黑麥 天后

黑麥 評價 相片

<巴馬火腿芝士蛋汁闊麵>面頭Parma ham份量唔少 下面仲有好多煙肉蘑菇😚其實相比芝士蛋汁 個人覺得似忌廉汁多啲🤣不過掛上闊麵就都係一啖接一啖啦😆另外加$30要湯 包 同咖啡☕️南瓜湯新鮮香甜 入面食到一絲絲南瓜🎃麵包有自家製法包同百吉包🥖咖啡香濃不帶酸 係我鍾意嘅味✌🏿<生酮海鮮早餐🍤>亦都係keto friendly嘅cafe✨(但係有少少意外俾錯咗麵包同南瓜🤣)海鮮顧名思義就係有蝦同三文魚 雖然係白烚蝦但都新鮮彈牙‼️😳仲有兩隻脆邊太陽蛋🍳半個牛油果🥑沙律🥗煙肉🥓焗豆 好豐富😍<#Tiramisu >最後加咗個自家製甜品😚mascarpone cream偏稠 食落口感覺似雪糕 但都好滑👍🏿亦都食到可可香🥰手指餅浸過咖啡☕️酒味就唔太覺🙈私心希望加強咖啡同酒味🥺

位於天后好出名嘅黑麥終於裝修完重開啦❗️❗️一直都好鍾意呢間舖頭，因為喺繁忙嘅天后附近，有間可以俾你放埋腳步慢慢品嚐美食嘅Cafe，佢呢度環境好清靜清幽，而佢又唔會限時講你走，可以好好享受一個寧靜嘅下午😍😍叫左份classic all day breakfast 套餐奉送橙汁或鮮奶，另外可以加錢換咖啡或茶個早餐幾好食，豬肉腸，肉汁夠，啖啖肉沙律🥗又夠新鮮，好fresh 另外套餐多士仲可以加$5轉scone，呢個又係我大大力推薦嘅，好食到我另外加咗$15要多舊，佢嗰時scone 係核桃味，好食👍🏻👍🏻另外仲叫咗份意粉，意粉夠乾身，唔會煮得太腍，又好入味，正👍🏻👍🏻

今日特登長途跋涉來到天后的黑麥食Brunch, 一心想試它的黑麥包及其他手工麵包, 豈料一問之下店員告知該店已不再自家製麵包, 現只供應一款麵包點了一份素食早餐（$95）和一份安格斯牛扒法包三文治 （$98）, 先來的是三文治, 和menu上的圖片完全不同, 並不是長法包, 只是兩塊普通白麵包製作的三文治, 可幸的是味道不算差。

素食早餐則比較普通，有蛋（可選煎蛋/炒蛋）、菇、番茄、沙律菜、茄汁豆、多士，沙律菜上有一些酸酸甜甜的醬，挺開胃的，兩塊白麵包上面塗滿牛油，菇的份量很多但比較乾，茄汁豆入面特意加入菠蘿，可惜味道不算夾，畸嫌太甜。

又到週末，梗係要嘆一個慢活嘅早餐。

嚟到天后，經過呢一間小店，見佢充滿慢活既氣氛，就揀你啦！鋪頭細細、唔係好大，所以如果晏嚟嘅話呢，就會有機會要等位了。

好彩我地早左少少黎，岩岩好有位可以坐，之後見其他人就要等了～叫咗個Eggs Benedict ，揀咗煙三文魚，配半熟蛋、煙肉、沙律，配埋多士及橙汁😋佢地既麵包係好食既，唔太乾身，口感唔錯。

煙三文魚唔太咸、食一啖個口充滿魚油及三文魚既味道～但唔係好煙😅重點係嘆一杯咖啡，咖啡味濃，一邊食早餐、一邊飲咖啡、再慢慢傾下計，甘又消磨左一整早了。

一個人走在天后街頭，要找個地方醫肚，見到這店有非常多的正評。

決定一試。

店面不大，大概可坐十餘張枱。

雖然不滿座，但好幾張都放了”預約”的牌子。

只好留下電話，便在附近走走。

大概十五分鐘後，總算收到店員通知有位可入坐。

一份鴨胸意粉，大概百五元，另加錢配餐包、餐湯及咖啡。

埋單接近二百元。

餐湯是蘑菇忌廉湯，淡淡的蘑菇租味。

餐包焗到十分脆，適合喜歡香脆香口的人。

包上的牛油上枱時已完全溶掉，雖沒有牛油香，但有一點點的香草味，不錯。

螺絲粉口感爽硬，不會太軟。

材料有蕃茄菠菜、鴨胸、蒜蓉、芝士⋯⋯感覺一般，食材各自有各自的味道，沒有融為一體的感覺。

就像各自預備每份材料，最後放在一起。

。

沒上網上評價的驚艷。

有一點的失望，為何如此多客？多正評？不明白。

這餐只值一百元，二百元的價位是完全不值。

黑麥餐單提供西式, 麵包店, 無肉餐單, 咖啡店等推介美食位於天后區，餐廳座位數未知人均消費約$101-200，結賬可以用Visa,Master,現金,銀聯。

您對於天后餐廳「黑麥」有何 comment？

黑麥餐廳詳細資料：

• 黑麥地址:
  天后琉璃街1號A
  Pumpernickel, 1 A Lau Li Street, Tin Hau, Tin Hau
• 黑麥電話:  
• 黑麥價錢: $101-200
• 分類: 西式, 麵包店, 無肉餐單, 咖啡店
• 座位: 未知
• 付款: Visa,Master,現金,銀聯
• FB專頁: 黑麥 Facebook

更多黑麥相關資料:

• 黑麥分店
• Youtube
• Facebook
• Twitter
• Google