朝陽海鮮火鍋酒家 天后

朝陽海鮮火鍋酒家 評價 相片

這個食評還未出，這間酒樓門口便已掛上內部裝修的通告。

我不明，為何酒樓執笠之前總是要裝修一番。

一年前來過的Jenny小姐真有先見之明。

實際上，這十年來這間酒樓是不斷裝修，執笠和轉名的，這間潮陽是自從是做了數十年的榮慶大酒樓裝修執笠後做得最長的一間酒樓，想也有約三年光景。

老實說，潮陽沒有什麼好，只是夠抵吃。

晚上可以用八十元連小賬吃到用料普通但新鮮，任點任食任喝的火窩。

午飯時候，也可以用三十多塊錢，坐他一個多小時，歎著滾熱中茶，兩盅三件，或要個熱辣辣碟頭飯，吃得飽飽的。

然而，有些點心是不夠水準，如炸點及小籠包，是要交了學費，才懂避開不叫的。

在我經常活動的範圍，可惜，又少了一家會去吃美味蝦餃，蜆蚧鯪魚球，鑊氣炒粉面和夜晚打邊爐的經濟地方。

2007年4月14日。

謹此志銘存照。

小心看單, 話就話任食火鍋, 餘下的食物無論幾多都收取費用, 騙人的

前幾日和男友到這裡打邊爐,佢話呢間平日很靜無咩客人,但係可能嗰日係星期五,而且好多人都放假所以連呢間都full,我地等左十五分鐘左右先至有位,都幾抵架!成人每位58,計埋茶芥就每位82左右,當然亦要視乎閣下是否叫free 湯底啦!但我地就點了收費豬骨湯底,所以是次每人消費的銀碼會有少少出入.雖然收費唔算好貴但食品的質素亦不差,點了美國肥牛,羊肉,豬肉,豆卜,枝竹,生根,粟米,西洋菜,芋絲,蜜糖腸,樣樣都有是水準之作!但最慘就係見到員工做餐死,可能平日無咁旺場,而且成個場好明顯唔夠人手呀!但service總算好好.唔會理唔到d客.ok 喎!

每一次上大型連鎖酒家打邊爐,全部唔係出自我主意,個人而言,坊間火鍋店大把選擇,為何仲要去呢一類連鎖酒家?風味,唔夠老坑,鴻福,甚至九龍城金牛.勝在價錢平,由其在某些特定時段入座.一大班人,所費無幾,樂也融融.就係咁多.食完都唔知食過咩野落肚.某日同事收工飯聚,彭慶記係我主意,朝陽打邊爐,係佢地主意,一個對廿個,不敵,唯有屈服.柴娃娃叫左十九幾碟,無邊樣值得推介,來來去去,都係果幾味,肥牛,當然街邊檔好啦.同班同事,一次半次,總能忍得到.私下同朋友,一定唔會去呢類地方.

去過兩次飲茶都有叫小籠包(其實都好唔想去﹐不過一大班人唔到我話事)﹐第一次以為以為剛剛是d 肉唔太新鮮(其他有豬肉的點心又冇同樣問題喎)﹐點知下星期再去同樣係“淋pat pat”有陣怪味(又未至酸) 的﹗下次一定唔會再叫小籠包﹗其他點心就不過不失﹐不過亦無甚驚喜﹐但呢個價錢又冇乜要求喇﹗但係呢度d 服務水準又真係有改善既必要﹗第一次去我們定左3/F 的房間﹐不過好逼﹐所以同部長講下星期更多人﹐外面間房ok 嘛﹖部長一口應承﹐不過我們走時﹐他連續問左幾次下星期一定有30 人的嗎﹖語氣是好像唔信我地咁﹐當時有d 唔開心﹐不過算啦﹗點知下個星期去到居然係冇間房﹗不過都費事同佢理論﹐不過就真係唔想再返去囉﹗

朝陽海鮮火鍋酒家餐單提供港式, 火鍋, 海鮮, 山珍海味, 中菜館等推介美食位於天后區，餐廳座位數未知人均消費約$50以下，結賬可以用現金。

您對於天后餐廳「朝陽海鮮火鍋酒家」有何 comment？

朝陽海鮮火鍋酒家餐廳詳細資料：

• 朝陽海鮮火鍋酒家地址:
  天后電氣道82~86號
  朝陽海鮮火鍋酒家,  
• 朝陽海鮮火鍋酒家電話:  
• 朝陽海鮮火鍋酒家價錢: $50以下
• 分類: 港式, 火鍋, 海鮮, 山珍海味, 中菜館
• 座位: 未知
• 付款: 現金
• FB專頁: 朝陽海鮮火鍋酒家 Facebook

更多朝陽海鮮火鍋酒家相關資料:

• 朝陽海鮮火鍋酒家分店
• Youtube
• Facebook
• Twitter
• Google