Stage + 目黑壽司 大角咀

Stage + 目黑壽司 評價 相片

有時很難解釋. 但如果去奧海城吃午飯便常常去了Stage. 他們的西餐是不錯的. 但上次試了他們日式定食那邊就認真麻麻了.先來了一碗咸得不能喝的麵鼓湯. 隔了很久很久來主菜...但來錯了...不過算吧...不然不知要等多久. 是雜錦壽司拼盤...味道..真是麻麻地...最後甜品是泡芙雪糕...口感怪怪的..下次都是食西餐算.不得不提的是...這兒的服務還是慢. 慢. 慢.

0係地鐵東涌沿線想食壽司, 諗起一直都未試過0既呢度, 見佢門口寫住賣手握壽司, 環境唔錯, menu 上款式唔少又唔係咁貴, 就同朋友入0黎試0下.食0左一d 都唔多0野, 不過愈食愈失望. 珍寶三文魚: 同銅鑼灣「昭陽」一樣玩gimmick, 條三文魚成隻筷子咁長, 食落味道只係一般, 可能始終唔係腩. 普通size 三文魚: 呢個反而件件腩, 香好多, 唔錯. 海膽墨魚: 呢個麻麻, 口感太糊口, 唔夠新鮮. 生鮑片: 爽脆, 不過無乜味, 幾失望. 帶子: 塊0野好冰凍, 鮮味都有少少0既... V 形蟹柳: 賣相一流, 食落同普通至平0個隻蟹柳無分別, 並唔係峰壽司0個種.有少少俾個menu 騙倒0既感覺... 劍魚: 朋友話「唔錯」, 我就覺得無乜味. 火炙牛肉: 呢個10 級難食, 面頭燒過龍燒走晒d 肉汁, 搞到成塊0野「乾曾曾」又無牛肉味, 仲要連舊壽司飯都燒到燶晒表面黑晒, 成陣(火羅)味, 唔掂>_< 麵豉湯: 一般啦, 唔知點解好似有少少怪怪0地咁味...? 鹽燒雞翼兩隻: 無乜味又「乾曾曾」, 幾唔得. 汁燒大蔥雞肉: 呢個ok, 雞肉又腍又滑, 大蔥無晒澀味, 亦燒得夠香. 仲有d 壽司飯: 一夾即散, 仲要係散完再散; 如果係手握的, 即係師傅唔夠班啦.環境都係一般迴轉壽司咁啦, 不過成日有小昆蟲0係師傅身邊飛來飛去, 衛生情況有待改善.Service 都一般, 個個又hea 又黑面, 好彩仲識俾反應你.埋單大約$90 一個人(20% off), 迴轉壽司0黎講一d 都唔貴, 不過咁0既quality 咁0既價錢的話, 我會選擇俾多$50 去板前或者峰壽司食餐好0架囉.P.S. 喊面係俾件火灸牛肉同d 壽司飯的!從未食過咁難食0既同類型食物!

我每次去都例牌叫個Uni Sushi and Ikura Sushi.我起碼叫做食過晒好多日本餐廳，私房菜等等，都唔及我去目黑咁正。

因為其他日本餐廳收我超貴都俾唔到相中咁多的Uni 同Ikura 俾我．但係sushi bar 台就真係唔好坐，祇不過，如果係幸運的，可以係隔離Stage 度，搵張舒服的地方坐，再響目黑度落order (即係好似大牌檔咁) ... 都Okay 家!!!重點：一定要食佢地個劍魚sashimi，好油好好食家!!!

跟元綠水準差不多, 價錢亦都是差不多!軟殼蟹手卷又凍又唔好食! 座位可以, 服務都可以! 星期六晚七點幾既黃金時間都不用等位! 可想言之都是一般貨色!

2個人每人要左個下午茶A:25蚊2件手卷+飲品豬扒手卷x1炸蝦手卷x1軟殼蟹手卷x2材料唔暖...係偏凍軟殼蟹.....好細件炸蝦個漿.....好厚朋友平時好鐘意黎呢度食野...呢個價錢我都認為ok既...25蚊飽肚用XD

Stage + 目黑壽司餐單提供多國菜, 西餐廳等推介美食位於大角咀區，餐廳座位數未知人均消費約$51-100，結賬可以用現金。

您對於大角咀餐廳「Stage + 目黑壽司」有何 comment？

Stage + 目黑壽司餐廳詳細資料：

• Stage + 目黑壽司地址:
  大角咀海庭道18號奧海城第二期UG03
  Stage + Meguro, Unit U G03, Olympian City2,18 Hoi Ting Road, Tai Kok Tsui, Kowloon., Tai Kok Tsui
• Stage + 目黑壽司電話:  
• Stage + 目黑壽司價錢: $51-100
• 分類: 多國菜, 西餐廳
• 座位: 未知
• 付款: 現金
• FB專頁: Stage + 目黑壽司 Facebook

更多Stage + 目黑壽司相關資料:

• Stage + 目黑壽司分店
• Youtube
• Facebook
• Twitter
• Google