馬祖台灣養生湯麵館 天后

馬祖台灣養生湯麵館 評價 相片

2020年5月4日 星期一呢一排疫情似乎有所減退，所以都見到多咗人出街，不過受到限聚令影響，群眾聚集仍然唔可以多個四個人，而且餐廳裏面每張枱之間都要有1.5米距離，所以見到好多餐廳嘅生意都少咗好多。

於是今晚就同女朋友去到天后嘅一間餐廳，打算支持一下餐廳位於天后地鐵站出面，係大街，所以一出地鐵站就見到，十分方便入到去坐低見到餐牌，主打係養生湯麵同台式麵，啱晒我同女朋友兩個叫咗嘢食之後，飲品就即刻送上，我叫嘅係金橘檸檬，感覺好大杯，而且唔算太多冰，又唔會太過甜女朋友就要左杯朱古力，見到上面有好多脆脆，佢話飲落去好特別之後食物就陸續送到，我要左花膠醉雞湯米線，超級大碗，而且裏面有好多配料，除咗醉雞，仲有木耳、紅棗、桂圓等等配料，令到湯底更加鮮甜，真係好似藥膳湯底咁女朋友叫嘅蕃茄牛肉麵就更加誇張，成碗都係蕃茄濃湯，仲見到有蕃茄蓉添，牛肉都幾大舊，咬落去夠晒腍。

至於蘿蔔都好爽甜，吸收晒湯底嘅味道埋單每人都係$80左右，但係已經飽到差唔多想嘔，因為碗麵實在係太大碗

馬祖係一間主打藥膳湯底嘅台灣麵店，每碗麵都係五六十蚊碗，喺而家乜都貴嘅年代算係正常價，但每碗都超大碗，唔係得麵多，係餸都多，仲要係好食嘅，湯底味道夠濃郁，因為我係下午茶時間黎，特飲都係加$4，超抵呀！！馬祖嘅湯麵主要分牛肉同農場雞，湯底就有藥膳、番茄、麻辣同麻辣番茄，每碗錢價由$55至$69，另外仲可以加錢加配小食同飲品。

下午茶餐仲抵食，三十幾蚊就食倒一碗麵，不過由於下午茶嘅湯麵款式同散叫唔同，冇我地想食嘅口味，所以我地就散叫湯麵再加錢飲野。

香芋雪香(跟餐加$4)雪香系列原本跟飯/麵要加$13，下午茶時段加$4就飲倒，大大杯夠冰凍，大熱天時一杯都好夠飲，香芋雪香芋頭味幾濃，唔太甜，上面有麥皮有咬口，抵飲好好味。

朱古力牛奶雪香(跟餐加$4)朱古力牛奶雪香雖然有牛奶兩個字，但朱古力味都好濃，又係抵飲。

台灣藥膳農場醉雞湯米線($55)哩個醉雞米線唔單止米線多，雞都有四大件，蘗膳湯底好濃味，亦飲得出酒香味，米線唔太腍仲有啲彈口，鍾意食藥膳湯底嘅朋友一家唔會失望。

番茄麻辣牛肉湯麵($69)番茄麻辣有得揀大中小辣，因為同行朋友唔食辣，我地share食就點左小辣。

食倒小小辣味，番茄味亦好濃，酸酸辣辣好正。

牛肉有四大條，牛肉好腍唔痴牙，手工麵都有咬口，飽肚又好味。

總結，湯麵好足料，湯底味道濃郁，但食完又唔會口渴，幾十蚊碗超抵食！

星期六同呀媽去咗天后嗰邊行下，見晏晝三點幾，就搵個下午茶食先。

喺正地鐵站隔離有間麵館，貼咗個下午茶餐牌出嚟，勁抵食，三十幾蚊就有交易，而且食物都幾大路，係食台灣麵🍜。

一入到去嘅時候等左一陣，因為得一個男店員負責哂樓面所有嘢，不過無乜所謂啦，加上其實佢都好快手、好好人、又好禮貌。

由於疫情關係，餐廳好貼心喺門口放咗張枱擺搓手液同埋口罩紙袋👍。

餐廳環境比想像中大，因為佢個舖位係比較長身、樓底亦好高下，仲有大大幅牆畫添🎨。

現時餐廳用咗唔少二拉架分隔座位，衞生方面做到足。

我同呀媽一人叫咗一碗麵再加一份小食Share，我哋完全無諗過會差啲食唔哂囉🙈！我要咗台灣沙茶湯肥牛及唐生菜台灣手工麵($36+$1沙茶湯+$2手工麵)，呢個係其中一個下午茶餐嚟。

