Bello Dining 天水圍

Bello Dining 評價 相片

#bellodining 小編食西餐就最鍾意食豬肋骨同牛扒☺️呢間好抵食！百零蚊就食到豬肋骨同牛扒！重點係大大舊！豬肋骨同雞翼都烤得好好出面脆脆地，但入面既肉都夠嫩滑多汁佢既醬汁甜甜辣辣甘，好入味又唔會太辣雞翼隻隻都好肥美，表層塗上少少蜜汁烤既時間岩岩好，食落好香口，唔會太燶或者太乾身牛肉六成熟岩岩好😝就甘睇好似成舊石甘煎得好熟但切開佢，其實入面既肉仲有些少粉紅咬落去，d肉汁泌曬出黎，一D都唔會太老六成熟真係岩岩好

意粉味濃同pizza都好高質，午餐加野飲好抵食！食過三次，天水圍最好食既西餐！加上撐小店！上次食個千島pizza都好正！薄批好脆足料~野菌意粉，番茄意粉都好香好足料。

有次系蘑菇湯，超多菇。

另外特飲加十蚊就有，好飲之餘，打卡一流！會再去食~

整體都唔錯👍🏻嗌咗鮮茄雞扒扁意粉餐(跟湯同蜜桃紅茶)同玫瑰蜜糖焗雞翼先講跟餐嘅湯先，啲湯外賣拎翻屋企仲係熱！然後佢係set死咗每日一款湯，啲湯好滑同埋好好飲，份量都適中，亦算開胃嘅。

然後講意粉，意粉初頭食落冇乜味，經過提點後發現我唔記得撈....🌝茄味新鮮，唔太酸但又開胃，份量同樣好夠食👍🏻塊雞扒唔應該都算大塊，唔算好「鞋」，可以接受。

而雞翼就係正正常常嘅雞翼，不過就焗得好入味，口感好好。

嘢飲個人認為蜜桃紅茶好飲過蘋果紅茶~🤪如果外賣嘅話記得打電話嗌定先，然後問佢大約拎得嘅時間，唔洗企係個度等咁耐~

在天水圍附近搵餐廳，上網睇d人話好食，專登去試下，排一個鐘左右，不外如是，只有湯不錯，豬仔骨無味，比較乾，帶子意大利飯，咪道夠，但飯不夠煙靭，好像不熟的口感，芝士條太乾，賣相是可以，還有更多進步空間😬

今日適逢五一黃金週，一定係去食黃店！相信位於天水圍天一商城嘅Bello Dining，有唔少住元天屯嘅你都有聽過！出名好食同時以西餐廳黎講係比較便宜！所以二話不說就決定食呢間！因為係黃店，所以都比較多人排隊，但係今次我哋兩個人淨係等左三個字就入到！所以唔算耐~ 而店員而非常有禮貌，唔會令人食得唔開心！我哋叫左一個蕃茄水牛芝士薄餅($78) 同香煎帶子南瓜意大利飯($80)，另外再加餐叫多左兩杯蜜桃紅茶同兩個沙律。

首先上菜嘅係香煎帶子南瓜意大利飯，味道非常唔錯，入面嘅南瓜cream唔會好腬，同埋飯係粒粒分明，絕對唔係一patpat! 當帶子同南瓜飯一齊放入口嘅時候，帶子嘅味道亦唔會南瓜飯被掩蓋！而蕃茄水牛芝士薄餅我哋之前亦都有叫過，因為佢唔油又唔會好滯，好適合我唔鍾意食油膩野嘅人！而另一個特點令我哋再叫黎食嘅原因餅底係好脆，就算蕃茄同水牛芝士本身呢啲餡料好有水份，但係佢餅底都無浸濕而係好脆！但係因為佢淨係得12吋薄餅嘅關係所以我哋兩個人都食淨左幾件，好彩有外賣袋可以比我哋打包番去！最後埋單係$208，兩個人黎講唔算好平又唔係話好貴。

而餐廳環境好舒服，係幾個朋友食野嘅好選擇呢！下次會黎試下好多人叫嘅牛扒同埋薯皮！

Bello Dining餐單提供意大利菜, 薄餅, 咖啡店等推介美食位於天水圍區，餐廳座位數未知人均消費約$51-100，結賬可以用現金，Booking訂位可以電話致電 28992887 查詢。

您對於天水圍餐廳「Bello Dining」有何 comment？

Bello Dining餐廳詳細資料：

• Bello Dining地址:
  天水圍天秀路8號天一商城2樓2008號舖
  Bello Dining, Shop2008,2/ F, One Sky Mall,8 Tin Sau Road, Tin Shui Wai
• Bello Dining電話: 28992887
• Bello Dining價錢: $51-100
• 分類: 意大利菜, 薄餅, 咖啡店
• 座位: 未知
• 付款: 現金
• FB專頁: Bello Dining Facebook

更多Bello Dining相關資料:

• Bello Dining分店
• Youtube
• Facebook
• Twitter
• Google