小城之味 天后

小城之味 評價 相片

同女友去左天后行下行下,周圍睇下有咩食...見到有間食上海野既...叫小城之味...就入左去 try try ~好失策我掛住食...冇影到相...1. 抵食小籠包 同 鐹貼 各5隻 都係 $2x 蚊兩個人食晚飯夾埋 $13x 蚊 完事 ~ 2. 味道好味野食夠熱 ! 3絲炒面又爽口彈牙~個高力香蕉正到不得了...裡面個d豆沙同香蕉 係整到 溶溶地果隻 !!3. 服務唔錯可以見到佢我即叫,佢即包 (小籠包+鐹貼)~又可以叫佢遲d先黎個高力香蕉~凍又幫我熄風扇~4. 環境只得一般...如果怕迫就唔好去...鋪位細...怕凍bring多件衫,因為冷氣大~推介 : 8 / 10

一間開了不久嘅上海小店,午餐時去了一試。

小籠飽~做得幾好,皮薄,肉夠鲜,肉汁多。

鍋貼~一樣都做得好,都是皮薄,肉夠鲜,肉汁多。

酸辣湯~有待改進,豉油味太重,有點蓋過酸辣嘅味道。

回鍋肉配薄餅~呢個配搭幾好,可以用薄餅包住啲回鍋肉嚟食,回鍋肉味道亦做得好。

星期三，時不時都會灑一、兩浸雨，出街比較麻煩。

於銅鑼灣一帶處理完私務之後，與太座於天后會合。

正為晚膳地點躊躇之際，眼尾瞥見這一間小店，名乎其實，與繁華嘅鬧市相比，此店顯得份外細小。

這裡賣嘅係京川滬菜色，筆者是日冇特別心水，只係隨便叫了四款菜。

打頭砲嘅係蔥油拌麵($22)，麵條放得整整齊齊，質地不俗，唔會一咬就斷，拌上蔥粒、豉油、少許糖及生油，既有蔥嘅清香，也有油嘅甘香；雲耳拌青瓜($36)，做法幾特別，為咗營造清新既辣嘅效果，加了少許芥辣撈勻，不過筆者不太大欣賞。

而且青瓜入口欠缺冰涼嘅感覺，整體印象麻麻地；火腿津白($48)，玻璃茨重手了少許，但不打緊，最敗筆之處係津白味道淡然，就算有金華火腿亦不知為何會全無味道；小籠包($23五隻)就比較做得出色，首先皮夠薄，包內嘅湯汁吸收了豬肉饀料嘅精華，變得鮮甜味美，份量亦豐富，頗合心意的。

環境是比較局促，於炎炎夏日空調亦有所不足；廚房位置與樓面非常接近，用來放用過嘅碗碟嘅膠藍亦接近餐桌，有點不合衛生。

當筆者用餐時亦發覺有「小狐仙」，看來並不是其他顧客帶嚟嘅，店員嘅個人衛生整潔也應多加注意。

此晚飯共銀一百三十九蚊，平均每人七十蚊，屬合理範圍。

偕友人此店晚膳聚會，三人點了以下菜式：酸辣湯 – 芡頭略厚，下蛋花更佳擔擔麵 – 不錯，可下細麵或粗麵，湯頭甚好小籠包 – 及格，甚可口，肉鮮金銀蛋浸莧菜 – 不是滬菜，但選料新鮮，甚佳獅子頭 – 用小籠包的肉餡做，好像不是那麼一回事生菜雞粒炒飯 – 沒有吃過豆沙鍋餅 – 皮太硬桂花啫哩糕 – 新出品，所以送幾塊給客人作白老鼠，上層有杞子及桂花，下層完全是羅拔臣啫哩，各人均同意味道渾然不是桂花糕，還好老闆娘堅持這叫桂花啫哩糕，倒省得一番解說。

店子不大，坐上一會倒還可以，價錢區內不算貴，還可以。

四月初五‧晴這裡以前是天后喇沙的舖位，現在就開了間小小的上海菜館，午市賣客飯及麵餐，見價錢不貴，人客也不少的，就怱怱坐下，要了個酸辣湯麵餐。

前菜可選椰汁饅頭又或是凍茄子，不想吃得太飽，要了前者。

切了小段的茄子，走過油還佐以醬油及蒜蓉、辣椒等等，味道不錯，吃得開胃的；酸辣湯麵一大碗的，酸辣湯不算酸及辣，味道不夠，可幸喝起來不算是很杰身，吃到肉絲、筍絲等等，配料足的。

麵幾稔身，欠缺爽勁，似是浸得久了，吃起來似是燴麵多一點。

還包一杯豆漿，只見小店人來人往的，在午市也旺場的。

埋單32蚊，一試無妨。

小城之味餐單提供滬菜, 上海, 拉麵等推介美食位於天后區，餐廳座位數未知人均消費約$50以下，結賬可以用現金。

您對於天后餐廳「小城之味」有何 comment？

小城之味餐廳詳細資料：

• 小城之味地址:
  天后電氣道68-81號發昌大廈地下L舖
  Savour Eatery La Mian Xiao Long Bao, Shop L, G/ F, Fat Cheong Building,68-81 Electric Road, Tin Hau
• 小城之味電話:  
• 小城之味價錢: $50以下
• 分類: 滬菜, 上海, 拉麵
• 座位: 未知
• 付款: 現金
• FB專頁: 小城之味 Facebook

更多小城之味相關資料:

• 小城之味分店
• Youtube
• Facebook
• Twitter
• Google