銀龍粉麵茶餐廳 太和

銀龍粉麵茶餐廳 評價 相片

日日叫外賣，二人晚餐還好，送小菜一個。

可惜聽電話女士態度奇差，叫外賣比人鬧禁！連我媽媽講慢小小都比佢大叫，明明佢講錯外賣提佢仲鬧返人，不止一次，食物還可以但禁既態度遲早幫銀龍倒米。

老公講過好多次呢間啲嘢唔好食，我係唔信，點都要親身試一次；簡咗位坐底就水都冇一杯就即刻有位姐姐企定定喺隔離等我落單，我話轉頭落單，我睇咗一陣再叫人嚟，今次係個肥叔叔，四萬咁嘅口問我想食咩，都係水都冇杯俾我，少少哋就試吓個下午茶，叫咗個XO醬金菇肥牛炒烏東下午茶餐，再加$6叫咗杯凍檸賓少冰；凍檸賓講明少冰，就同正常冰冇分別，即刻叫肥叔攞個杯仔俾我，又係四萬咁口攞嚟，拔咗細半杯冰出嚟，淨返大半杯檸賓飲；仲話係咪蹝嘢食店，真係配咩？！等一陣好快就有XO醬金菇肥牛炒烏東食，係我自己要走韮走蔥，所以成碟嘢都係黑墨墨嘅豉油色，香味就當然只有豉油香，完全冇XO香味，食落更加冇XO味，加幾辣椒絲就話會辣，辣都唔辣下，只得個咸字，仲話係少鹽少糖食店，真係一啲都唔配。

肥牛份量一般，但金菇得一兩條，想搵多條都冇，烏東麵質太淋，如果炒嘅就唔應該太淋。

整體嘢食唔值得再食，水吧先生沖嘢飲沖得太麻木喇，多啲留意火記寫客人嘅要求，樓面員工服務非常好，識對客人笑，只要記得客人入坐時係唔係都整杯水先實冇死。

一間餐廳最緊要係啲嘢好食，有幾好嘅服務都係唔會發揮得到，有幾近民居都係冇用，啲嘢唔好食永遠都唔會有回頭客。

曾經試過呢間連鎖茶餐廳嘅炒粉麵同小菜，街坊質素中規中矩。

但今次食茶餐好明顯係錯誤選擇。

兩份奄列水準大不同，一份ok，一份炒到上左年紀，好在有蛋香。

牛角包似去便利店買完叮熱水準，加埋份奄列勉強合格。

沙爹牛肉麵 沙爹牛肉唔夠花生香，普通。

麵質好差，大多數茶記已經改善即食麵質素嘅環境底下，仲用以前有如批發「大x麵」質素嘅即食麵，失敗！豬骨湯天然豬肉煲意粉 個名.....唉.....湯底似用心煲嘅豬骨湯嘅，豬肉材料應該不俗，濃肉味，但鞋口；意粉太硬，呢個新產品唔掂....奶茶算係保持水準兼中上評分，茶味濃郁，而且質感黏口，唔錯。

其實餐廳各種菜色套餐都會時不時轉變一下，亦常有新口味推出，中式出品較合乎茶記標準，證明老板係有心經營。

但廚房水準同新產品吸引力唔穩定，價錢唔平，員工唔熟悉公司新產品、宣傳、不顧及食客的態度，真係有待改善。

冇歺紙！要求俾2蚊，先有歺紙！！冇水提供！！就嚟🔪叉都收＄啦係咪撈得好唔掂，係就执咗佢俾人啲做啦！！價就年年加，件牛角包🥐就一年比一年細件！啲嘢食就冇厘特色！

【濕滑的四寶河】$45 真的有點貴, 軟軟的河粉, 不夠彈牙的魚蛋香港人公事繁忙, 作為奴工的我們每天都要為3餐勞動,  然後, 上午茶吃什麼? 又不想太熱氣,  【可能是有點貴的下午茶, 四寶河餐上線了 】四寶河由長條形的粉組成, 白烚, 魚蛋是比較圓的, 裡面沒有菜, 沒有蕃茄,少少的四寶 魚蛋魚皮交 (才5顆), 菜肉都不夠, 再配以香港人最喜愛的 凍檸檬茶,  香濃的紅茶味,  面有幾片薄薄的檸檬, 完全沒有感覺到檸檬味, 味道超淡, 完全吃不了味道的.   最重要是, 上餐快, 也鄰近地鐵站, 方便上班族.

銀龍粉麵茶餐廳餐單提供港式, 茶餐廳, 冰室, 咪嘥嘢食店, 少鹽少糖食店等推介美食位於太和區，餐廳座位數未知人均消費約$51-100，結賬可以用現金，Booking訂位可以電話致電 25620001 查詢。

您對於太和餐廳「銀龍粉麵茶餐廳」有何 comment？

銀龍粉麵茶餐廳餐廳詳細資料：

• 銀龍粉麵茶餐廳地址:
  太和大埔太和路12號太和邨愛和樓2座地下107-109號舖
  Ngan Lung Restaurant, Shop107-109, G/ F, Block2 Oi Wo House, Tai Wo Estate,12 Tai Po Tai Wo Road, Tai Wo
• 銀龍粉麵茶餐廳電話: 25620001
• 銀龍粉麵茶餐廳價錢: $51-100
• 分類: 港式, 茶餐廳, 冰室, 咪嘥嘢食店, 少鹽少糖食店
• 座位: 未知
• 付款: 現金
• FB專頁: 銀龍粉麵茶餐廳 Facebook

更多銀龍粉麵茶餐廳相關資料:

• 銀龍粉麵茶餐廳分店
• Youtube
• Facebook
• Twitter
• Google