稻香 (新九龍廣場) 大角咀

稻香 (新九龍廣場) 評價 相片

今日呢到大角咀稻香食早餐 早前聽朋友講呢度啲早茶好抵食 , 所以今朝嚟試下， 檯面凍咗張半價牌 睇嚟都比較吸引， 我叫咗一碟魚皮餃菜 同埋一碟魚用炸茄子 味道唔錯 呢度啲早茶都幾多客幫襯 多數都係啲街坊，長者， 都有唔少晨運客 同啲搽下傾閒偈， 知道原來呢度啲口碑都幾好 啲夥記都好有顧客心， 有啲客一坐低唔使叫都知道有乜嘢茶 因為熟咗 又上心 酒樓啲環境都ok， 出品速度都可以接受， 今朝呢張單31個半 佢哋嘅午市粉麵都有做半價 我又搵到個飲早茶嘅好去處

上個星期五，喺街度偶遇，兩三個同學仔， 非常之高興， 太耐冇見了， 於是約埋喺大角咀稻香飲茶。

呢度啲顧客唔算多， 大概係因為疫情， 但係所有工作人員都戴上口罩， 依然可以聽見錯落有聲的歡迎聲， 啲點心都還可以接受， 食品够熱， 出品時間適中， 枱面擺放一個點心半價牌， 令到我哋眼前一亮， 原來十一點前落order， 十一點半前埋單，有半價。

我哋一共四個人， 叫咗十幾籠點心， 去到11點15分左右， 仲有兩個點心味嚟， 就諮詢樓面， 點算？ 佢話畀我哋知，到時我哋可以埋單先，佢盡快幫我哋將點心今晚出嚟， 果然佢三分鐘之後就將 兩個點心跟返出嚟啦。

令到我哋可以順利準時埋單享受半價優惠！ 呢種做法真係好值得業界借鑒！ 呢度啲環境都算整潔！ 佢哋五時都有做粉麵半價推廣！ 斑腩 孖寶 衹售98蚊！呢次偶遇我哋都聚得好開心！ 都可謂係平靚正

2月22日 中午約十二點鐘的時間， 一同六人， 好特別我哋不是吃點心， 而是叫小菜。

因為現在的疫情關係，這間店現在營業時間到四點半， 我哋又不想吃點心， 所以 我哋就單點，叫了幾個小菜海鮮 試下 ，我們叫了一個 金菇生蝦煲，黃金炸蟹鉗 ，清蒸龍躉斑 ，腰果牛柳粒…金菇生蝦煲~ 有氣氛熱辣辣 啲，蝦好新鮮 ，好爽口。

黃金炸蟹鉗~擺設好吸引，蟹鉗一入口啖啖肉 。

清蒸龍躉斑~魚新鮮，肉質鮮嫩。

腰果牛柳粒~ 牛肉嫩滑 。

原來中午吃小菜 ，都是一個幾好的選擇

做冬要就老人家，近近地去左附近既新九龍廣場入面既稻香食晚飯。

5點9去到佢唔俾入，話未開，心諗，乜咁嚴架咩😅6點入去攞位等老人家，唔算好多人。

老人家唔食得多，食既種類又有限制，所以都係無嗌餐，散叫。

蒜片焗肉排，無諗過原來係排骨，同埋有啲避風塘既風味。

整體黎講，比較硬同多味精，早知係咁嗌咕嚕肉醒下胃仲好。

一隻沙薑雞，賣相不俗，肉質唔鞋口。

濃湯海味雜菜煲，啲菜一黎到就已經係偏黃，明顯煮得耐左。

不過錯有錯著，因為煮耐左，好淋，老人家可以食多啲。

一樣多味精。

紅燒豆腐雜菌，老人家最愛，夠淋。

今天好朋友生日， 在 大角咀稻香 擺生日酒。

今次好特別，唔係食啲一圍圍嘅套餐，而係散叫的。

有~豉油皇海中蝦清蒸阿拉斯加長腳蟹鹽燒8頭鮑魚清蒸海星斑新鮮菠蘿咕嚕肉 等等…豉油皇海中蝦，啲蝦好大隻好新鮮， 長腳蟹肉質鮮甜好大隻， 仲有好多蟹膏添 鹽燒八頭鮑魚， 賣相吸引，通常食鮑魚食清蒸，今次食鹽燒，幾特別好香口， 送啤酒唔錯， 星斑分量足夠，新鮮肉質嫩滑，咕嚕肉 用咗新鮮菠蘿配搭 食落口零舍唔同，咕嚕肉脆口。

今餐的餸菜， 係即場叫的，即時製作， 廚師都有番咁上下水準， 所以值得介紹一下:like:

稻香 (新九龍廣場)餐單提供粵菜, 廣東, 火鍋, 燒臘, 點心, 酒樓等推介美食位於大角咀區，餐廳座位數未知人均消費約$101-200，結賬可以用Visa,Master,AlipayHK,支付寶,現金,八達通,AE,微信支付。

您對於大角咀餐廳「稻香 (新九龍廣場)」有何 comment？

稻香 (新九龍廣場)餐廳詳細資料：

• 稻香 (新九龍廣場)地址:
  大角咀大角咀道38號新九龍廣場1樓127-160號舖
  Tao Heung (New Kowloon Plaza), Shop127-160,1/ F, New Kowloon Plaza,38 Taikoktsui Road, Tai Kok Tsui
• 稻香 (新九龍廣場)電話:  
• 稻香 (新九龍廣場)價錢: $101-200
• 分類: 粵菜, 廣東, 火鍋, 燒臘, 點心, 酒樓
• 座位: 未知
• 付款: Visa,Master,AlipayHK,支付寶,現金,八達通,AE,微信支付
• FB專頁: 稻香 (新九龍廣場) Facebook

更多稻香 (新九龍廣場)相關資料:

• 稻香 (新九龍廣場)分店
• Youtube
• Facebook
• Twitter
• Google