為係用羊仔，所以食落唔太羶而且老闆好用心去整，四塊羊架要經過煎、焗、燒，三個步驟先上到台一切已經知羊架好嫩、好多汁特別要提係個特製蒜蓉醬，佢係由蒜蓉、cream、whisky同薄荷整成～食落好香好有層次，配埋羊架食係更惹味甜品：Mini Apple Crumble with Homemade Cream呢個係我人生中，暫時食過最好食嘅apple crumble一碟有兩個mini apple crumble，方便同人happy share～一放入口已經食到個酥皮嘅濃濃牛油味，但又唔會覺得油膩仲要個皮唔太厚，而且係酥脆～雖然係mini size，但入面係滿滿嘅蘋果餡，而個餡唔係死甜最正係加埋個老闆自製嘅忌廉，食落不但一啲膩嘅感覺都冇，仲有微微嘅甜味，真係超夾老闆仲教落要配咖啡食，因為可以中和apple crumble個甜味～P.S. 老闆係荷蘭長大再回流香港，所以d菜式都好正宗佢仲好好人，有咩問題都會細心解答我一定會再幫襯

Holland House Bistro & Bar餐單提供荷蘭菜, 多國菜, 酒, 扒房, 酒吧等推介美食位於太子區，餐廳座位數未知人均消費約$101-200，結賬可以用Visa,Master,現金,AE，Booking訂位可以電話致電 61606606 查詢。

您對於太子餐廳「Holland House Bistro & Bar」有何 comment？

Holland House Bistro & Bar餐廳詳細資料：

• Holland House Bistro & Bar地址:
  太子大南街27-31號富威閣地下3-4號舖
  Holland House Bistro &amp; Bar, Shop3-4, G/ F, Fortune Court,27-31 Tai Nan Street, Prince Edward
• Holland House Bistro & Bar電話: 61606606
• Holland House Bistro & Bar價錢: $101-200
• 分類: 荷蘭菜, 多國菜, 酒, 扒房, 酒吧
• 座位: 未知
• 付款: Visa,Master,現金,AE
• FB專頁: Holland House Bistro & Bar Facebook

更多Holland House Bistro & Bar相關資料:

• Holland House Bistro & Bar分店
• Youtube
• Facebook
• Twitter
• Google