春水堂 太古

春水堂 評價 相片

聽聞春水堂係珍珠奶茶出名，但對唔住我真係唔嗜飲。

噉我就叫咗個都係廚師推介嘅紅燒牛肉麵($82+10%)：牛肉係好夠林，不過個湯味係無咩特色。

性價比一般。

留意返，喺台灣，牛肉湯麵，唔係牛肉+湯麵，係牛肉湯·麵，即係無肉架。

公司樓下新開的店，在其他店食完午餐，但飲品要額外付款，心想就不在店叫飲品，試下新開店春水堂外賣珍珠奶茶。

剛好openrice 有新會員外賣自取40減20之優惠，叫兩杯差唔多每杯平10元，真是超抵飲。

以前飲過其他品牌的珍珠奶茶，個人覺得比較甜，而春水堂的珍珠奶茶比較其他台式飲品店的甜度比較合適，不用覺得除了甜外就沒有茶味，叫正常甜都可接受。

感覺比較健康，日日飲都得，罪惡感少d.....食完午餐後，口淡淡，飲返杯就精神曬了

春水堂之前hit咗一排🤓最近去都仲係要排隊，都等咗一陣🧐我覺得嘢飲係幾高質，但其他主菜甜品就冇傳聞中咁好味😳🍡珍珠熔岩蛋糕🍰呢個想試好耐😛一路都覺得佢賣相好靚😍珍珠細細粒好煙韌好有咬口🍡蛋糕上面嘅cream同黑糖漿甜甜地，但完全無熔岩流心效果😳上面都還可以，但下面嘅蛋糕身就麻麻，以為會係好鬆軟😂點知係紮實到爆，我覺得配珍珠奶蓋嘅蛋糕，蛋糕身應該要好似梳乎厘咁，軟綿綿好輕盈先襯😳呢個蛋糕偏硬偏實，感覺會比較乾身😳個人比較鍾意鬆軟嘅蛋糕，所以會有啲偏頗🥵鍾意紮實口感嘅，可以試試呢個！評分：7/10價錢：$58☕️珍珠鐵觀音奶茶🥤呢個好正😛奶茶質感好香滑，奶香味濃郁🥛帶有淡淡鐵觀音嘅茶香，如果可以再濃郁啲就好啦👅珍珠雖然比平時細粒，但粒粒都好煙韌幾彈牙🍡整體幾好飲，仲唔會過甜😋評分：8/10 價錢：$34

唔係第一次食春水堂，但太古呢間新開，行過見唔算多人就入黎食個early dinner。

叫左個魯肉飯$28有一小碗，有肉鬆，紫菜，豬肉，冬菇同黃蘿蔔，都幾豐富，味道正常，唔會咸。

麻香撈麵$48無咩配料，麵量唔多，麵質偏軟，有麻油香味。

食呢兩樣主食，可以叫多啲小食😂芋米糕$28味道似蘿蔔糕/齋腸粉，但比較粉，芋頭味唔算重，外皮煎到好煙韌，味道👌🏼。

配一個唔知咩醬，唔識形容😅本身舊糕都有味，點唔點都可唔。

鹽酥雞$48份量比想像中多，炸得好香脆，但雞肉有啲乾，有少少辣，好一般🙈我地仲叫左外賣飲品香蕉脆脆朱古力奶茶（$35）期間限定所以一試，好大杯，好heavy🙈裡面有新鮮香蕉肉，有朱古力味但唔算太濃，唔錯。

仲叫左普通珍珠奶茶（$29）茶味夠，有好多珍珠😍我地食完就見到長長人龍等位。

呢度食物就一般，如果要排長龍，未必會食。

但會再幫襯外賣飲品，外賣價錢比堂食平3蚊添😆

千呼萬喚始出來嘅春水堂太古城分店：令我非常期待！！然而衝入去食個晚餐之後...就覺得自己非常戇居用台灣嘅幣值差唔多但係四倍嘅價錢卻得到嚇死人嘅享受？！！覺得好驚嚇嘅係,春水堂呢一個品牌實在係一個馳名商標.我聽朋友講喺香港嘅其他分店口碑都唔錯！！偏偏我今次嚟試呢一間新開嘅居然嚇得我一抹汗：雖然預咗一定食唔飽,但係我跟住兩晚用六十蚊又或者四十蚊去快餐店食多兩個包,都中飽肚過佢！！仲好味過佢！！到底嗰晚我係唔係去咗一個平衡嘅世界？？落入一個平衡嘅空間？？食咗一堆台幣價錢用港幣受難/難受嘅偽台灣食物？？

春水堂餐單提供台灣菜, 台式飲品等推介美食位於太古區，餐廳座位數未知人均消費約$101-200，結賬可以用Visa,Master,AlipayHK,支付寶,現金,八達通,銀聯,Apple,Pay,Google,Pay,微信支付，Booking訂位可以電話致電 23218388 查詢。

您對於太古餐廳「春水堂」有何 comment？

春水堂餐廳詳細資料：

• 春水堂地址:
  太古太古城道18號太古城中心1樓102號舖
  Chun Shui Tang, Shop102,1/ F, Cityplaza,18 Taikoo Shing Road, Tai Koo
• 春水堂電話: 23218388
• 春水堂價錢: $101-200
• 分類: 台灣菜, 台式飲品
• 座位: 未知
• 付款: Visa,Master,AlipayHK,支付寶,現金,八達通,銀聯,Apple,Pay,Google,Pay,微信支付
• FB專頁: 春水堂 Facebook

更多春水堂相關資料:

• 春水堂分店
• Youtube
• Facebook
• Twitter
• Google