晶晶甜品 天后

晶晶甜品 評價 相片

在香港，甜品店開到成巷成市，賣相打卡的靚甜品店多的是，反而，舊式糖水店已經買少見少嘞！上個月，才得知位於天后電氣道的的老字號甜品店 <晶晶甜品> 即將今日 2021/9/29 Last day，因租約期滿而結業，實在可惜！ 趁最後機會再支持！香港飲食文化千變萬化，可屹立28年絕不簡單，當然有其實力所在！有見及此！出開銅鑼灣，也要專登走來幫襯！大致上，就算一個人晚上來幫襯，也不用等位，可即時入座；這裡食客流量快！ 而且，木方椅，坐得迫狹，店方以透明膠板放上桌上，為保持社交距離！供應過百款甜品，當中也有中西合壁款式，還有飲品！ 總令我花多眼亂！熱栗子芋蓉豆腐花 $36豆腐花稀身，勝在滑不留口！栗子芋蓉質感濃稠又味道濃郁，一濃一淡恰到好處！熱椰汁西米燉奶 $44熱食的熱椰汁西米散發椰香，燉奶好似雙皮奶，有一層淡黃色的奶膜，起初我還以為是燉蛋， 燉奶口感嫩滑；西米晶瑩剔透又軟腍，口味上整體少甜清新！玫瑰薑汁湯圓 (玫瑰露酒餡) $35有5粒湯圓，咬開煙韌軟糯的自家製湯圓，出奇地滲出油份；辛辣香濃的薑汁與帶出酒香甜的玫瑰露酒，為味蕾帶來雙重刺激！口味上有獨特風味及特色！黑芝麻布甸 $29除了軟滑細膩的黑芝麻布甸本身之外，還伴有香滑的黑芝麻糊， 兩者都是芝麻味濃郁之餘又少甜，健身美味的中西合壁甜品！

喱騷介紹過既老字號糖水舖結業，係天后食完飯就黎作最後支持❤️第一次食都係最後一次食 見到好多熟客黎同老闆娘say goodbye同影相🥺栗子芋蓉豆腐花($36)有料到‼️身為栗子愛好者，超鐘意呢個栗子蓉😍😍😍有少少栗子粒🌰係個糊入面 糖水杰杰地撈埋芋頭入面煮起曬沙🤤🤤加埋滑滑既豆腐花變相唔會覺得膩‼️玫瑰薑汁湯圓($35)呢個湯圓既味道顛覆佐我對湯圓既認知😂湯圓通常都係花生味芝麻味 但呢個一食落有啲似臘腸味😂然後玫瑰露酒味會一路滲出黎 好特別👍🏻👍🏻薑汁超薑🙌🏻小小辣食完暖笠笠❤️為食指數: 3.5/5性價比指數: 3.5/5推介指數:3.5/5

最近無意中睇到依間老字號甜品店即將結業 就希望趕上係9月29日前結業幫襯下。

岩岩趕上宵夜時候 禁堂食關係 店舖堂食開放至10點 而外賣則到12點 黎之前都上網睇下個餐牌 對晶晶獨有既玫瑰露酒餡湯圓勁有興趣 今次黎緊係要試下 ， 網上對湯圓既評價兩極 唔知食落去咩味好快甜品拎到手 糖水係薑汁糖水 驅風又健康 重點係真材實料 第一口勁重薑味勁辣 湯圓共有5粒， 急不及待要試下。

味道好特別 有別於一般花生芝麻等 第一口已經有淡淡玫瑰（？）清香同淡淡酒味 似係啲花釀味 但又唔會濃到好怪。

得5粒真係唔夠喉 獨有既玫瑰露酒餡湯圓 希望將來會有機會再試

吃過晚飯，有想吃甜食的感覺。

友人介紹了鄰區的甜品店。

門口是明顯的中式甜品店，打開門後，發現不少歐陸風情，因為播著西樂，還有歐洲景點的照片。

以為在享受西點。

打開餐牌，琳琅滿目的款式，可恨自己只有一個胃，不能盡收其下，還勉強了友人與自己“些牙”。

最後“忍痛”選擇了薑茶芝麻湯圓及合桃芝麻糊，友人則是黃金燉蛋。

本人口味，覺得薑茶不夠薑辣味，糖水偏多，湯圓反而煙韌，不會煲得太過黏或者不夠流沙。

合桃芝麻糊濃稠度適中，不會令人感覺太飽，也不會吃得太奶糊味，可能因為是兩溝的情況下中和了。

沒有品嘗友人的黃金燉蛋，看賣相不錯，沒有過度蒸燉而致蛋面皺紋，匙羹撥下去有看得出的彈性。

看到吃得有味，應該不差。

在天后，三個人食咗约$1000完日本串燒都不滿足，行過此處，好多人幫襯，感覺晶晶舆佳佳相似（佐敦），應是佳品，果然無失望，樣樣都香滑，糖水上枱，掛住食無影相。

桑寄生蓮子茶，蓮子漲卜卜，圓淥淥入口鬆化，配合桑寄生茶，味濃好過隱，不過甜，正！蓮子薏米腐竹糖水，不會太稠，糖水奶白，腐竹完全溶解，不用加奶，才清甜，蓮子當然鬆化，薏米有嚼頭。

合桃芝麻糊，滑幼，香。

好味，一陳子食清，埋單

晶晶甜品餐單提供港式, 甜品, 糖水, 糖水舖等推介美食位於天后區，餐廳座位數40人均消費約$50以下，結賬可以用現金。

您對於天后餐廳「晶晶甜品」有何 comment？

晶晶甜品餐廳詳細資料：

• 晶晶甜品地址:
  天后電氣道81A
  Ching Ching Dessert, 81 A Electric Road,, Tin Hau
• 晶晶甜品電話:  
• 晶晶甜品價錢: $50以下
• 分類: 港式, 甜品, 糖水, 糖水舖
• 座位: 40
• 付款: 現金
• FB專頁: 晶晶甜品 Facebook

更多晶晶甜品相關資料:

• 晶晶甜品分店
• Youtube
• Facebook
• Twitter
• Google