Yaki Biru 大角咀

Yaki Biru 評價 相片

第一次寫食評,因為呢間野實在太唔掂,唔想其他人好似我地咁中伏 我地星期六徬晚黎食,叫左個海鮮串燒餐(包括燒蠔,燒虎蝦,燒帆立貝,燒白鱔, 再加十串自選串燒)七點四十分落單， 全間鋪得4枱客,但係到呢一刻(九點正),都只係黎左7串串燒,蠔/虎蝦/帆立貝/白鱔同其餘果3串串燒影都冇...黎左果7串串燒, 唔知點解個碟查左一pat燒汁,搞到全部串燒都係得返d燒汁味, 份量亦唔多.個餐包左一個"濃湯烏冬"同"紫菜飯", 烏冬係噹噹烏冬果類,都算,個紫菜飯先令人開眼界~ 第一,佢冇任何紫菜,第二, 飯唔係珍珠米而且係削嘅... 簡單講就係一碗飯加左一pat燒汁係面頭.... 震驚到連相都唔記得影...有感於d食物質素咁強差人意，我地決定唔要未黎果d野,埋單走人...

新年流流，落街諗住搵嘢食，經過呢間嘢，見個門面乾乾淨淨，諗住應該可以，所以就冇諗太多就入咗去，點知咁就中咗伏。

入去坐低叫嘢食就已經叫咩冇咩，都唔緊要喇，上菜嘅速度就係龜速，但係其實係講緊成個舖頭得3枱人。

我叫咗啲串燒，但啲串燒味道真係唔好，好似蒸出黎咁，連日本蕃薯呢啲咁正路嘅食物都可以燒得差，真係自己BBQ都冇咁嬲。

仲有，啲蝦腸冇挑到，我係俾錢食緊屎呀！係屎呀！唔會再黎。

我打完呢篇嘢，啲嘢食都未上齊呀！

嗱，話晒做咗F&B咁多年，都食過唔少好嘢，以呢個價錢來講，真係有更多更好嘅選擇。

。

 二人前海鮮火鍋套餐($348398)套餐包括任選串燒x4、前菜x2、牛/黑豚肉、雜菜拼盤、主食x2，有蟹皇/豆乳海鮮湯揀，同主角...海鮮~原條刺身級𩶘魚 ($348)三款海鮮裡面，我揀咗𩶘魚。

。

魚冇魚味，豆乳冇豆味，所有材料都係雪藏貨，解凍完就直接落煲，食落成陣雪藏味。

其他前菜，正常味law...全部都係來貨野，好難難食嘅比較好食嘅，就只係個串燒，有燒京蔥，唔會燒得太乾，但又唔會油淋淋 

以前係大角咀返工到食晏時間都要諗一諗，因為真係好多選擇！依家有時候都會去大角咀覓食，今次就食下依間嘅日式火鍋～。

門口裝修幾有日式小店風格，門口旁邊嘅位置係對住街比較開揚，見到唔少客人帶埋狗仔黎食嘢～ 叫左個二人前火鍋餐，有兩個湯底選擇，包兩款前菜，一個蔬菜拼盤，一款肉，兩個飯/麵同四款串燒，份量唔算大，兩個人食岩岩好～。

🔅原隻龍蝦配豆乳海鮮湯底🔅真係原隻上哂😀 開左邊容易分黎食，味道算新鮮但肉質偏實，膏嘅部份有沙🤭 豆乳湯底唔太飲得出豆乳味，龍蝦滾起之後湯底味道就濃返少少。

🔅串燒 鹽燒雞翼/七味燒黑豚腩串/燒翠玉瓜/沖繩燒菠蘿燒雞翼燒得唔錯，鹽味比較淡，黑豚腩肉質太硬，但味道唔錯，翠玉瓜燒得剛剛好，食落有汁唔乾身～ 可惜燒菠蘿比較失望，懷疑舊菠蘿唔新鮮，好大陣’益‘味🤢。

🔅小食 凍豆腐/蒜味螺肉🔅豆腐大大件又夠凍！淋上芝麻醬好好味😋 螺肉都大大盆呈上😆。

🔅牛肉🔅肉質尚可唔硬身無雪味，建議點芝麻醬幾好食😊 提供嘅豉油味道好鹹🤭。

🔅蔬菜拼盆/烏冬/飯🔅娃娃菜份量好多，仲有金菇，冬菇同蘿蔔，蘿蔔清甜好食👍🏻烏冬尚算彈牙，不過最後因爲湯唔夠而只係再加水，所以都係芝麻醬撈黎食～依個食法真係最好食😆。

環境都算坐得舒服，黎飲下嘢食串燒唔錯嘅～ 如果啤酒可以再凍啲就好啦，但依個shabushabu質素，真心唔抵食🤭

誰會想到奧海城附近會有這樣的街道，整條路充滿人們嬉鬧的笑聲，食店、酒吧及其他商舖都各有特色，總圍繞著星期五的氣氛。

好酒的人一定喜歡這裡，無論那一間店，都有不同的酒精供應著。

居酒屋的門面、開揚的座椅，還有$368的二人海鮮火鍋吸引我。

有兩款前菜、蔬菜、肉類各一份、二份麵類及四串串燒。

北海道栗毛蟹(2隻)大小適中、但未算十分新鮮。

不過都有點點的蟹膏，個人建議這個跟火鍋是最配搭，蟹味會不知不覺滲透整個鍋中。

串燒款式十分多，order了雞皮、雞軟骨、大蔥及粟米。

每款都中規中矩，但要立刻吃，要不就會令味道失色。

略嫌沒有醬汁可以配合。

豚肉、蔬菜拼盤都沒有太大驚喜，豚肉肉味不夠重。

烏冬非常好吃，是正宗的讚歧冷凍烏冬。

價格算是OK，唯獨套餐沒有送餐飲，普遍單飲也要數十元一杯，對於不嗜酒或是學生算是一大不吸引之處。

湯底是豆乳湯，但及後也只是加水，令湯中的精華一洗而去，沒有一個完整的收尾。

另外，員工不算是細心，沒有餐飲但也沒有奉上水或茶一杯、有點美中不足。

而且，一入店舖需要等一段時間才有員工從對面餐廳跑過來，感覺沒有駐場員工為顧客服務，容易流失客人又或是留下不好的印象。

不過，欣賞店內的佈置、食物的質素也不錯，最令我難以忘懷卻要數播著日本的老歌，看著街上人煙稠密，感覺去了日本某個小巷，去享受這個晚餐。

叮叮都十分喜愛整個格局的配合，非常match，而且還有那些老歌，除了令你飽腹感覺，更有耳朵的享受。

Yaki Biru餐單提供日本菜, 居酒屋, 串燒店等推介美食位於大角咀區，餐廳座位數未知人均消費約$101-200，結賬可以用現金。

您對於大角咀餐廳「Yaki Biru」有何 comment？

Yaki Biru餐廳詳細資料：

• Yaki Biru地址:
  大角咀博文街15號富貴大廈西座地下A舖
  Yaki Biru, Shop A, G/ F, Peony House West Block,15 Pok Man Street, Tai Kok Tsui
• Yaki Biru電話:  
• Yaki Biru價錢: $101-200
• 分類: 日本菜, 居酒屋, 串燒店
• 座位: 未知
• 付款: 現金
• FB專頁: Yaki Biru Facebook

更多Yaki Biru相關資料:

• Yaki Biru分店
• Youtube
• Facebook
• Twitter
• Google