我本身以為下午茶份量會細啲，點知佢唔止個碗大，仲要連啲餸同麵都係超多，勁抵食，一上枱我已經驚會食淨...，好彩都能夠KO😝。

肥牛🐮配沙茶湯勁夾，沙茶湯比起沙嗲湯更為濃郁；肥牛超多，而且每片都大大片，牛味亦都出，唔係雪到無嚟味道嗰啲。

至於台灣手工麵，口感都幾似中式拉麵，幾彈牙，就算食到尾麵條都無變淋或發脹。

不過手工麵食落比較飽肚，加上份量好似有成兩個麵餅咁多，啱哂大胃王食🤣。

我媽就要咗台灣湯麵自由配，即係車仔麵啲Friend，哈哈。

唔同湯底唔同價錢，湯底價格已包$6配料兩款，其餘就補差價。

配料只係分$6同$8兩類，款式都幾多，而且算係抵食啊😊。

椰子清雞湯米線($49)，餸要咗香辣三杯雞肉同鹵水豬大腸(+$2)。

其實我本身都係想要椰子雞湯㗎，但諗住試多款湯底先無叫。

果然兩個湯底各有千秋，呢到嘅椰子雞湯，勁濃椰奶香味🥥，好正。

配料嘅香辣三杯雞都幾辣下，唔知係咪咁樣令到個湯都辣辣地🌶，更加惹味(有少少重口味)。

題外話，雞肉好嫩滑；豬大腸就好大件。

米線掛椰子湯應該比起手工麵更佳！我哋追加咗一份小食，🐔鹵水雞翼(5隻)($36)，雞翼勁入味喎，唔係得個皮有色。

由於醃得夠耐，雞肉離骨，易食。

不過碗麵真係好大碗，叫3隻都夠食了。

除咗碗麵大之外，估唔到連飲品都係巨無霸Size，個杯直頭有大啤酒杯咁大🍺！下午茶餐跟無糖茉莉綠茶，味道唔錯、幾香口，其他飲品就補錢。

我媽嗰個餐本身以為要加$10先有飲品，但原來下午茶時段會送飲品的，抵到爆。

佢要咗凍蜂蜜綠茶就加$2，清甜得嚟唔會漏。

不過我估咁大杯係因為餐廳免費升級咗「重量級大杯裝」畀所有客人吧，否則我想像唔到再大會係幾大杯。

總括嚟講，呢餐下午茶餐簡直係開心大發現，食物味道、份量同價錢都係無得彈。

我三點幾食完碗麵之後，夜晚都食唔落晚飯😋。

下次經過我都一定會再食啊！

最近數年都好像好流行「養生」這個用詞語，就連我二十多歲都已開始注重了，偶爾會用艾草包浸浸腳，也會自己用紅棗桂圓茶的小茶包沖茶喝喝（因為自己本身有經痛的問題）。

雖然說現在開始流行養生這回事，但市面上並沒有很多以養生為主題的食店。

自己住在港島區，有些在港島區的餐廳價錢的確會偏貴，但也不會沒有平民價錢的餐廳，譬如這間養生湯麵館。

一進去就看到一張很搶眼的圖畫，是在夜空中飛翔的鳥，很美呀。

這裡主打的是養生農場雞湯麵系列，單單是雞湯麵系列已有十多款了完全不存在選擇少這個問題。

除了招牌的養生雞湯麵系列，餐廳還有台灣古早牛肉麵系列的，看來也不錯。

自己那份是椰子雞湯農湯雞湯米線，本身自己也很喜歡喝椰子雞湯，這裡的椰子雞湯也做得很好，怎樣才算是做得好呢？大概就是做到湯要清甜，不油膩就算成功，這裡的雞湯做到了這個水準。

