永勝茶餐廳 太和

永勝茶餐廳 評價 相片

叫個下午茶雞脾沙律，等左30分鐘， 我屋企人食曬，隔離台都到左，我早過隔離叫，我都未有。

我問佢，佢話整緊沙律，之後走黎同我講沙律既青瓜壞左wor ，大佬等左30分鐘，我問你，你話整緊，跟住話青瓜酸左壞左，點解你唔早d講。

搞錯。

樓面個啊姐勁無禮貌，係度大大叫話個客發脾氣，大佬啊，你甘既態度，邊個頂得順，客又唔多，坐唔滿，但上野甘慢，完全中曬伏。

永久black list ，祝早日執笠。

想點錢買難受既，可以一試

突然好想食茶記想焗意粉, 行經呢面見到呢間茶記最地mou, 我估佢D 意粉應該都唔錯, 於是乎就入左黎啦~估唔到仲有例湯送, 個湯仲要係冇味精,同埋都好足料!!!!!!!!!!!!!!! 黎到最想食既意粉,我叫左白汁焗豬意, 勁多塊豬, 最後我連D 意粉都食唔哂~題外話: 佢D 檸茶都沖得唔錯~~

途經上址, 肚子餓, 便入去吃晚飯 ~揚州炒飯 $38有圖有真相, 飯是未炒得均勻的, 也不夠熱, 叉燒粒很乾硬, 蝦仁重雪氣兼沒有蝦味, 味道偏鹹, 很差勁 ~究竟是廚師無心戀戰？還是未夠功夫？本篇完 ~

今日難得個friend陪我食飯，咁我哋就求其搵咗一間餐廳入去啦，點知入咗去之後個friend就話好似係X店，間野部電視仲要係播緊ATV, 我入去嘅原因係咁啱係門口見到個menu晚餐寫住海南雞飯，而我又好耐冇食過海南雞飯咁，咁我就緊係叫海南雞飯啦，而個friend就叫咗個焗鴛鴦汁雞扒飯。

到上枱嘅時候，就嚟咗個白切雞上面鋪左一層紅色的醬汁，好似係泰式辣醬咁既款，而個friend既焗飯，就變咗個焗芝士粟米汁鴛鴦扒飯.... 我都唔講個friend嘅焗飯啦，佢搞亂晒啲鴛鴦汁同扒我都算啦，只要唔係太難食就ok。

我果個海南雞飯先至係重點，大家去食海南雞飯最想食既係乜嘢，個重點係油飯，佢竟然夠膽死比個白飯我！！一個泰式辣醬白切雞再加一個白飯收我$45 ，如果大家有興趣嘅話，你係可以去試嫁。

ps順帶一提:頭先後邊有一枱話啲嘢唔熟同埋有好多蚊飛來飛去最好飲竟然係杯凍檸茶

今日去食佢地個涼瓜炆牛腩, 發覺佢地d牛腩食落有臭酸味, 而家天氣熱, 食物好易變壞,所以同事頭婆講, 佢覺得我地好似扼佢咁, 自己又唔試, 我地已經冇要求佢換比我地, 只係同佢單聲. 記得上次我食蒸鯇魚, 出到o黎竟然唔熟, 伙計話: 會架, 會有機會唔熟架, 你想點呀? 再蒸弘一陣比你啦!我地緊係要一碟新啦, 初頭伙計話唔得, 最終事頭婆話蒸過新比我地, 從此我就唔會係呢間野食蒸魚喇~ 鯇魚蒸唔熟, 會有寄生蟲架..經過呢2次, 其實 d 火記態度亦不是很好, 都係唔幫襯了~

永勝茶餐廳餐單提供港式, 茶餐廳, 冰室等推介美食位於太和區，餐廳座位數30人均消費約$50以下，結賬可以用現金，Booking訂位可以電話致電 21441008 查詢。

您對於太和餐廳「永勝茶餐廳」有何 comment？

永勝茶餐廳餐廳詳細資料：

• 永勝茶餐廳地址:
  太和太和路翠怡花園9號地下
  永勝茶餐廳,  
• 永勝茶餐廳電話: 21441008
• 永勝茶餐廳價錢: $50以下
• 分類: 港式, 茶餐廳, 冰室
• 座位: 30
• 付款: 現金
• FB專頁: 永勝茶餐廳 Facebook

更多永勝茶餐廳相關資料:

• 永勝茶餐廳分店
• Youtube
• Facebook
• Twitter
• Google