簡越 天后

簡越 評價 相片

疫情之下買外賣， 見佢評分都幾高， 點知伏到不得了， 香茅豬扒居然有脆漿又冇味道， 蝦餅又係毫無味道仲淋bet bet， 個碌冧汁都係冇哩紋味， 本來都費事寫，但係連薄薄嘅蘿蔔都唔淋， 咁你話點頂？ 可唔可以畀番少少心機煑呢！

去完海洋公園都唔知喺附近食乜嘢好，所以就同朋友一齊去咗天后，咁啱得咁橋又見到有呢間越南菜既然咁耐都冇食過越南菜，所以我哋就決定入去試一試呢間街坊小店食越南野或者泰國嘢一定要食嘅，一定就係酸辣鳳爪！呢間鋪頭嘅酸辣鳳爪做到恰到好處，食咗一舊之後忍唔住要再食一舊，因為酸酸辣辣真係好開胃其他嘢食就包括有火車頭河粉啦，雞翼撈檬啦，香茅豬扒飯啦，全部都係我的至愛，每一樣都做到好街坊小店嘅味道大家不妨望一望佢個餐牌睇吓有冇興趣去試吓啦

好少黎港島天后呢邊食野，咁岩探完朋友，經過見到呢間小店，試一試啦就，發現水準都唔錯，而且價錢親民，住呢到既居民真係幾有口福。

香芧豬扒飯飯量多，豬扒大塊厚身（疊到有兩層咁多！）, 蔥油整得好香，23個人都夠分，豬扒好入味，送飯一流！ 香芧雞翼撈檬四隻脹卜卜的雞翼，剪得金黃香脆；檬粉唔會太乾一舊舊；加上唔同的配料，份量同樣係好多，都只係46hkd。

記住呢個係晚餐，一家親黎呢度食真係好抵！ 鳳爪沙律好鐘意食泰式鳳爪，唔使自己拆骨，呢度既鳳爪唔會太腍，有咬口，好食！ 紅豆冰／綠豆冰不過不失，勝在好解渴！

本來想去隔離個間，但問題係佢無我想食既生牛肉河，所以就去試下呢間!可能我去到係下午茶既關係，人就無咩啦(actually去走個時都有67成既)... 碗野都叫大碗既，但一放落黎個湯... 我真係唔知可以講咩... 我都有諗過會唔會可以"撥開雲霧見清湯"結果係無既... 但個味又唔覺真係咁濃... 如果係咁伏唔伏就自行決定啦～不過咁... 加8蚊可以有個青檸梳打就真係抵既!但我應該下次會忍下口，聽同事介紹試隔離個間架啦

今日去咗天后行街搵食！近排都無咩心機無咩胃口，所以決定搵間light啲嘅嘢食，見到越南嘢清清哋，入去試下！同老婆各自叫咗碗粉，我食火車頭，佢叫咗香口啲嘅豬頸肉撈檬。

火車頭好香，香料好足，而且粉嘅質地好彈牙，唔錯！偷咗老婆一粒豬頸肉試下，幾淋身入口即溶。

而小食都唔想太炸，所以無揀春卷之類，要咗個蒸粉卷，都有驚喜！有啲脆脆嘅炸蒜點綴下，雖然係健康蒸但都有幾個層次，唔錯！飲品要咗咸柑桔水，都幾足料，好味嘅。

支持小店，可以去呢間試下！

簡越餐單提供越南菜, 粉麵, 米線, 三文治, 小食店等推介美食位於天后區，餐廳座位數未知人均消費約$50以下，結賬可以用AlipayHK,支付寶,現金，Booking訂位可以電話致電 31051840 查詢。

您對於天后餐廳「簡越」有何 comment？

簡越餐廳詳細資料：

• 簡越地址:
  天后威菲路道6號地下A舖
  Simply Viet, Shop A, G/ F,6 Whitfield Road, Tin Hau
• 簡越電話: 31051840
• 簡越價錢: $50以下
• 分類: 越南菜, 粉麵, 米線, 三文治, 小食店
• 座位: 未知
• 付款: AlipayHK,支付寶,現金
• FB專頁: 簡越 Facebook

更多簡越相關資料:

• 簡越分店
• Youtube
• Facebook
• Twitter
• Google