慶記 大角咀

慶記 評價 相片

大角咀利奧坊一帶，愈來愈多食店開業，愈來愈多好選擇。

在香港政府立例晚上六時後不准堂食，只准外賣的新限聚令實施之前，我就在一個晚上光顧了這間原名「慶麵」，在附近的角祥街開業，現在搬到利得街，連店名也改為「慶記」的中菜館子裡吃了一頓晚餐。

店名改了，地方大了，店內環境比前好了，餐牌上的菜式也多了。

手機點餐，也方便快捷。

先來一道點心。

是店中人氣推介之一的「XO醬蟹肉小籠包」（$35/2隻）。

這小籠包的賣點在蟹肉，其實蟹肉都不少，味道也不錯。

不過這包的XO醬味道不太突出，好處是不會搶去小籠包餡料的味道，壞處就是未必迎合到嗜辣的食客的要求。

「醉雞卷」（$30/8件）是之前我在「慶麵」也曾吃過的小食，這啖啖都是雞肉的冷盤小吃，適中的酒味，軟滑的雞肉，是我喜歡的小食。

天時暑熱，特別想吃一些清新開胃的東西，見餐牌上有一款同樣是人氣推介的「特色山葵醬雞絲冷麵」（$40），比常見的「麻醬雞絲冷麵」（$40）來得特別。

雖然我一向喜歡「麻醬雞絲冷麵」，也被這特色冷麵吸引，點來一試。

這特色冷麵的味道的確不差，山葵醬帶來適度的味覺刺激，但又不會太辣，配以油麵、雞絲、青瓜絲和紫菜，與藏在麵下的醬油汁撈勻來吃，絕對是開胃之選。

老婆仔的「紅燒豬軟骨慶麵」（$52）我沒有吃，不過聽她說味道都不錯，而且豬軟骨也頗腍和入味，我想都應該不錯吧！過去的「慶麵」，是一間不錯的小店，現在的「慶記」，菜式多了，食物也能保持水準，加上性價比不低，來到大角咀利奧坊附近，不妨一試呢！

疫情反覆，同同事放工去買番啲靚扒，存糧。

買完嘢，見到呢間上海菜館「慶記」，食番碗麵先，即刻入去，坐底放下袋扒，冷氣充足，舒服晒😆～呢度都幾先進，用QR code自己點菜。

我哋點咗：生煎胡椒包$26 （兩隻）很有驚喜，真係做到皮薄餡靚，一咬落去，我「嘩」咗一聲，因為好多肉汁💦流出嚟，每一啖都充滿肉香與黑胡椒嗆辣滋味🤤，而且包底部微煎香脆，一試愛上。

配一啖香甜嘅「玫瑰花蜜$12🌹」，原來食完好嘢，人都開心啲。

口水醉雞卷$34一客有8件，雞扒捲起來蒸熟，肉質很嫩滑，配以自家調製嘅口水醉雞汁，中辣，幾惹味。

紅燒豬軟骨撈麵🍜$46豬軟骨與上海麵是分開上的，麵的份量很大，豬軟骨燜得軟腍入味，與麵質彈牙嘅上海麵同吃，倍感滋味。

紅燒豬軟骨慶麵🍜$52同事點湯麵，裡面有豬軟骨、豆卜、白蘿蔔、韮黃及香蔥，材料豐富，湯頭頗鮮甜，大大碗，配杯暖暖甜甜的「龍眼蜜$12」，她説很滿足、很滿意。

呢度上菜好快，食咁多嘢，每人$91，價錢合理，會再來。

呢間上海小店位於大角咀舊區之中嘅一個新式商場，裝修有點摩登但同時又有中國特色，店內掛上小型嘅燈籠，即使只係唔太貴嘅消費，都一樣好有氣氛。

兩個人各叫咗一個麵加兩款點心，就咁睇相你好似幾精緻以為份量比較少，食落就發覺味道非常之好令人覺得好滿足，最後捧住個肚飽飽咁走夏日開胃之選：口水雞絲冷麵強烈建議將醬汁同埋雞絲撈勻晒先食，啲面一散開咗其實份量都幾多，入邊除咗有雞絲之外仲有青瓜絲，清新爽甜，配上酸酸辣辣嘅口水雞汁非常之開胃，建議加杯茶飲或者豆漿麵質彈牙少少煙un，聞落去香味有少少似油面，但絕對係乾爽而且唔笠口，而且好好咬，越咬香味就越出飽肚之選：紅燒豬軟骨慶麵豬軟骨肥瘦剛剛好，有成三四舊咁多，湯底唔會太鹹唔算油，女仔黎講一定夠食（何況我本人唔細食）其實原本最想試嘅係仲未推出嗰兩款，唯有後返下一次啦香口惹味：生煎胡椒包買相已經覺得好可愛，上面少少嘅蔥花再配上黑芝麻點綴，睇落都覺得好精緻，包包嘅上半部份係白色而下半部份係煎香左嘅淺啡色，一咬落去外皮已經好趣尤其是係個底部，入邊啲汁急不及待咁流出嚟，即刻要啜住佢先好呀入面d肉都好多，唔會太肥膩又滑，胡椒味越食越濃，真係見到原粒胡椒！皇牌之選：XO醬蟹肉小籠包雖然同普通嘅小籠包會貴少少，但係好值得呀，一咬落去已經聞到好香嘅蟹黃味，湯幾鮮甜，比起普通小籠包多一層質感，口感豐富最方便嘅係佢可以兩隻兩隻咁叫，人少少都可以試唔同款式環境、食物質素、份量都對得住呢個價錢，值得一試。

