老成都川菜 天水圍

老成都川菜 評價 相片

新北江有好多間川菜 見到呢間新開就入去試吓 一行四個人 叫咗干煸肥腸酸辣土豆絲麻辣手撕雞尖椒皮蛋串燒韭菜串燒豆皮串燒四季豆海帶佢嘅辣我覺得偏辣少少 我全部都叫咗BB辣都覺得有少少辣 所以怕辣嘅人士可以叫走辣/再叫師傅唔好整太辣～特別講吓佢尖椒皮蛋 尖椒味超香 大家都食到停唔到口！串燒系列好惹味！好似新北江其他川菜嘅舖頭都冇串燒 都幾特別！酸辣土豆絲酸味十足超級開胃整體來講都唔錯 四個人嗌咗咁多嘢都係四百幾蚊！份量又好多 真係抵食之選！

今日山長水又遠，攀山越嶺搭成個鐘頭車入去天水圍食，就係為咗食呢間川菜，去到1個叫新北江商場，外表好靚，而家上到去就得啖笑，成個羅湖商業城咁🤣🤣🤣🤣🤣不過唔緊要，佢真係好鬼多嘢食，有選擇困難症嘅我第一眼就見到呢間，二話不說就坐咗入去唔識叫嘢食，先叫咗一個尖椒炒大腸同埋豬肚辣雞。

佢個尖椒豬大腸炒得好嘢味好夠鑊氣仲好辣添。

而佢個豬肚辣雞就遜色少少啦。

得豬肚絲同埋雞粒咁炒埋一齊。

不過而家咩價錢對得住咁嘅味道算係咁。

期待下一次再去食

收工老友黎天水圍搵我食飯，大家又抱住試新野既心態就搵到呢間老成都川菜，川菜小弟平時比較少食，因為怕太辣同太油，今日就試下呢間小店質素如何啦，位置就比較偏d唔太起眼，店面都比較細只有5張枱左右，人多時會比較迫d。

坐底睇下餐牌先，食川菜就唔一定下下又油又辣既，都有d比較溫和既餸菜，但唔食d辣又唔叫食川菜，所以同老友2人都睇左10分鐘去決定叫咩食，有個全日餐就幾抵，1餸1飯或麵，唔想食飯麵仲可以轉雲吞，包飲品都係70蚊內。

羊肉湯羊肉湯跟飯，羊肉切得算適中有dd厚度，有大約幾塊，每塊都可以一啖一塊，肉質幾實淨比較瘦，但又唔會好難咬果隻，羊羶味有dd唔會太勁，湯底係清湯無乜味精，飲落都幾舒服，有d生菜跟住，白飯就正正常常少少濕，但唔太過份。

罐罐竹笙雞湯裝湯個壺好靚，湯底好甜，配料有紅棗，龍眼，竹笙，配料都幾多下，竹笙好爽口好入味，雞就細粒d同少d，但個湯真心高質。

雲吞跟餐配既雲吞，揀左小辣，都有成56粒，味道唔錯。

豆腐皮食川菜唔少得叫串燒，呢份豆腐皮質感似豆腐乾多d，口感唔錯，辣椒粉味道就係大陸食串燒既味道，辣辣地同呢塊豆腐皮好夾。

牛肉羊肉串燒呢2份串燒就比較強差人意既扣分位，原因係凍既，唔似新鮮燒，似燒完擺左好耐，肉質都好乾，全靠d辣椒粉帶出d味，唔知係店家失手定搞錯左d咩，希望下次唔好啦。

紅棗水 咸檸七跟餐有飲品，除左一般奶茶咖啡都有呢d特色少少既飲品，紅棗水味道清甜，咸檸7都係用返咸檸檬，但老友話唔夠咸喎。

整體黎講都算唔錯既，怕辣既朋友都有唔辣既菜式岩食，鍾意食川菜既朋友可以一試，服務方面老闆同員工服務態度都好好，就算到比較忙d既時候講野既聲線都唔會好粗聲粗氣，同其他食客落單時都好有耐性，呢方面係新北江小店黎講真係算好好了，唯一今日唔好既體驗就係果份牛肉羊肉串既問題，希望只係店家一時失誤啦。

🌶愛辣之人可以試下啊❤️‍🔥（1）酸菜魚鱸魚BB辣🐟 $98🐟魚肉好滑呀！而且冇骨嘅！🍚 $98配埋飯/米線/薯粉，個底有好多芽菜同酸菜，不過就冇其他種類嘅配菜，如果想食就要自己加啦！🌶平時食到三小辣嘅我叫咗BB辣，就覺得係啱啱好，大家記得要量力而為啊！個湯底夠辣夠惹味！（2）涼拌牛展套餐🐮小辣 $69🍚🍹叫套餐就有杯嘢飲同飯跟～🐮雖然係涼拌，但係佢嘅溫度只係常溫，略嫌啲牛展切得有啲厚身，所以食落嘅口感唔淋；個人就唔係太鍾意，不過如果你鍾意啖啖肉嘅感覺都可以試下！🌶牛展我哋嗌咗小辣，不過我就覺得唔係幾夠味（3）串燒牛、羊（$28/2串）豆腐皮（$15）🐂🐑羊肉就冇羶味，牛肉就偏乾，其實就普普通通，唔係Juicy嘅肉，但個調味好惹味，似喺內地食嘅感覺～豆腐皮就幾好味！🤑價錢合理！調味好正🤭值得一試！

老成都川菜餐單提供川菜, 四川等推介美食位於天水圍區，餐廳座位數未知人均消費約$101-200，結賬可以用現金，Booking訂位可以電話致電 21867785 查詢。

您對於天水圍餐廳「老成都川菜」有何 comment？

老成都川菜餐廳詳細資料：

• 老成都川菜地址:
  天水圍天湖路1號嘉湖新北江商場1樓D5號舖
  老成都川菜, Shop D5,1/ F, Kingswood Richly Plaza,1 Tin Wu Road, Tin Shui Wai
• 老成都川菜電話: 21867785
• 老成都川菜價錢: $101-200
• 分類: 川菜, 四川
• 座位: 未知
• 付款: 現金
• FB專頁: 老成都川菜 Facebook

更多老成都川菜相關資料:

• 老成都川菜分店
• Youtube
• Facebook
• Twitter
• Google