椰子雞也不會有太多的骨，每次吃雞肉都害怕會有太多的骨，以致沒有口感。

另一份是藥膳椰子雞湯飯，味道大致上跟第一款差不多，只是米線變作了白飯。

椰子雞湯和白飯分開，只是多了藥膳兩個字，味道又真的好像變到很重的藥膳味，感覺很健康，平時在其他餐廳很少能試到。

點了兩杯飲品，第一杯是愛文芒果汁，總是不知為何台灣人會叫一些芒果做愛文芒果？反正香港人對愛文芒果的印象也很好的，就是覺得會是很清甜的芒果。

這杯飲品的芒果味都算明顯，只是甜度稍微高了一點。

另一杯是香芋雪香，我想是奶昔的意思吧？自己本身是香芋迷，不論是香芋的飲品或是甜品我都會十分有興趣。

香芋雪香很好喝呀！表面有很多胚芽，頗健康的。

下面的香芋奶昔也有很濃郁的香芋味，不會太甜。

我有想像過當政府實施每間餐廳限制只可以每四人一枱，每張枱距離只有1.5米。

如果我係餐廳老闆，面對疫情生意大減已經好頭痕既時侯，再迎接一浪接一浪既衝擊，我相信我心靈上絕對唔會好輕鬆。

可能係呢個咁惡劣既環境底下，你會選擇留係屋企，足不出戶，減少感染肺炎既機率，起碼減低醫護目前所承受既壓力。

而我，就堅持放工後一定要去餐廳幫襯，就算唔坐低，都希望可以嗌個外賣，幫補下佢地，或者係我可以做既小小力量。

👇📌鍋燒牛肉香蔥海苔燒汁飯 $55👉一條麻甩佬，食得唔算多，嗌左一碗飯同埋一個小食。

呢個鍋燒牛肉岩哂我呢d食肉獸，叫我唔食肉？仲辛苦過乜呀，肥牛燒得夠香，味道夠濃，配埋海苔味道做得幾香口，而燒汁將成件事變得更加惹味，拎黎撈飯簡直係罪惡感滿分，如果有得免費添飯我諗坐底都三碗呀，呢個價錢認真食得過！📌麻辣白菜豬肉餃 $25👉一碗飯又點夠我飽呀，起碼都嗌返碟餃子啦，呢個份量就岩岩好啦。

話哂我都係半個餃子控，最愛就係白菜豬肉餃。

而呢到既餃子厚薄適中，餡料又落足，食落味道清甜得黎，帶少少後勁麻辣，食到爽口既白菜之餘，又有少少豬肉香，唔錯。

馬祖台灣養生湯麵館餐單提供台灣菜, 粉麵, 米線等推介美食位於天后區，餐廳座位數未知人均消費約$51-100，結賬可以用AlipayHK,支付寶,現金，Booking訂位可以電話致電 66760656 查詢。

您對於天后餐廳「馬祖台灣養生湯麵館」有何 comment？

馬祖台灣養生湯麵館餐廳詳細資料：

• 馬祖台灣養生湯麵館地址:
  天后留仙街3號雅景樓地下B號舖
  Taiwanese Mazu Lifestyle Noodles, Shop B, G/ F, Park View Mansion,3 Lau Sin Street, Tin Hau
• 馬祖台灣養生湯麵館電話: 66760656
• 馬祖台灣養生湯麵館價錢: $51-100
• 分類: 台灣菜, 粉麵, 米線
• 座位: 未知
• 付款: AlipayHK,支付寶,現金
• FB專頁: 馬祖台灣養生湯麵館 Facebook

更多馬祖台灣養生湯麵館相關資料:

• 馬祖台灣養生湯麵館分店
• Youtube
• Facebook
• Twitter
• Google