海皇粥店 大角咀

海皇粥店 評價 相片

見佢的套餐無乜驚喜,而且又唔係真係咁抵,所以散叫...先點比較特別既南瓜粟米肉碎粥,再點XO醬煎蘿蔔糕,前者好快有,後者原來係即煎,所以都等左幾分鐘,但真係好香,等都值得!南瓜粟米碎肉粥:橙色既粥,真係未食過,入口每啖都有唔少南瓜,粟米份量都ok,但係好多已經煮到爛,粥唔算綿,口感只屬一般,最唔得係個所謂「碎肉」,我一畢起,心諗:唔好玩啦!一大舊一大舊豬骨連豬肉,咁都叫碎肉?係有碎肉既,咪係舊大肉甩出黎果的囉!我真係expect係咁囉!如果你話佢係南瓜粟米豬肉粥,咁都ok,但係有個碎字,就唔該名副其實啦!XO醬煎蘿蔔糕:呢個抵讚!一碟三件,唔算細size,每件煎得好香但唔過燶,而且每件面頭都有XO醬,份子好夠,蘿蔔糕可以做到外脆內軟,令人愈食愈想食!拉勻黎講,可以話ok!我推介XO醬煎蘿蔔糕,但唔推介南瓜粟米碎肉粥。

菜乾排骨粥+炒面($17)粥底好綿滑菜乾味夠濃炒面唔會太油味道適中兩個女士Share一個餐已經好足夠而且美食坊唔係太多人坐得好舒服

當然，「抵食」不代表是「好食」，只是代表價錢便宜，多野食又食得飽而已。

我們的活動越來越健康及多元化，繼行山/踩單車/打保齡球之後，連網球都打埋。

打完波，大家也餓，去吃點東西。

作為OR的圍內食友，我們對食當然要求高，所以就去了，美食廣場~~講笑者，其實純為貪方便。

經專兄同陳小姐的「提醒」下，發現這裡似樣的選擇又真的是不多。

最正路安全當然是麥奀，但見J及D都吃了，反而這裡沒人有興趣，見佢大大個油鑊在炸油器，差極有譜吧，就來看看有什麼好吃的。

見佢有個常餐，有碗粥有碟炸兩有個炒麵，都只是28蚊，平平地又一試無妨，就叫來一試。

原以為佢一個餐包三樣食品，份量會是小一點的，但原來除了炒麵之外，另外兩款份量都如散叫般多。

海皇粥料子可落足，有蝦、魚片、雞肉等等，加埋生菜絲，都幾豐富。

粥底不算綿，有點水水的，但沒有味精，算交到功課。

幾款料都似是雪了不少時間的，沒有什麼味道，清了粥，可還留下一埋料的；炸兩是即製的，腸粉當然熱辣辣，敗筆在凍冰冰又硬硬的油炸鬼上，不過份量十足，成份炸兩上，二人分吃也足夠有餘；炒麵凍凍的，沒有什麼興趣了，況且也吃得幾飽，吃不下了。

如果重量多於重質的，這個常餐，食得過。

本來係想食炸兩架但因為見佢set全部無炸兩選見自己都仲有少少喉嚨痛於是改為要滑牛生滾粥跟粥送左個蝦米腸真係即叫即滾所以等左陣先有得食粥底算綿(但食完後成個下午要不停飲水)加左好多薑絲一齊煮幾好牛肉大大片但俾鬆肉粉淹過頭無晒牛味又無口感蝦米腸雖然凍左但反而有驚喜蝦米多又算滑加埋麻醬甜醬食好好味服務員好有禮貌陪朋友仔買完麥當當後番去拎粥佢離遠已經招晒手叫我去拎好好人

隻腳整親乜都唔食得！驚"發"....>_<"唯有選擇食粥！.食兩日外賣"生滾鯪魚球粥"先知大鑊.....原來鯪魚球裡面有蝦係到！不過，呢個粥又真係幾好食，真係好滾下！為左就返食藥時間，所以我唔係即刻食，隔成個鐘都重好鬼熱，正~~~ 粥又綿，好味！重有，依家買生滾粥，就送個"蝦米腸"，好配搭！.我第三日己經唔敢叫呢個粥，食魚片粥！生滾粥似終好味好多！魚片粥唔腥，但唔太愛魚片食陣有難的感覺！.我去取外賣陣，阿姐問我，今日又係生滾粥？我答唔係.... 第三日，阿姐己經忍得我，哈哈.....佢地都好衛生下，又口罩又手套，幾好~~.我同事話佢蒸飯好正，日要試下先=^.^=~~

海皇粥店餐單提供港式, 小食店等推介美食位於大角咀區，餐廳座位數未知人均消費約$50以下，結賬可以用現金,八達通。

您對於大角咀餐廳「海皇粥店」有何 comment？

海皇粥店餐廳詳細資料：

• 海皇粥店地址:
  大角咀海庭道18號奧海城二期地下金牌坊K07
  Ocean Empire Food Shop,  
• 海皇粥店電話:  
• 海皇粥店價錢: $50以下
• 分類: 港式, 小食店
• 座位: 未知
• 付款: 現金,八達通
• FB專頁: 海皇粥店 Facebook

更多海皇粥店相關資料:

• 海皇粥店分店
• Youtube
• Facebook
• Twitter
• Google