爆汁生煎包，絶對係我對慶記既印象唔難係網上搵到慶記既好評，新潮風格既香港特式上海菜，小店變大舖，新舖裝修相當高雅，整潔簡約中帶和風坐耐啲傾計都好舒服餐牌主打上海點心麵食，麵有冷麵、撈麵同好吸引既慶麵，點心就生煎包、小籠包、鍋貼等等都有，有唔少菜式都係有自己嘅特色既天氣炎炎，食啲凍野開下胃口先醉雞卷，賣相好吸引，酒香幾夠，口感夠凍又夠酒味，味道不錯雞肉唔會過熟，幾嫩滑下，用雞卷整醉雞令口感更豐富麻醬雞絲冷麵，上枱幾靚，急不及待大撈撈，入口涼浸浸，麻醬濃厚，撈埋青瓜絲雞絲好有風味味道同口感夾得不錯，雞絲仍然好嫩滑既紅燒豬軟骨慶麵，好大碗既麵，份量好足，見住好多枱拎住好大碗慶麵大住大住食到shushu聲好正好吸引即刻shu返住食下先，麵質口感爽彈，打得好唔錯，同一般食到既上海幼麵極唔同，好似幼小小既油麵，係會食上癮既麵湯底由於係紅燒，變得好濃味好正，肉味同油香好濃豬軟骨好腍，一咬就開，又夠入味，軟骨爽口，夾埋紅燒味湯底好味道食到好滿足飲下野，飲左杯桂圓蜜，幾夠味下上海點心highlight黎lu小籠包，原蒸籠上，打開香煙撲鼻，見到已經好想食，一啖一隻(小心熱！！)，入口風味難忘，皮薄多汁好夠肉香湯汁好多好正，味道肉皮汁都好夾好好食最後係勞蘇食推介 —— 慶記生煎包以為小籠包多汁又好味，點知生煎包真係驚喜，無心理準備咬一口，點知爆汁！！真係，生煎包而咬個頂，爆到成口都係湯汁真係多汁到，細味時肉餡好好味，好香，包皮都好脆又煎得香，每一啖都好味必食小店變大店，味道更好，風味特色十足啱晒新一代試下新派既上海點心麵食又唔貴，份量又足，小食有大有細，樣樣都好好食咁淨係去食生煎包都值，記住要去返次#雞翼都好似好吸引#唔知點解好想配米酒一齊食#如果做多幾款甜品真係完美

識搵食嘅朋友仔都知道大角咀呢個地方其實都係美食天堂，有好多鋪頭都係臥虎藏龍。

今次黎到呢間叫慶記嘅中菜餐廳，係餐牌見到又有小籠包，又有啲辣辣地嘅川菜食，食得幾過癮。

我同朋友分別叫左紅燒豬軟骨撈麵同埋口水雞絲冷麵，呢兩隻麵都各有特色，豬軟骨份量好足，浸住豬軟骨個個汁同個麵都好夾，而口水雞個碗又另一個風格，個口水雞汁係小辣帶酸，我覺得佢有加到黑醋因為隱約feel到個隻味，但配埋青瓜絲加個麵係好夾，食完好清涼，好容易一啖接一啖咁狂食，值得推薦。

食咁多野當然要配個茶黎飲，叫個茶都有茶壺裝住，都好抵玩喎。

紅油抄手黎講佢呢個菜肉雲吞本身已經皮薄餡靚，極好食，食個陣係咁將個雲吞碌下碌下，務求上多啲汁再配埋椒碎咁食，真係不得了。

口水醉雞卷自問真係第一次食，但係出奇地好食。

雖然個汁同頭先嗌個個撈麵汁差唔多，但係份量夠而且味道好。

生煎胡椒包都過得去架，皮脆肉嫩，如果鍾意食香口野，呢個岩哂你。

正常嘅小籠包同埋蟹肉小籠包我都有叫到，裡面啲湯汁好正，個外皮皮薄但好成功保護，無咁易夾爛，兩個都叫得過架。

呢間店性價比高，野食唔係度度有，我個人會推介大家試下個口水雞絲撈麵。

慶記餐單提供滬菜, 上海, 拉麵等推介美食位於大角咀區，餐廳座位數未知人均消費約$50以下，結賬可以用現金,八達通，Booking訂位可以電話致電 26090966 查詢。

您對於大角咀餐廳「慶記」有何 comment？

慶記餐廳詳細資料：

• 慶記地址:
  大角咀利得街11號利奧坊地下G501-503號舖
  Hing Kee, Shop G501-503, G/ F, Square Mile,11 Li Tak Street, Tai Kok Tsui
• 慶記電話: 26090966
• 慶記價錢: $50以下
• 分類: 滬菜, 上海, 拉麵
• 座位: 未知
• 付款: 現金,八達通
• FB專頁: 慶記 Facebook

更多慶記相關資料:

• 慶記分店
• Youtube
• Facebook
• Twitter
• Google