Chocolate Mood 大角咀

Chocolate Mood 評價 相片

本身只係偶然路過, 望下門口傳媒報導, 覺得有興趣而入去試下的。

在大角咀呢個比較舊區既地方, 開一間西式甜品鋪, 店舖位置又唔係喺大街, 真係有勇氣, 對整甜品熱愛度我係感受到。

一邊食一邊讀下傳媒報導, 先知原來係一對夫婦開既, 因為一次同女女整BROWNIE 就愛上整甜品既樂趣, 毅然放棄本身工作, 開左呢間鋪。

嗯, 突然之間覺得自己口內食緊既"法式焦糖燉蛋" 好有意思。

"法式焦糖燉蛋" 味道唔錯架, 有三個SIZE, 我就揀左用蛋殼盛著的, 當我點好甜品之後, 佢先拎入去幫我用火槍燒焦D糖。

我另外叫左個"西柚香檳果凍", 係用香檳杯盛著奉上既, 好特別, 好難忘。

味道方面, 雖然係酸酸地, 同之前剛剛食既"法式焦糖燉蛋"有好大反差, 但係質感不會太"膠", 用小茶匙一點一點地吃, 一邊傾計, 感覺好愜意! 整個堂內進食, 老闆都冇同客人點傾計, 在小小的鋪頭內, 佢都係後面開放式廚房默默地打點, 準備甜品, 最後走之前好奇問左老闆呢度開左幾耐, 佢答半年。

我覺得, 在香港, 甚至係大角咀區推動更多人幫襯甜品鋪都唔易。

我希望有老闆整既甜品有更多人願意去欣賞。

雖然不是經驗十分到家, 但係相宜的價錢, 同埋一顆堅持、投入的心, 我已經覺得甜品已值滿分。

今日食完飯經過，被焦糖燉蛋吸引住，好啦...食飽左都試下啦!!!原來有蛋白&蛋黃樣兩種，因為本人鍾意食蛋黃多d...估唔到好有酒店水準，好香好滑又唔太甜，正是我最鍾意的味道....good!!!下次一定要再試其他

之前雜誌介紹話哩間甜品點已經好想去試, 今日咁岩經過所以入去睇吓,雖然舖頭細細不過都有好多唔同種類gei甜品凍櫃有香檳jelly, 奶凍, 朱古力, 曲奇....暖櫃有心太軟, 好吸引聽老闆講佢地用gei材料都係新鮮同有機gei, 睇咗一輪...我最後買咗個雲尼拿奶凍, 佢用新鮮雲尼拿籽整, 所以好香, 而且好滑!!!HKD16 一杯有咁gei質數真係好抵食!!一定會再返去, 試埋其他甜品!!

每次逛完大腳咀通常在街角的小小生果店買些巨型鮮橙回家,上次買完橙後方才發現博文街又多開一家小小糕餅店,當時初開業的小店沒太多甜品款式,跟兩位店主聊了一會, 約定下次來吃心太軟;自己也決定稍後日子再到這家小小甜品店看看有什麼好吃。

今次又吃得太飽, 心太軟仍舊沒吃到, 小店真的比上次多了很多款式,如熱櫃裡的BROWNIE, 泡夫,心太軟及不知什麼的餅,凍櫃裡有法式燉蛋、奶凍,蕃薯忌廉蛋糕及數量最多的西柚香檳果凍,還有包裝精美的曲奇餅及朱古力小屋,琳瑯滿目真是吸引。

店主小心翼翼將兩份甜品以白紙袋包裝妥當及以貼紙貼好,看其仔細的態度,很相信她對待其甜品也是同樣仔細執著。

香檳果凍分別有外賣高腳杯($15)及精緻限量玻璃杯版本, 像香檳杯的塑膠杯中的橙色果凍, 打開小圓蓋已嗅到一陣蠻強的酒香, 好酒!jelly中的魚膠粉比例稍重,彈力十足但欠缺柔軟度,有點像大菜糕似的;甜度不高但極有香檳酒香及微微苦味,當中混有西柚果肉,澀澀的果肉爆出果汁, 跟香檳很是配合,杯底還加有一點西柚皮,苦苦但有點果皮香,果皮有點煙韌,多一種不同的嚼勁,整杯果凍也沒有什麼甜味,反而頂層那片小小砂糖桔肉應是全杯最有甜味的了,好一杯大人才懂欣賞的甜品。

BROWNIE ($8) 以小紙袋放在暖櫃裡溫著, 小紙袋幫忙吸油,看其全都變成透明,相信牛油份量也不吝嗇; 留待翌日吃時brownie硬得像餅乾, 不是以往吃過硬中帶軟的感覺,反而很像吃脆脆曲奇,的確有著很濃朱古力味,加入不少合桃增加更多香脆和嚼勁,味道是ok的,不過我還是喜歡有點軟的brownie多一點,不過可能因天氣關係,現吃的話可能就有軟軟效果。

年青老闆娘事事親力親為, 觀其面書中的蛋糕造型,距離驚艷感會有點距離,不過應以味道取勝;小店只有兩個臨窗高椅位置,下次要來個堂吃相信風味一定更好。

老闆娘加油哦!! 不足一月再次光顧,漂亮老闆娘今次不在,換上是初次遇到的另一位男老闆坐陣餅房,也許老闆是日忙於做餅,今次沒有初遇時的健談及笑容了。

本打算試其招牌心太軟,可惜是日沒供應,甜品款式也只餘下幾杯香檳果凍、奶凍和不同味道的法式焦糖燉蛋,那就要其中一款薑汁法式焦糖燉蛋白($15)。

一位很有禮貌但不熟手的女仕為我準備這甜品,在雪櫃拿出再用火槍將面層燒焦, 表面焦糖燒得濃淡不一的不算得上好, 幸而焦糖還算夠薄夠脆,尚有少少敲玻璃的感覺; 燉蛋白仍然凍凍, 質感不算夠滑溜,有點硬豆腐花的感覺,甜味本身不重,加上焦糖後甜味剛好不會過甜,雖說是薑汁燉蛋白,但薑汁味輕得如沒有,用力的以味蕾去感受也嚐不到薑味,跟原味燉蛋白似乎相距不大,水準有點一般。

Chocolate Mood餐單提供多國菜, 麵包店, 甜品, 糖水等推介美食位於大角咀區，餐廳座位數未知人均消費約$50以下，結賬可以用現金。

您對於大角咀餐廳「Chocolate Mood」有何 comment？

Chocolate Mood餐廳詳細資料：

• Chocolate Mood地址:
  大角咀博文街4號地下
  Chocolate Mood, G/ F,4 Pok Man Street, Tai Kok Tsui
• Chocolate Mood電話:  
• Chocolate Mood價錢: $50以下
• 分類: 多國菜, 麵包店, 甜品, 糖水
• 座位: 未知
• 付款: 現金
• FB專頁: Chocolate Mood Facebook

更多Chocolate Mood相關資料:

• Chocolate Mood分店
• Youtube
• Facebook
• Twitter
• Google