Paul Lafayet 大角咀

Paul Lafayet 評價 相片

屋企人買咗焦糖燉蛋禮券今日我就一次過用四張換黎食啦奧海城呢間分店冇乜人 我一去到就有店員主動招待我佢有問我係咪即刻食 佢提醒我如果燉蛋選擇燒面要三十分鐘內食咗佢 否則會易出水我選擇燒啦當然即叫即燒既焦糖燉蛋 望到都好吸引店員包好比我拎走返到屋企 急不及待即刻開嚟食見到個焦糖面咁靚已經留哂口水影咗張相就食啦！燉蛋果然係好香滑 配埋脆卜卜嘅焦糖面成個焦糖燉蛋都好有蛋味真係好好食呀都幾重成本嘅係見到佢放燉蛋既個兜原來係瓦兜黎架 幾靚又好實淨 食完仲可以留返黎用

食過Paul Lafayet嘅Creme Brûlée好多次, 但就未有機會試蛋糕。

趁住同事生日就order咗個Delice Exotique嚟試下芒果椰子慕絲蛋糕入口嘅感覺好light, 芒果同椰子嘅配搭好match, 為味蕾帶嚟清新感覺。

整個蛋糕唔太甜, 同事都大讚!順帶一題, Paul Lafayet Catalog上面只會show 1lb蛋糕, 如要order大size要另外問職員, 2lb蛋糕$672, 價錢偏貴。

表妹生日，專登去訂個佢最愛既特濃朱古力蛋糕，本身想喺k11攞，不過打左2日電話都無人聽，唯有硬住頭皮試下打去其他分店問下，奧海城好快有人聽，而且真係好好禮貌，佢話k11裝修緊，所以最後都決定去奧運攞！值得一讚！朱古力味好濃又唔太甜，連唔食甜野既親戚都食唔停口！

坦白講，四十幾蚊食一個焦糖燉蛋，其實差不多等於一個飯盒既價錢，真係未必人人捨得，但呢個Paul Lafeyet就絕對會令人有久不久去懷緬它的衝動。

當俾左錢之後，店員才會為你用火槍燒個焦糖面，絶對是即叫既做，保証新鮮。

食既時候，個焦糖面是熱辣辣的。

至於個燉蛋，係好香滑的，食到見底，仲會發現有D雲尼拿籽，怪不得個燉蛋咁香。

最後，個精美小盤子千祈不要掉，是用陶瓷造的，十分耐用，我通常都會留在家作小廚具用。

年頭買左一叠買一送一coupon 未用今晚喺奧海就一於去食啦😋😋記得成十年前Paul Lafayet 喺K11開鋪時好多人排隊就係為左食佢個招牌 Cream Brûlée 但今時今日既Paul Lafayet已經唔需要再排隊喇～奧海間鋪都幾舒服，有四個位畀客坐我地二人Order左之後等sales燒下焦糖，大約等左三分鐘就有得食喇😛焦糖面整得好脆👍🏻入面個燉蛋好滑👍🏻雲尼拿籽其實都唔少，不過就大部分都沉晒喺個底邊邊，當然我地都刮晒唻食啦😁好多年冇食，見坊間好多人都話佢冇以前咁好食但我又覺得佢水準都keep到吖😋

Paul Lafayet餐單提供法國菜, 甜品, 糖水, 西式糕點, 咖啡店等推介美食位於大角咀區，餐廳座位數未知人均消費約$50以下，結賬可以用現金，Booking訂位可以電話致電 90606312 查詢。

您對於大角咀餐廳「Paul Lafayet」有何 comment？

Paul Lafayet餐廳詳細資料：

• Paul Lafayet地址:
  大角咀海庭道18號奧海城二期地下G06號舖
  Paul Lafayet, Shop G06, G/ F, Olympian City2,18 Hoi Ting Road, Tai Kok Tsui
• Paul Lafayet電話: 90606312
• Paul Lafayet價錢: $50以下
• 分類: 法國菜, 甜品, 糖水, 西式糕點, 咖啡店
• 座位: 未知
• 付款: 現金
• FB專頁: Paul Lafayet Facebook

更多Paul Lafayet相關資料:

• Paul Lafayet分店
• Youtube
• Facebook
• Twitter
• Google