Enjoy 果汁店 太子

Enjoy 果汁店 評價 相片

我成日去食TEA德國CHEESECAKE 好正! 芝士味濃又不太漏. 仲有心太軟也超正! 蘋果批絕不是MC 當當O個D, 仲有雪糕伴住. 我仲未試勻晒所有CAKE 款. 找天會再去.

一間小小的cafe，可給予一種好舒适的feeling，而且食物質素幾好，甜品配果汁也不錯。

估唔到太子區有這樣的cafe，當你去高一次自然會再去。

朋友介紹, 黎呢間cafe晚飯. 響太子區黎講, 呢度環境算好好. 可能我地成10點先去到, 有d菜式已經賣晒.四個人order左唔同的set dinner. 我個龍柳普普通通, 無乜特別; 另一位朋友既紅腰豆沙律都係. 不過其他兩個主菜都唔錯, 燒豬肋骨據報又腍又惹味; 另一位朋友點左肉醬千層麵, 竟然黎錯左焗什菜千層麵, 偷食左一啖, 好彩幾好味.可能就黎收工無乜客, 當晚serve我地既waiter哥哥仔非常友善健談, 搞到我地無乜時間自己傾計添, 真搞笑.總括黎講, 如果想係附近搵個靜少少的地方食飯傾計, 呢度都不失為一個選擇, 食物質素方面就唔好太大期望了.

惡耗接2連3的發生，首先是Enjoy，要入龍城做野，做還做都要醫肚，於是來到Enjoy食個lunch先。

地放唔大，放著大量的《飲食男女》同其他飲食雜誌，雖然幾有home feel,但以cafe計，卻少了分privacy。

Lunch得龍利柳、炸雞扒及紅酒牛柳，無理由食雪藏魚或炸雞，諗既功夫都慳返，一於叫牛柳。

見微知著，間cafe好唔好，睇佢有無心機做個包就知，蒜蓉包，外面硬實實，入面微暖但唔軟熟，而個蒜蓉牛油醬淡得要命，明顯係無心機交既行貨。

羅宋湯比個包中大件樹，菜味還菜味，湯味還湯味，個湯仲要淡同好似飲水咁，飲左1啖，都知好戲陸續有來．．．．．．50蚊左右的價錢，件牛柳都唔諗住會好得去邊，但誓估唔到比預期的差，無問要幾成熟，出到來係Well Well Done，奀得用叉篤落去都會彈轉頭，費了不少氣力才幹掉1件，紅酒醃過的牛柳，肉質唔見得嫩左，反而多了重酸味。

到最後杯咖啡，不過不失，飲完，咖啡味直落腸胃，沒半點留在味蕾上。

我同阿盈差不多每個禮拜都會去食既好店。

ENJOY 雖然叫做果汁店,但其實Tea set 同Dinner set 都好好食。

店子乾淨,服務很好,地方稍細但氣紛舒適(音樂多Jazz/Bossa nova, 放假感覺),食物亦很有水準。

價錢先幾位都提過,下午茶(6:30前)約$2x,晚餐每晚都有數個選擇, $78$96。

睇落有點貴,但係$96有主菜同頭盤,真係好足份量兼好味。

我同阿盈係黑洞就係老友都知,但去到叫$78+$96 印象中都無次清到場。

我先後試過佢地Dinner set 既烤羊膝, 西冷, 龍利柳, 都無乜邊次失望過。

印象中最好味果次係羊膝。

要彈既係個湯同飽,無特別,紅白真係純紅白咁滯,無乜'食送'料,以佢地食物既質素,個湯應該可以再做好。

甜點都好好味,除例牌野如NY/德國/檸檬芝士蛋糕之外,有Brulee,梳乎厘等等。

係個牛油蛋糕雖然味道唔錯,夠牛油味,但食過兩次都叮過龍實晒粉晒,我建議就咁凍上仲可能好,一唔係就焗爐焗吧。

果汁有好多料選擇,跟餐OK,單叫略貴。

整體而言,ENJOY 係我覺得好有HEART,好肯係食物質數同環境氣氛俾心機既食肆。

行開太子果頭絕對值得一試!!!

Enjoy 果汁店餐單提供港式, 台式飲品, 小食店等推介美食位於太子區，餐廳座位數未知人均消費約$50以下，結賬可以用現金。

您對於太子餐廳「Enjoy 果汁店」有何 comment？

Enjoy 果汁店餐廳詳細資料：

• Enjoy 果汁店地址:
  太子花園街232-242F地舖
  Enjoy, G/ F., Shop F,232-242 Fa Yuen St., Prince Edward
• Enjoy 果汁店電話:  
• Enjoy 果汁店價錢: $50以下
• 分類: 港式, 台式飲品, 小食店
• 座位: 未知
• 付款: 現金
• FB專頁: Enjoy 果汁店 Facebook

更多Enjoy 果汁店相關資料:

• Enjoy 果汁店分店
• Youtube
• Facebook
• Twitter
• Google