燒邦海鮮私房菜 天后

燒邦海鮮私房菜 評價 相片

黃色經濟圈興起後，我同朋友一直都想發掘唔同嘅黃色小店上星期有朋友介紹左一間位於天后，海鮮私房菜入到去最奇怪嘅係，雖然佢舖面細細，但就有幾個魚缸，養著龍蝦、鮑魚，望落仲極生猛🥳🥳 睇番以前啲報道，先知原來店主每日堅持凌晨四點幾去香港仔魚市場入貨，風雨不改，一日訓得4、5個鐘...... 一般小店，甚至海鮮酒家都係叫貨多，會親自去魚市場攞貨嘅小店，實在難得。

今餐食得好滿足，已經plan 緊下次幾時再去了！

懶人終於的起心肝，寫人生第二篇 OpenRice 嘅食評，真慚愧！話明懶，索性兩餐一齊寫，唔好介意 😂最早幫襯燒邦係19年年頭，但好多時都係兩公婆去，食唔到太多嘢。

呢兩餐就唔同嘞，一餐係一行十人嘅 birthday party，另一餐係一行五人嘅 family gathering，可以試多好多嘢！食材新鮮、唔靚唔入、火候控制精準呢啲唔多講，大家睇相應該會睇得出。

反而想介紹嘅係老闆邦哥對食材同出品嘅執着，同埋佢嘅態度。

食材 首先，佢每晚收舖後，天未光就去香港仔落欄搵靚海鮮，唔靚唔入。

又因為佢堅持咗幾年，日日如是，所以先打動到漁市場嘅艇家會留啲罕有同靚嘢比佢，大家先有機會食得到。

出品 靚嘅海鮮就唔需要花巧，所以佢好多海鮮都建議清蒸。

咪以為清蒸好簡單，一隻鮑魚蒸多二十秒，口感已經好唔同。

一條靚魚用秘制雞油蒸，控制好火候，又係另一個層次。

態度 呢兩餐都係 set budget 比邦哥去發辦，大概話佢知有咩特別想食，佢會盡量配合。

最近呢餐同佢講媽媽鍾意食花蟹，佢第一個反應係：「宜家休漁期，又近母親節，啲花蟹好貴。

唔係話食唔食得起，而係值唔值得。

我幫你留意吓，如果唔抵食我真係唔入，寧願第日過咗休漁期，有又靚又抵食嘅花蟹，我入貨你先再叫媽媽嚟食。

」最終，佢幫我哋喺 budget 內揾到隻接近兩斤嘅靚蟹，媽媽食到讚不絕口！邦哥真係好有熱誠，小店經營，希望大家多多支持。

另外要一讚一班年輕店員，態度誠懇親切，靚仔靚女又醒目 👍👍👍P.S. 除海鮮外，其實仲有好多好食嘅傳統串燒（鱔、义燒、牛舌、雞翼......)，不過已經唔記得影相！

小店就在麥奀記雲吞旁邊，店舖內只有幾張枱，雖然店舖小小的但廚師烹製海鮮非常用心，火喉控制得好好之前訂位時會收到堂食套餐menu給我們選擇😊我哋選擇左一個中價位嘅套餐，另外在加咗一碟避風塘蝦，我哋食得非常開心，一定會再去

自三月以來已經實踐每星期至少幫襯一次黃店。

昨晚第二次幫襯燒邦海鮮私房菜。

食物一貫新鮮好味。

一開始飲足料燉湯暖下胃食埋湯料即感幸福。

隨之而來的南非鮑魚，扇貝，鱈立魚，蘇格蘭蟶子，龍蝦賣相及味道兼備（見到龍蝦我們急不及待筴咗先方記得未影相，求求其其放返碟上）。

最好味要推薦古法辣酒煮花螺，那個汁好味到飲埋及撈埋米粉底唔浪費！老闆一個人每天零晨去香港仔揀新鮮海鮮，放入魚缸保存新鮮，一個人一手一腳準備晚餐，用心投入程度令人欣賞。

年輕店員服務態度表現誠懇親切，很愉快的晚上！

燒邦海鮮私房菜餐單提供港式, 海鮮, 串燒, 私房菜等推介美食位於天后區，餐廳座位數未知人均消費約$101-200，結賬可以用現金,Pay,me,/,轉數快(FPS)，Booking訂位可以電話致電 67171352 查詢。

您對於天后餐廳「燒邦海鮮私房菜」有何 comment？

燒邦海鮮私房菜餐廳詳細資料：

• 燒邦海鮮私房菜地址:
  天后電氣道74-78號金基大廈地下3B舖
  Pong Seafood & Grill, Shop3 B, G/ F, Kam Kee Building,74-78 Electric Road, Tin Hau
• 燒邦海鮮私房菜電話: 67171352
• 燒邦海鮮私房菜價錢: $101-200
• 分類: 港式, 海鮮, 串燒, 私房菜
• 座位: 未知
• 付款: 現金,Pay,me,/,轉數快(FPS)
• FB專頁: 燒邦海鮮私房菜 Facebook

更多燒邦海鮮私房菜相關資料:

• 燒邦海鮮私房菜分店
• Youtube
• Facebook
• Twitter
• Google