耀記 大角咀

耀記 評價 相片

回來了, 也回來回味以前的味道同事間還算出名的一間店子, 小小的, 位子不多, 出品油膩又惹味的肉獸系炒公仔麵聞名$27, 豬扒雞翼炒公仔麵 (仲有其他例如魷魚俾你百搭), 連凍飲, 抵到笑不消五分鐘左加就上檯, 炒慣炒熟一放進口, 還是很不健康的一口油。

麵條還是有咬感略彈牙, 肉系仍然貫徹肉系的滋味, 尤其豬扒爽口濃郁很興幸水準依舊

依稀記得在大角咀舊區角祥街一帶有一間簡陋的港式街坊快餐店，聽說豬扒和魷魚鬚都不錯。

在一個不用上班的日子，早上特地到來碰碰運氣，看看是否找得到。

其實自己一來不記得這快餐店的店名，二來也不大肯定它位於角祥街哪裡，特別是附近除了它之外，還有兩三間環境格局和它差不多的街坊小店，更令自己猶如在考驗自己的運氣一樣亂撞亂碰。

哈！想不到原來自己的運氣都不錯，最後真的找到了。

這裡的環境確是簡陋，店門前擺放著一兩張檯，裡面也只有大約四張圓檯，最入面不大的地方則是老闆和老闆娘工作的廚房和水吧。

不知是否因為百物騰貴的緣故，牆上招紙上的價錢全都換了新銀碼，價錢都作出了調整，一個簡單的豬扒出前一丁麵加熱飲已要$21，以街坊快餐店而言，絕不算便宜。

可能午飯會抵食些吧！叫了一個「豬扒出前一丁麵」加「熱奶茶」做是日早餐。

這裡的「豬扒出前一丁麵」用的是真材實料的一丁麵，這裡的一丁麵煮得火候恰可，不會太軟或過硬，不錯。

至於豬扒，厚薄適中，醃得也見入味，算幾好吃。

「熱奶茶」方面，這裡的熱奶茶奶味和茶味配合得幾好，是一杯有水準的熱奶茶。

雖然這裡的食物未至於令人驚豔，不過以普通的街坊快餐店來說，這次試的食物都算在水準之上了。

夜晚又黎大角咀，又試下呢間個個話豬扒正既小食店。

店面好細，入到去得我地兩個，叫左兩碟魷魚豬扒炒麵，一碟加蛋，兩罐檸樂。

炒麵用出前一丁，味道偏甜，豬扒好霖唔奀幾好，魷魚就一般。

食食下有5個一家大細行入黎，兩個細路拿住兩份麥當當，個男人拿住兩條油炸鬼問老板娘有乜好介紹，老板娘叫佢自己睇牆上面既餐單，個男人又問有乜雲吞麵食，個老板娘唔奈煩咁話無，仲同佢地講叫佢走，話地方細唔方便係到食其他食店既野，於是班人走左。

之後老板就同老板娘猛鬧班人，拿晒野黎開餐，幫襯少少就阻住晒D檯做生意。

我覺得如果你唔比佢地入黎食非你出品既食物可以一早當佢地入黎就講，鬧走人之後就無謂不停再鬧啦，仲同我講問我岩唔岩。

講真人都走左咪算囉，有客係樹就無謂再鬧啦，仲話自己張張檯都係生意，好多人黎幫襯阻住搵食。

攪到我地唔知點好，於日食完就立即閃。

下次都唔會再黎幫襯啦，事實好煩。

同同學去 "耀記" 食美味豬扒麵我地叫咗....豬扒麵連凍飲 $21 豬扒好大塊好入味好林. 啲麵係用 "出前一丁", 真係 VERY GOOD 呀干燒豬扒炒烏冬 + 熱飲 $31 豬扒好味. 不過炒烏冬好多油 豬扒魷魚飯連飲品 $27 豬扒魷魚都好好味. 飯汁都唔錯..不過太大碟, 同學仔食唔晒 椒聯雞翼 $11/3只 整得好好味, 好入味. 好味到唔識形容椒鹽魷魚鬚 $21 味道好. 不過好硬. 如果軟番少少比較好

這裡的飯炒粉麵早餐都超抵食同埋份量好勁呢度招牌一定係豬扒,雞翼就一般唔夠味豬扒好鬆化有我最喜歡的肥根部份但建議加豉油汁唔好加其他粟米茄汁個Ｄ我自已個嗰加豉油係令塊豬扒入味Ｄ朋友的粟米豬扒飯就嚇親佢因為真係未隔清Ｄ油就上碟經炸起後而彎曲了的豬扒內藏了一匙油份未隔清當夾起塊扒時Ｄ油就咁流落Ｄ粟米汁到令佢無哂胃口而且Ｄ油都幾深色吓老實講Ｄ油一定用完再用出街食間間都係架la唔係老人家點會成日話出街食無益當搬了出嚟住後既後生一輩就知阿媽煮有幾咁好食講返呢度真係好食抵食夾大件希望佢唔好咁趕上碟我真係唔趕希望老闆注意想健康想味美真係倆難全

耀記餐單提供港式等推介美食位於大角咀區，餐廳座位數未知人均消費約$50以下，結賬可以用現金。

您對於大角咀餐廳「耀記」有何 comment？

耀記餐廳詳細資料：

• 耀記地址:
  大角咀角祥街
  耀記,  
• 耀記電話:  
• 耀記價錢: $50以下
• 分類: 港式
• 座位: 未知
• 付款: 現金
• FB專頁: 耀記 Facebook

更多耀記相關資料:

• 耀記分店
• Youtube
• Facebook
• Twitter
• Google